رواية احببت شخصا مجهولا الفصل الخامس عشر 15 - بقلم فرح

خلصوا أكل وفريدة قامت عملت شاي بالنعناع وقعدوا يهزروا ويضحكوا لحد ما الوقت اتأخر. استأذن محمد إنه يمشي. قاموا يوصلوه وفريدة استأذنت والدها تنزل معاه تحت. محمد: اطلعي يا فري يلا. فريدة: حاضر، طمني لما توصل. محمد بحب: حاضر يا حبيبي، يلا باي. فريدة: بايو. طلعت وهو مشي. دخلت أوضتها، اتوضت وصلت القيام وقرأت وردها لحد ما هو رن. محمد: الوو. فريدة: أيوا يا حبيبي. محمد: أنا وصلت. فريدة: ماشي. محمد: بتعملي حاجة؟

فريدة: لا، كنت بصلي وخلصت. محمد: حرما يا حبيبي. فريدة بكسوف: جمعا إن شاء الله. محمد: احم، فريدة كنت عايز أطلب منك طلب. فريدة: نعم. محمد: عايز أتفق مع والدك على معاد الفرح. فريدة بتوتر: لا طبعًا، لسه بدري. محمد: بدري ليه يا فريدة. فريدة بصوت عالي نسبيًا: محمد، أنت عملت كتب الكتاب من غير رأيي أنا، عايزة أجهز كل حاجتي براحة وعلى مهلي. محمد بحزن بان من صوته: تمام يا فريدة، أنا هقفل، تصبحي على خير.

فريدة لسه هتتكلم، لقيته قفل. فريدة بضيق: أوف، صوتي كان عالي، إيه يا ربي ده. وبعدين يقفل في وشي، ماشي يا محمد. وبعدين نامت وهي متضايقة. قامت الصبح، مكنش عندها كلية. ملقتهوش رن عليها ولا بعت رسالة حتى، اتضايقت إنه اتجاهلها. قامت اتوضت وصلت وطلعت بره، قعدت معاهم. كلهم لاحظوا إنها قاعدة سرحانة. باباها قالها: مالك يا فري، فيه إيه. مردتش وهي كانت سرحانة. نده عليها تاني. باباها: فريدة يا فري. فريدة: نعم يا بابا، بتنادي.

باباها: مالك مش معانا خالص. فريدة: لا، مفيش حاجة. سليم: اللي واخد عقلك يتهني بيه 😂. فريدة بكسوف: يا بابا خليه يسكت. باباها بضحك: اسكت يا واد. سليم بضحك: حاضر يا بابا. فريدة: هقوم أحضر الأكل. قامت حضرت الأكل وكلوا. فريدة بغيظ: هو هيبتديها من الأول خصام، عاااا، منك لله يا محمد. اليوم خلص وهو مرنش ولا بعت رسالة حتى. بالليل باباها خبط. فريدة: اتفضل يا بابا. باباها: حبيبتي، مالك، أنت شكلك مش عاجبني النهارده.

فريدة: مفيش حاجة يا بابا. باباها بحنان: هتخبي عني. فريدة حكت له كل حاجة وكلامها مع محمد. باباها: على فكرة، أنتِ غلطانة، هو كان بيتناقش بس، وكمان مستنيه هو يرن. فريدة: يا بابا، أنا مكنش قصدي. باباها: يبقى ترني عليه أنتِ وكلميه، أنا عارف إنك مش بتعتذري، بس على الأقل كلميه. فريدة بتنهيدة: حاضر يا بابا. باباها: يلا، أنا هطلع، وأنتِ كلميه، تصبحي على جنة. فريدة: وأنت من أهلها يا حبيبي.

باباها طلع وهي فضلت تفكر ترن تقوله إيه. رنت كام مرة وهو مردش عليها. فريدة في نفسها: أوف، تلاقيه مش راضي يرد. رنت مرة كمان، مامته هي اللي ردت. مامت محمد: أزيك يا حبيبتي، عاملة إيه. فريدة: بخير يا طنط، الحمد لله، حضرتك عاملة إيه. مامته: بخير الحمد لله يا حبيبتي، عايزة محمد؟ فريدة بكسوف: احم، أيوا، هو مكلمنيش طول النهار. مامته: والله يا حبيبتي، كان تعبان طول النهار ومراحش الشغل ولا قام من على السرير.

فريدة بخضة: ماله يا طنط. مامته: اهدي يا حبيبتي، هو أخد العلاج وكويس شوية. فريدة: معلش يا طنط، ينفع أكلمه. مامته: أيوا يا حبيبتي، دقيقة، ادخله التليفون. فريدة: ماشي يا طنط. مامته قومته من النوم وادته الفون. محمد بتعب: الوو. فريدة بخضة من صوته: مالك، فيه إيه، حصل إيه، أنت كنت كويس امبارح. محمد: أنا كويس، متقلقيش. فريدة بحزن: هو ده بسببي، بسبب إننا اتخانقنا امبارح. محمد: لا، أنا واخد دور برد والله.

فريدة بحزن: طيب، ألف سلامة عليك. محمد: الله يسلمك يا حبيبتي. فريدة: مش هطول عليك عشان صوتك تعبان. محمد: لا يا حبيبتي، عادي، ولا يهمك، أنا كويس. فريدة: طب اشرب حاجة سخنة ونام. محمد: ماشي يا حبيبتي. فريدة: هقفل أنا، تصبح على جنة. محمد: وأنتِ من أهلها يا حبيبي. وقفلو. الصبح. فريدة:..