رواية احببت شخصا مجهولا الفصل الرابع عشر 14 - بقلم فرح

خلصوا ولسه طالعين لقوا محمد واقف بعربيته. فريدة وسلمى بصوا لبعض وابتسموا. فريدة قربت منه وقالت: مالك واقف كده ليه؟ محمد بغيظ: مستني الست الوالدة جوه، هكون جاي ليه يا فريدة جاي آخدك. فريدة بغباء: وأنا إيش عرفني. محمد بغيظ: الصبر يا رب الصبر، اركبوا يلا عشان أوصلكم. سلمى كانت واقفة بعيد. فريدة ندهت عليها وشاورت لها تيجي. راحت سلمى عندهم وقالت: احم، إزيك يا أستاذ محمد؟ محمد: الحمد لله يا آنسة سلمى، اركبوا يلا أوصلكم.

سلمى: روحوا أنتم، أنا هروح مشوار وأروح. فريدة: رايحة فين؟ سلمى: هبقى أقولك، يا سلام. فريدة باستغراب: سلام. ركبوا العربية ومشوا. محمد: مالك يا فري؟ فريدة بابتسامة: مليش والله، عادي. محمد: امم، طيب يلا تعالي ننزل على الكورنيش شوية ولا نروح مطعم؟ فريدة بسرعة: لأ لأ، هننزل. محمد بضحك: طيب يلا. نزلوا وقعدوا على الكورنيش وجابوا حمص الشام وقعدوا يهزروا ويضحكوا. محمد قام وقف ورا فريدة ولبسها سلسلة دهب مكتوب عليها اسمهم.

فريدة بفرحة: الله، جميلة. محمد بحب: مش أجمل منك والله. فريدة ابتسمت وقالت: ربنا يديمك ليا يا رب. رد عليها بحب: ويديمك ليا يا نور عيني. وبعدين قالها: يلا أروحك ولا نقعد شوية زي ما تحبي؟ فريدة: يلا، هتتعشى معانا؟ محمد: لأ يا حبيبتي، يوم تاني. فريدة بتصميم: لأ، أنا قلت النهاردة يعني النهاردة. محمد بضحك: حاضر يا ستي، أنتِ تأمري. وبعدين ركبوا العربية وراحوا على البيت. فريدة: ماما يا ماما. مامتها: تعالي يا حبيبتي. فريدة:

ماما نادي بابا أو سليم معايا محمد. مامتها: اتفضل يا حبيبي، عامل إيه؟ محمد باحترام: بخير الحمد لله يا ست الكل. مامتها: دايماً يا رب، ادخلوا يلا، هنادي سليم. فريدة ومحمد: ماشي. دخلوا وسليم طلع يقعد معاهم لحد ما باباها جه وسلم عليه وقعدوا ياكلوا.