رواية احببت شخصا مجهولا الفصل الرابع 4 - بقلم فرح

فتحت الورقة لقت مكتوب فيها: 'عزيزتي، ليت كل البشر أنتِ، وليت كل العيون عيونِك يا ست الحُسن.' ابتسمت وقعدت تدور على حد واقف، ملقتش حد. مسكت الورقة تقرا فيها كتير وتتبسم. روحت البيت، سلمت على أهلها ودخلت أوضتها. صلت فرضها ومسكت الورقة تقرا فيها لحد ما غلبها النوم. صحت الصبح على رنة تليفونها. كانت سلمي. سلمي: انتي فين يا فريدة؟ إحنا متأخرين. فريدة: هي الساعة كام؟ سلمي: الساعة 8 ونص يا اختي. فريدة: من على السرير وقالت:

سلمي، خمس دقايق وتلاقيني تحت، باي. دخلت بسرعة لبست ونزلت جري. قابلت سلمي وجريوا على المحاضرة. لقوا الدكتور داخل. فريدة: احم، ممكن ندخل يا دكتور؟ الدكتور: لا، ويلا بره. سلمي: يا دكتور بالله دا هما خمس دقايق تأخير. الدكتور: قولت محدش يدخل بعدي يا دكتورة منك ليها، يلا بره. سلمي لسه هتزعق. فريدة سكتتها وأخدتها ومشيت. سلمي بغيظ: كنتي سبيني أهزأه. فريدة: آه وتشيلينا السنة يا أختي عشان آكل علقة يا أختي.

سلمي بغيظ: اخرسي، اخرسي. فريدة بغيظ: حاضر، حاضر. سلمي ببرود: بقولك إيه، تعالي نروح ناكل في الكافتيريا. فريدة: يلا، أنا نزلت ومأكلتش، بلا تعليم بلا بتاع. راحوا الاتنين الكافتيريا. طلبوا الأكل، وهما بياكلوا اتحدف على فريدة ورقة. بصت ملقتش حد. سابت الأكل وفتحت الورقة. لقت مكتوب فيها: 'سَلملي ع عينيَك الاتنِين دُه لحِد مانتقابل.' فريدة ابتسمت وبتقرا الكلام تاني. سلمي: فريدة، فريدة، فريدة، فريددددددددددده.

فريدة: إيييييييييي. سلمي: مالك يا أختي؟ الضحكة من الودن دي للودن دي ليه؟ فريدة: مفيش. سلمي: ي بت عليا برضه. فريدة: هحكيلك. فريدة حكت كل حاجة لسلمي. سلمي: اوبا يا ولا! بقي عندك حد بيحبك في صمت؟ ارزقنا ياااااارب. فريدة بضحك: قُري، قُري كمان. فضلو يضحكوا الاتنين وكملوا أكل لحد ما جه معاد المحاضرة التانية. حضروها وكل واحد روح بيته. وصلت فريدة وطالعة على السلم لقت