رواية احببت شخصا مجهولا الفصل الثاني عشر 12 - بقلم فرح

محمد بحب: ها يا ست الحسن، عايزة تسأليني في إيه بقى؟ فريدة: ليه أنا بالذات؟ محمد بحب: ليه إنتي بالذات؟ دي عشان حاجات كتير أوي، وعايزة قاعدة في بلكونة شقتنا بقابس هقولك حاجة صغننة. فريدة بكسوف: إيه هي؟ محمد بحب ومسك إيدها: عشان إنتي تتحبي يا فريدة، إنتي أجمل إنسانة أنا شفتها في حياتي. فريدة: بس أنا مشوفتكش قبل كده ولا أعرفك. محمد بحب: بس أنا شفتك وأعرفك من زمان أوي يا فري، من وإنتي لسه صغيرة.

فريدة بصدمة: أنا مش فاهمة حاجة، إزاي ده؟ محمد بحب: مش مهم إزاي، بس أنا بحبك أوي أوي يا فريدة، إنتي أغلى حد في حياتي. فريدة اتكسفت ونزلت وشها. ضحك على كسوفها وقال: إيه الطماطم اللي طلعت في خدودك دي؟ لا لا مش قادر! فريدة ضربته في كتفه وقالت: بس يا بارد! ضحك ومسك إيدها وفضلوا ماشيين على البحر ومشغلين أغنية محمد شاهين "ملكة جمال الناس". "دلوقتي ملكي خلاص يا مثبت الإحساس جواها ثبتني قفل عليها بيبان مارضاش جمالها يبان

من حقي مانا كسبان ويا بختي حبتني" وفضلوا ماشيين كتير. فريدة: محمد، إحنا اتأخرنا أوي، يلا روحني. محمد: قولي محمد كده تاني؟ فريدة ضحكت عليه جامد وقالت: يلا اتأخرنا بجد. محمد بضحك: ماشي يا ستي، يلا. وركبو العربية ووصلها لحد البيت. نزلت ولسه جاية تطلع، محمد نده عليها. فريدة رجعت عنده تاني وقالت: نعم؟ محمد نزل من العربية وأداها بوكس كبير وقالها: أول ما تطلعي افتحيه وكلميني بعد ما تفتحيه. فريدة بفرحة: ده ليا؟

ربنا يخليك ليا. محمد بحب: ويخليكي ليا يا ست الحسن، يلا اطلعي. فريدة: مش هفتحه غير لما تروح، وهفتحه وإنت معايا على التليفون. محمد: ماشي يا عيوني، يلا اطلعي وشاوريلي إنك طلعتي. فريدة: حاضر، يلا باي. محمد: باي يا حبيبي. طلعت فريدة ودخلت أوضتها وحطت البوكس على السرير، وطلعت شاور لمحمد وهو شاورلها ومشي. دخلت فريدة من البلكونة وهي فرحانة، اتوضت وصّلت الصلاة اللي فاتت، وقعدت على السرير. لقت باباها بيخبط.

باباها: حبيبتي، إنتي صاحية؟ فريدة: أيوا، اتفضل يا بابا. باباها: جيتي إمتى؟ فريدة: لسه جايه والله، يدوب صليت. باباها: اتبسطي يا حبيبتي. فريدة: أوي أوي يا بابا، بجد هو إنسان كويس. باباها: ربنا يفرح قلبك يا حبيبتي ويسعدك يارب. فريدة باست إيده وقالت: ويديم وجودك لينا يا حبيبي. لسه بتكمل، لقت محمد بيرن. باباها بصّلها وضحك وقالها: امم، هقوم أنام أنا، أكون عزول. فريدة اتكسفت ونزلت وشها. باباها بضحك: تصبحي على جنة يا هبلة.

فريدة: وإنت من أهلها يا حبيبي. باباها طلع، وهي ردت على محمد. فريدة: السلام عليكم. محمد: وعليكم السلام يا حبيبتي، يلا افتحي البوكس. فريدة فتحت البوكس لقت...