رواية احببت شرطي الفصل الرابع 4 - بقلم بتول اسامه

نادين: آه يا عم مش تحاسب. فهد: إيه دا، هو انتي؟ نادين: هو انت، هو انت ورايا ورايا. تخبط في خلق الله كده. فهد: انتي اللي كنتي بتجري، وبعدين إيه اللي مشيكي في الشارع في وقت زي ده؟ نادين: ملكش دعوة، خليك في حالك. فهد بغيظ: خلاص براحتك، انتي حرة. وسعي بقى الطريق عشان عايز أمشي. نادين بغضب: اتفضل يا خويا. نادين وهي ماشية لقت شباب بيعاكسوا فيها. شاب: فيه قمر يمشي كده بالليل؟

شاب تاني: عشان كده بقول القمر بيطلع بالليل مش بالنهار. نادين بخوف: لأ يخف، بيطلع بالنهار. الشاب: أول مرة أعرف، دي جديدة دي. ولسه يمد الشاب على نادين. فهد: إيدك يا خفيف، أحسن أكسرهالك ولا تحب تيجي البوكس؟ ضرب فهد كل الشباب. الشاب: اجري يلا، ده طلع ظابط. نادين بتوتر وخوف: شكراً. فهد: عفواً، مش بحب حد يشكرني. تحبي أوصلك؟ نادين: هو انت عشان أنقذتني يبقى خلاص هتوصلني كمان؟ لأ شكراً مش عايزين.

فهد: طيب خلاص يا ختي، خليكي تتعاكسي تاني. كدا بذمتك فيه حد ينزل في الوقت ده؟ نادين وهي حاطة إيديها في وسطها: كنت بجيب إندومي. وسلام بقى قبل ما عم محمود ينام ويقفل البوابة. فهد: إيه البت المجنونة دي. *** عند سارة. سارة: خلاص يا مرات أبويا، قولتلك آسف. مرات الأب: عارفة لو عليتي صوتك عليا تاني أعمل فيكي إيه. نادين: حاضر، مش هعلي تاني. مرات الأب: اتخمدي يلا.

نادين ببكاء: فينك يا أمي، كان زمان كل ده ما حصلش. أنا لازم أهرب من البيت ده. بدأت سارة تحضر أشياءها وملابسها. سارة: لازم أمشي من البيت ده وأروح السكن الجماعي بس الشمس تطلع شوية. *** تاني يوم. نادين بتحضر نفسها للسكن الجامعي. نادين بتغني قدام مرايتها: بتدلع براحتها عادي عادي. أمها: يلا يا موكوسة هتتأخري. نادين: إيه يا ماما، ما أنا بشوف أمهات بتزعل عشان بنتهم هتمشي من البيت وانتِ فرحانة.

أمها بزعل: مقدرش أسيبك يا نادين، دا انتي بنتي حتة من لحمي. حضنت نادين أمها. نادين بضحك: هتوحشيني يا ماما، أخيرًا مش هضرب بالشبشب تاني. أمها بضحك: طيب يلا عشان مطلعوش. نادين وهي بتجري: لا لا خلاص. *** عند يوسف وهو سائق سيارة سرحان. يوسف: وحشوني أهلي أوي، كان زمان دلوقتي معايا وعندي ضعف مملكات فهد كمان. *** عند سارة وهي بتجري في الشارع وقبل ما مرات باباها تشوفها. سارة: أخيرًا هرتاح. آه آه.

يوسف: يلهوي، آسف يا آنسة، آسف مش قصدي. سارة: حرام عليك، شنطة السفر اتكسرت اللي هروح بيها السكن ورجلي كمان. يوسف: آسف يا آنسة، أنا متحمل كل حاجة. تعالي أوديكي المستشفى. سارة: متشكرة، مش عايزة من حاجة من وشك. يوسف: خلاص انتي حرة، بس أساعدك طيب عشان متشيلنيش ذنبك. وفعلاً يوسف أقومها وساعدها إنها تقف. يوسف: صدقيني مش قصدي. سارة: خلاص مفيش مشكلة. *** عند مريم. مريم: خلاص هانت وهتجوز فهد بقى أخيرًا.

فيروز: هههه، آه أخيرًا. بس انتي متأكدة يا مريم؟ مريم: بتضحكي على إيه؟ أيوه طبعًا متأكدة عشان جدو قاله يتجوزني أو يتجوز بنت تانية، بس طبعًا مش هيلاقي. وخلاص فاضل شهر. فيروز بسخرية: هنشوف يا بنتي. *** عند نادين. نادين: بخ، إيه يا سارة، عاملة إيه؟ سارة: حرام عليكي، خضيتيني. نادين: مالك زعلانة كده ليه؟ حكت سارة لنادين إيه اللي حصل. نادين: واسمه إيه بقى يا سارة الشاب ده؟ سارة: أنا إيه اللي يعرفني اسمه إيه؟

بس هو اداني الكارت ده وقالي لو محتاجة مساعدة أبقى كلميني عشان خبطني وكده. نادين: وريني كده. سارة: اتفضلي أهو الكارت عشان ترتاحي. نادين بصدمة: ده يوسف. سارة باستغراب: وانتي تعرفي فين ده إن شاء الله؟ حكت نادين لسارة على كل شيء. سارة: آه، وعلى كده هو فاكرك أصلًا؟ نادين: مش عارفة، بس أنا فاكرة وعمري ما نسيته. ده شخص عسل. سارة: آه عسل أوي، ده ماشي يخبط في خلق الله. نادين: طيب يلا يلا هنستلم الأوضة خلاص. ***

عند مرات أبو سارة. مرات الأب: صدقني يا أحمد مش عارفة هي راحت فين. الأب: يعني أنا سهران في الشغل وقولت أجي الصبح عشان أوصلها مش ألاقيها في البيت، وكمان انتو مش عارفين هي فين. أروى بنت مرات الأب: صدقني يا عمو مش عارفين راحت فين. الأب: هتصل على نادين صاحبة سارة يمكن تكون معاها. *** عند نادين وسارة. سارة: حلوة أوي الغرفة يا نادين. نادين: فعلًا حلوة أوي. هاتف نادين بيرن. نادين: ألو. يا سارة، باباكِ بيتصل.

سارة: هاتيه، أكلمه. زمانه قلقان عليا. الأب: الو يا سارة، انتي فين يا بنتي؟ أنا بدور عليكي. سارة: أنا في السكن يا بابا، متقلقش عليا ومعايا نادين. الأب: خلاص يا بنتي، خلي بالك بس من نفسك. نادين: يلا يا سارة عشان نلحق المحاضرة بقى، أول يوم. سارة: يلا بسرعة، أنا متحمسة. *** عند فهد. وهو سرحان بيفكر في نادين. دخل عليه يوسف. يوسف: إيه يا صديقي، سرحان في إيه؟ فهد: لا مش سرحان في حاجة. يوسف: يلا ورانا مهمة شغل بكرة.

فهد: آه يلا. *** بعد مرور يوم. سارة: يلا يا نادين، هنتاخر على المحاضرة. نادين: مش قادرة أصحى، عايزة أنام. سارة: يلا عشان خاطري. نادين: لا مش هقوم. فكرت سارة وتذكرت إيه اللي هيصحّي نادين. نادين بفزع: آآه، إيه ده؟ أنا بغرق، آه آه، البيت بيغرق. سارة: اسكتي اسكتي، هتفضحين. نادين: فيه حد يعمل كده يا سارة؟ سارة: أعمل إيه يعني يا نودي، انتي اللي راضية تقومي؟ يلا. غيرت نادين ملابسها. وذهبت نادين وسارة إلى الكلية.

المعيد الجامعي بعصبية: إيه اللي آخركم كده إن شاء الله؟ نادين: آسفين يا دكتور، مش هنتأخر تاني. المعيد الجامعي: اتفضلوا ادخلوا، وهيتخصم خمس درجات في أعمال السنة. سارة بصوت منخفض: انتي السبب يا نادين، الدكتور نقصنا في أعمال السنة أهو. نادين: أعمل إيه يعني؟ المعيد الجامعي: قوموا اقفوا انتوا الاتنين. نادين وسارة وقفا بتوتر. المعيد الجامعي: آخر مرة كنت بقول إيه؟ حالة من الصمت.

المعيد الجامعي بعصبية: آه، مفيش رد، هيتخصم بدل خمسة ضعفها. اتفضلوا اجلسوا. سارة في سرها: منك لله يا نادين. وكذلك نادين. *** بعد مرور من الأيام. الجد: ها يا فهد، ناوي على إيه؟ هتتجوز مين؟ فهد: سيبني بس يا جدو أسبوعين أفكر. الجد بعصبية: هنشوف يا فهد، ودي آخر فرصة.