رواية احببت صقر العرب الفصل الخامس عشر 15 - بقلم جويريه عبد الله

المستشفى هاجر: انت حكيت لحد على موضوع سارة ونسر؟ صقر باستغراب: لا محكتش لحد، اشمعنى يعني؟ هاجر: أصل جدي سليم عرف. صقر: عرف إزاي؟ هاجر: مش عارفة. صقر بهدوء ما قبل العاصفة: لازم أبوكي يعرف الكلام ده. هاجر بصدمة: نعم؟ صقر: في إيه مالك؟ هاجر: انت عارف بتقول إيه؟ أبويا ممكن يروح فيها، انت بتهزر؟ صقر: لا مش بهزر، عشان كده كده لما يجوا يوم الفرح هيعرفوا أكيد. هاجر: طيب أجل الموضوع ده وقت تاني. صقر: استنى، أجل إيه؟

هاجر: مش عارفة ياصقر، أجلها وقت تاني عشان خالد على الأقل لسه فايق من غيبوبة. صقر: هو إيه اللي حصل لأخوكي؟ دخل في غيبوبة؟ هاجر: عمل حادثة من سنة ودخل في غيبوبة. صقر: ماشي. صقر: هروح أنا دلوقتي، وابقى أكلمك لما أروح. هاجر: ماشي. صقر: السلام عليكم. هاجر: وعليكم السلام ورحمة الله وبركاته. ورحل صقر من المستشفى. في غرفة خالد خالد: وانتي يارب بطة، عاملة إيه في مدرستك وفي دنيتك؟ فاطمة: الحمد لله، كله تمام.

خالد: مش مطمن يا فوزي. فاطمة: عيب عليك يا فواز. وضحكوا، إلا سارة التي يشغل بالها تلك الهمسة. سارة في نفسها: يا ترى هتعمل إيه يا نسر؟ في قصر صقر الجد سليم: صقر رجع ولا لسه؟ عايدة: لسه يا عمي مرجعش، ده مصدق يخرج مع العروسة هههههههه. سالم: والله صقر من ساعة ما خطب مبقتش أشوفه زي الأول. الجد سليم بمكر: يمكن الجوازة دي جايه على هواه. رعد: يمكن يا جدي.

وتشاركو الضحك وهم غافلون عن تلك التي تكاد تموت من القهر والكيد، ومن غيرها الزوجة الأولى شيماء. شيماء بشر في نفسها: ماشي ياصقر، مش هاخليك تتهني بيها، يا أنا يا هي. صقر: السلام عليكم. رد الجميع عليه: وعليكم السلام ورحمة الله وبركاته. الجد سليم بمكر: هو انت كل مرة تخرج مع هاجر بتأخر كده؟ صقر: والله أبداً. وقص عليهم صقر ما حدث. الجد سليم: إحنا لازم نروح نعمل الواجب يا سالم. سالم بطاعة: ماشي يا حج، اللي تشوفه.

وجلسوا سويا، وبعد ذلك كل واحد طلع على غرفته. صقر لشيماء: روحي انتي، وأنا جاي وراكي. شيماء: رايح فين؟ صقر بنظرة حادة جعلتها تموت من الرعب. شيماء: خلاص ماشي. ورحلت شيماء إلى غرفتها. طق طق طق. نسر بعصبية مفرطة: مش عايز أشوف حد. صقر من الخارج: أنا يا نسر. نسر: ادخل. صقر: مالك؟ قص عليه نسر ما حدث بينه وبين الجد سليم. صقر: وجدك عرف منين؟ نسر: معرفش، هعرف منين؟

صقر: بس كويس القرار اللي جدك أخده، عشان لو معملش كده كنت هتصرف أنا. نسر بعصبية: بس... صقر بمقاطعة: مبقاش، انت غلطت باللي عملته، وماكنش ينفع تعمل كده. نسر: والله أسيب بت زي دي تمد إيدها عليه؟ صح؟ انتو بتحلموا! صقر: وهي كمان غلطانة، واللي حصل حصل، ومتقفش قصاد جدك عشان متزعلش في الآخر، تصبح على خير. نسر: وانت من أهله. ورحل صقر إلى غرفته. في غرفة صقر شيماء بدلال: صقر. صقر بملل: نعم.

شيماء: انت من يوم ما كتبت كتابك على واحدة غيري وانت مش معبرني ولا كأني موجودة في حياتك. صقر: الحمام جاهز؟ شيماء بدلال: أيوه. صقر: تمام. ودخل صقر ليبدل ملابسه. وبعد وقت قليل خرج صقر وهو ينشف شعره بالفوطة ويرتدي تي شيرت مريح أسود وبنطلون من نفس اللون. وذهب إلى السرير لينام، وباله مشغول بهاجر، وقد إيه هي بريئة وضحكتها حلوة. صقر ابتسم دون إرادتها لما افتكر كسوفها قبل ما يخرجوا مع بعض.

صقر لنفسه: شكلك هتجننيني معاكي يا هاجر. وخلد إلى النوم.