رواية احببت صقر العرب الفصل السابع 7 - بقلم جويريه عبد الله

قصر صقر عايدة: حمدالله على سلامتك يا شيماء. أي حصل؟ صقر: الحمدلله عدت على خير. عايدة: الحمدلله. سالم: سلامتك يابنتي. شيماء: الله يسلمك يا عمو. صقر: يلا عشان تطلعي الأوضة عشان ترتاحي. شيماء: يلا. غرفة صقر صقر بغضب مكتوم: لي عملتي كده في نفسك؟ شيماء: عشان بحبك ومش عايزة حد يشاركني فيك. انت ملكي لوحدي. صقر بعصبية: تقومي تعملي كده وتقطعي شرايين إيدك؟ لي عملتي كده؟ لي؟

شيماء بعياط: قولتلك عشان بحبك ومش عايزة حد ياخدك مني. لي عملت كده واتجوزت عليا؟ صقر بغضب: لي؟ انتي بتسألي لي؟ انتي آخر واحدة تسأليني. أنا بسببك اتحرمت من الخلف. من بعد أيمن مات بسبب إهمالك. شيماء: تقوم تتجوز عليه؟ صقر ببرود: مش أنا اللي عايز. جدي اللي اختارها لي وأنا وافقت عشان جدي. وكمان من حقي أكون أب، ولا مش من حقي يا هانم؟ شيماء: بس… صقر قاطعها: بس إيه؟ الكلام انتهى وخلص. وخرج من الأوضة.

شيماء بشر: ماشي يا صقر. مش هخليك تتتهنى بيها. في بيت هاجر هاجر: السلام عليكم. سليم وأبوها: وعليكم السلام. الجد سليم: ازيك يا هاجر، عاملة إيه يابنتي؟ هاجر: الحمدلله بخير يا جدي. حضرتك عامل إيه؟ الجد سليم: الحمدلله. إنتي عاملة إيه؟ هاجر: دايماً يارب. الجد سليم: تسلمي يابنتي. كنت عايزك في موضوع. هاجر: اتفضل يا جدي. الجد سليم: في حاجة مقلتلكيش عليها قبل الخطوبة والحاجة دي مهمة. هاجر: اتفضل يا جدي.

الجد سليم: صقر متجوز قبلك يابنتي ومراته على ذمته، مطلقهاش. محمد: إيه الكلام ده يا حج؟ إنت مقلتش حاجة زي كده لينا. الجد سليم: عارف. هما كانوا هيطلقوا واتفاجئنا كلنا إنهم رجعوا لبعض النهارده. عشان كده جيت النهارده عشان أعرفكم. محمد: جي تقولنا يا حج بعد ما خلاص بقت مراته؟ الجد سليم: معاك حق إنك تزعل، بس كانوا متفقين على الطلاق واتفاجئنا إنهم رجعوا لبعض تاني. القرار ليكي يا هاجر يابنتي. محمد: هاجر. هاجر: نعم.

محمد: إيه قرارك في اللي جدك قاله دلوقتي؟ هاجر: أنا عارفه يا بابا. محمد وسليم في نفس واحد: عارفه إزاي؟ هاجر: قصت عليهم. ما حدث في المكالمة سليم: يعني إنتي عندك علم بكده؟ هاجر: أيوه. الجد سليم: ماشي يابنتي. بقولك يا محمد. محمد: نعم يا حج. الجد سليم: إن شاء الله أنا وسالم وصقر هنيجي يوم الخميس الجاي عشان نحدد معاد الفرح. محمد: تنوروا طبعًا يا حج. بس هما لحقوا. الجد سليم: خير البر عاجله.

محمد: اللي فيه الخير يقدمه ربنا. تنوروا وتشرفوا يا حج. الجد سليم: الله يخليك يا أبو هاجر. أستأذن أنا بقى. محمد: بدري كده. الجد سليم: لازم أمشي عشان ورايا مشاوير كتير النهاردة. السلام عليكم. محمد: وعليكم السلام يا حج. ورحل الجد سليم. محمد: هاجر. هاجر: نعم يا بابا. محمد: إنتي هتعملي إيه بعد ما عرفتي إنه طلع متجوز؟ هاجر: هعمل إيه يعني؟ خلاص بقيت مراته. مينفعش نرجع في كلامنا منعا لرجوع المشاكل تاني.

محمد: تمام. بس مترجعيش تندمي. هاجر: حاضر. في الشارع سارة وهي راجعة من الدرس ماشية هي وأصحابها. شمس (صاحبة سارة) : مالك؟ في إيه؟ مش مظبوطة من الصبح. سارة: مش عارفه. قلبي مقبوض ومش مرتاحة. حاسة إن فيه حاجة مش طبيعية. شمس: مفيش حاجة. إنتي قالقة نفسك ليه؟ سبيها على الله. سارة: ونعم بالله. قاطع حديثهم عربية كبيرة قطعت طريهم ونزل منها رجلين ضخمين جدًا. سارة وشمس: إيه ده؟ في إيه؟

لا رد. تقدم رجل منهم نحو سارة ورش عليها مخدر ومشي. شمس بصويت: الحقونا ياناس! حد يلاحقنا! الرجل الثاني خبط شمس على دماغها. فقدت الوعي. عند هاجر محمد: هاجر. هاجر: نعم يا بابا. محمد: صقر جاي عشان يخرجك. جهزي نفسك يلا. هاجر: حاضر. بعد وقت ليس بقليل وصل صقر بيت محمد. محمد: اتفضل يبني. صقر: شكراً يا عمي. هاجر جاهزة؟ محمد: ثانية واحدة أشوفها. صقر: تمام. محمد راح يشوف هاجر جهزت ولا لأ. محمد: هاجر. هاجر: نعم يا بابا.

محمد: خلصتي ولا لسه عشان صقر وصل. هاجر: خلاص قربت أخلص. محمد: ماشي. فاطمة: احم، إزيك يا عمو. صقر باستغراب: الحمدلله. مين إنتي؟ فاطمة: أنا فاطمة أخت هاجر. صقر بابتسامة: إزيك عاملة إيه؟ معلش أصل مش شفتك قبل كده. فاطمة: دايماً يارب. ولا يهم حضرتك. تشرب إيه؟ صقر: ملوش. قاطع كلام صقر خبط على الباب. فتحت أم هاجر. سارة: هاجر فين؟ أم هاجر: جوة. دخلت سارة الأوضة. محمد: إيه اللي آخرك كده؟ سارة: مفيش بس الدروس كتيرة النهاردة.

محمد بشك: أكيد. سارة: أيوه. خرج محمد من الأوضة. هاجر: مالك؟ في إيه؟ سارة: اترمت في حضن هاجر وبتعيط. هاجر بصدمة: بتقولي إيه؟