رواية احببت سمراء الفصل الرابع 4 - بقلم شروق مصطفي

أسد: وانت بقي عايز تخطب ياصخر؟ صخر: أيوا ياعمي، أنا بقيت راجل وكبرت أهو. أسد: طيب اتخرج الأول. قاسم: ومين سعيدة الحظ دي؟ صخر: ريم، زميلتي في الجامعة. محمد: والله عال، كبرت ياصخر. هناء: محمد، هنمشي بقي علشان اتأخرنا. محمد: الساعة بقت ٩، اتأخرنا أوي، نستأذن احنا. قمر: لاااا، مفيش مرواح، هتباتوا معانا الليلة دي. أميرة: قمر قالت كلمة ومش هنتنيها. أسد: أيوا يامحمد، باتوا، انتوا مشواركم بعيد أوي.

قاسم: اقعد معانا اليوم، محدش واخد منها حاجة. محمد: حيث كدا، أنا موافق. وتين دخلت البيت ولقت التجمع العائلي دا. وتين: متجمعين عند النبي، أنشأ الله. الكل: عليه أفضل الصلاة والسلام. قمر: اتاخرتي لي يا آخره صبر مامتك؟ أميرة: أه صح، اتاخرتي لي يا آخره صبري؟ وتين: الكرسي طول شوية وكان بارد، علشان الطالب الجديد اللي انضم دا. طيف: بارد بردوا، هو انتي؟ وتين: وأنا مالي يالمبي، هما اللي بيعصبوني.

هناء: هيفضلوا يعصبوها كدا، يعصبوها وهي جوها ست مؤدبة خالص. وفضلوا يضحكوا. عامر: إيه الكلام دا؟ إزاي انت خطبها وأنا جوزها؟ حياة: كداب يا عمر، عمي عايز يجوزني ابنه بالعافيه علشان الورث. عمر: أقسم بالله العظيم لو ممشيتوش لأطلب البوليس وأعمل محضر تعدي. سعد: بقي كدا يابنت أحمد؟ حياة: أه كدا ونص. عامر: راجعلك والله، لأخليكي تبكي بدل الدموع دي. حياة: ريح يابني، ماشيين. وحياة اعتذرت لعمر على الموقف دا.

عمر: بقولك إيه، قعدتكم هنا خطر، جهزي شنطتك انتي وأختك، وأنا مستنيكي في العربية تحت. حياة: أيوا، بس هنروح فين؟ عمر: فيه فيلا في جاردن سيتي، شقة صغيرة هقعدك فيها انتي واختك، وأنا عارف إنك مش هتوافقي، ف علشان كدا، انتي بتدرسي إيه؟ حياة: طب، علم نفس. عمر: حلو، هدربك معايا في المستشفى في القسم ده، وياستي ادفعي الأجار اللي انتي حابة تدفعيه، ها، قولتي إيه؟ حياة: فكرت شوية وقالت موافقة. عمر: طيب، هستناكوا.

وحياة ونجمة فعلاً وضبوا الشنط ونزلوا ركبوا مع عمر العربية واتجهوا على الفيلا. نجمة: دايماً التعبان غلبان. حياة: وانتي تعبانة من إيه؟ نجمة: مرمطة المستشفى والبيت والهروب. حياة: يا عيني يا كتكوته ياصغننة. نجمة: أه والله، كتكوت ضعيف الجناح، مكسور وغلبان، ضعيف ونعسان. حياة: انعسي بقا. عمر ابتسم على مشاكستهم لبعض، وكان عمال يبص لحياة من طرف عيونه.

نجمة لاحظت وقالت في نفسها: طلاق تلاتة بيحبها، طلاق تلاتة، أختي تلاجة ومش حاسة بحاجة، طلاق تلاتة. أنا أهي سكر سكر جوي. دخلوا الفيلا وأسد وقاسم، ووقفوا لما شافوا عمر. الكل وقف من الصدمة. نجمة: إن إن، وحشتك ياببلاوي. صح. قمر: البت المزّة تاني. أمير: يافرحة العيد والله. عمر: بابا، عمي عايزكم. ماما: خالتوا، ممكن تفتحوا الشقة الصغيرة اللي في الجاردن. عمر: ازيك يا خالتي؟ هنا، ازيك يا عمي؟ محمد، ازيك يا صخر؟ سلموا على بعض.

وعمر أخد أسد وقاسم ودخلوا المكتب وشرح ليهم الموضوع. أسد: لا حول الله يارب، جدع ياعمر إنك عملت كدا. قاسم: عمها دا راجل مفتري، أنا عندي صاحبي محامي، هخليه يخلص لها موضوع الورث ويجبلها حقها كمان. عمر: هبقى هيسكنوا هنا لحد الأوضاع ما تتصلح بس. قاسم: مفيش مشاكل يبني، ولا إيه يا أسد؟ أسد: أه طبعاً. بره كانت حياة جمعت الحريم حواليها وقعدوا يحكوا. قمر: أما تصدقي يابت عمي، دا واطي أوي وندل. هناء: ومين سمعك، دا خسيس.

وتين: أقسم بالله لأروح أجيب كرشه نصين. طيف: وبعدين. نجمة وقفت بتحدي كدا وبعيونها كلها تحدي. وتين وطيف: جدعة. حياة كتمت ضحكتها. نجمة: قومي، عيطي. الكل انفجر من الضحك، وليل فوق نايم في سابع نومه. حياة ونجمة دخلوا الشقة. وطيف ووتين قعدوا يساعدوهم فيها. هناء: البت نجمة دي دمها خفيف أوي، عسل وتتحب بسرعة. قمر: وحياة بردوا، بس حياة عاقلة عنها شوية. أميرة: بنات متربية أوي بصراحة ودمهم خفيف ويدخلوا القلب على طول.

تاني يوم الصبح صحيت حياة واستعدت للشغل، للتدريب مع عمر و……