رواية احببت سمراء الفصل السابع 7 - بقلم شروق مصطفي

عامر: مش موجودة في الشقة يا بوي. سعد: اومال راحت فين؟ عامر: ما خبرتش. روحت أنا والرجالة زي ما طلبت مني عشان نستر عليها ونجبرها على الجواز، بس كسرنا باب الشقة. صاحب العمارة كان هيطلب البوليس لولا إني لميت الموضوع ودي وجبت نجار يصلحه. قالي إنهم سابوا الشقة من اليوم ده. سعد: ماشي يا بنت أحمد، هتروحي مني فين؟ مسيرك هتيجي. وساعتها مش هرحمك. عامر: أنا راجع على البلد يا بوي.

سعد: لأ يا غبي. إن شاء الله تكون تحت الأرض، هنجبها. أنا جيالك القاهرة. عامر: ماشي يا بابا. أسد: ها يا حمزة، عرفت هتعمل إيه في موضوع البنت اللي قولتلك عليها؟ حمزة: أيوه يا أسد باشا. وطمن قاسم باشا، حقهم هييجي بالقانون. عمها ده طلع عامل بلاوي. أسد: حمزة، تعال على المكتب فورًا وهات اللي كان بيراقب عمها، وأنا وقاسم مستنينك. حمزة: ماشي يا أسد، جاي. أسد قفل وفضل يفكر في موضوع حياة ونجمة وإزاي يرجع لهم حقهم من عمها.

في المستشفى، كل الممرضات كانوا متضايقين من تعامل عمر الحلو مع حياة، وخصوصًا سلوى عشان هي بتحبه. سلوى: ماشي يا حياة، لو ما مشيتكيش من هنا وأنتي بتبكي بدل الدموع دم، مبقاش سلوى. ماشي. ودخلت أوضة عمر وأخدت ملف العملية اللي حياة هتدخل مع عمر فيها عشان تشوف تجربة نظرية وكده. وودته لحياة. حياة: شكرًا يا سلوى. سلوى: مفيش بينا شكر، إحنا أخوات يا بنتي، أخوات. حياة: ونعمة الأخت يا حبيبتي. سلوى: بضحك. بكرة هنشوف.

كل واحد خلص اللي وراه واتجمعوا كلهم في الحديقة. أميرة: العيلة كاملة بيكم. حياة: شكرًا يا خالتو. نجمة: منورة عشان أميرة وقمر فيها. وطيف: وأنا الكخة يعني؟ نجمة: إنتي قلبي ووتين روحي برضه. أسد: ومافيش حاجة لعمو؟ قمر: أسسسد! أسد: عمو بيموت في خالتو. وغمزلها. طيف: عمر، ما تعزف حاجة. الكل فضل يتحايل عليه يغني ويعزف. عمر مسك الجيتار وبص لحياة وقال بتوهان وهو بيبص عليها: أنا عندي لعنيكي كلام محدش غيري في الدنيا يقوله.

في يوم من الأيام، ليكي أو لناس تانية، ولو كل الكلام اتقال عنيكي، في غربتي موال، هخلق منه معنى جديد مع دفء كل الخيال. أنا عازف لهواكي الشوق وجواني وأنا المعشوق. وإنتي الشمس، مهما تغيب تاني، نوري دنيا. وهأمشي لك بلاد الله وهحكي لكل خلق الله عن سيرة. هوا عاشق وعن تايه في بلاد الله. وسكت. حياة اتكسفت من نظراته ليها وبصت في الأرض. طيف: أيوه يا عم، بقي. نجمة لحياة: الواد دايب، دايب، مفيش كلام. حياة: احم، طيب، عن إذنكم أوي.

الكل بص لها وضحك. حياة بتوتر: هنخرج البيت، ويلا يا نجمة، يلا. وطلعت تجري والكل فطس على نفسه من الضحك. ليل: الكل لاحظ إنك كنت بتغني لها. أميرة: بتحبها يا واد. قمر: ابني بيحب. طيف: دا ولهان. عمر: بابا، أنا عايز أخطب حياة. وتين: لولو... أميرة: كتمت بقها وقالت: بس يافضيحة. أسد: وماله، البنت محترمة أوي. قاسم: وخجولة وهادية كمان. ليل وهو بيفكر في نجمة وبص للسما: عقبالي. وتين: هي موجودة، بس إنت اللي تلاجة حبيب أختك.

طيف: أنا داخلة أنام بقي، تيكير. عدى اليوم بسلام وجه تاني يوم اللي هيغير حياة عمر وحياة.