رواية احببت سمراء الفصل السادس 6 - بقلم شروق مصطفي

انتهي اليوم التدريبي لحياة وكانت متوترة، بس لما راحت الشغل ابتدت تاخد على الجو وعمر أشرف بنفسه عليها. أما عند طيف فكانت حالتها يرثى لها. نجمة: حياة ممكن أروح أقعد مع طيف شوية؟ حياة: الوقت اتأخر يا نجمة، بكرة. نجمة: ونبي ونبي، هي محتاجاني، هي عارفة. حياة: طيب، خدي إذن من خالتوا قمر. نجمة: مش هيقولوا حاجة. حياة: متتأخريش، أنا هنام. نجمة: ماشي، ماشي. وراحت خبطت على باب الفلة واللي فتح ليلى. نجمة: الأخ الطويل تاني.

ليل: لو طلع لي في كيس شيبسي مش هشوفك كل شوية كده. نجمة: يا سلام، يعني أنتِ كل مرة بتشوف القمر ماشي على الأرض. ليل: نص تواضعك، ادخلي. نجمة: هطلع أذاكر مع طيف شوية، عن إذنك يعني. ليل: أنتِ هبلة، متستأذنيش تاني، أنتِ وأختك هنا تنوروا في أي وقت. نجمة: (بكسوف) يا أخي شو هالذوق هاد يا خي، والله أحرجتني. ليل: (بضحك) دا المفروض خليجي. نجمة: دا بيقولوا. ليل: اطلعي. نجمة: اطلعي. نجمة طلعت لطيف وخبطت. طيف: تعالي يا جوجو.

نجمة: عاملة إيه دلوقتي؟ طيف: مفيش، عادي زي كل مرة. نجمة: أنا البت ريم دي مش مستريحالها والله. طيف: لي يا نجمة، دي طيبة؟ نجمة: أنتِ اللي طيبة، بصي دي. وطلعت صورة ليها وهي واقفة مع حد تاني وهما في وضع مش كويس. طيف: (بصدمة) جبتي منين الصورة دي؟ نجمة: بصي. طيف: فلاش باك. نجمة: أووف، يخربيت الملل، أنا هتمشى حوالين الجامعة شوية عقبال ما طيف تخلص محاضراتها ونمشي.

وبعدين وأنا بتمشى في مكان مهجور خلف مبنى الكلية وشوفت ريم وهي مع الواد دا وصورتهم. طيف: (باك) لازم نقول لصخر ضروري، دا رايح يخطبها الأسبوع الجاي. نجمة: هيتصدم صدمة ياقلب أمه. طيف: (بفرحة وحزن في نفس الوقت) هيعرف حقيقتها، وفي احتمال إنه يحبني. طيف: أقولك على حاجة يا نجمة؟ نجمة: أقولك أنا على حاجة، صخر بيحبك وبيحبك أوي كمان. طيف: لأ، صخر عمره ما حبني.

نجمة: أنتِ عارفة أنا بقولك إيه، صخر بيحبك بس بيكابر في مشاعره وبيعاتب. طيف: تفتكري؟ نجمة: أفتكر أوي، هو بس محتاجين شوية غيرة على شوية برود وتجاهل، واديني من المكس يا حلاوة. طيف: طلعتي سوسة يا نجمة. نجمة: عيب عليكي، بصي بقي هنبعت الرسالة دي لـ "فاعل خير" وهو هيتصرف. طيف: وليه منقولهوش؟ نجمة: البت ممكن هي اللي تكذب وتقول دا فيك، وهو عبيط ممكن يصدق. طيف: متقوليش عليه عبيط. نجمة: الحب ولع في الدرة، اسمعي للآخر.

طيف: ها، كملي. نجمة: ونشوف رد فعله بالمرة. وضحكوا. ريم: الو يا قلبي، عامل إيه؟ صخر: بخير يروحي، أكلتي؟ ريم: لأ، مليش نفس. صخر: لي بس؟ ريم: بتوتر، لأ، بكرة لأ، مش هينفع، عندي مشوار. طيف: لازم نراقبها. نجمة: من الصبح هنبقى تحت بيتها. طيف: رايحة تقابله في الشقة، معرفتيش العنوان؟ نجمة: بطلي غباء، اتنين يعرفوا بعض أكيد بقالهم كتير، وأكيد مش أول مرة هتروح معاه الشقة. طيف: اتصدقي معاكي حق. نجمة: هي هتروح على الساعة ٩ كدا.

طيف: بكرة من ٧ تصحي. نجمة: مش بعملها للكلية وهعملها ليكي يا ست طيف، عدّي الجمايل. طيف حضنتها وقالت: أنتِ بجد ونعمة الأخت والصديقة. عدى اليوم وجه تاني يوم و...