رواية احببت سمراء الفصل التاسع 9 - بقلم شروق مصطفي

صخر بدموع: والله حبتها، حبتها أوي يا طيف، حبتها بصدق. طيف وهي حاسة إنها دايخة وقلبها بيوجعها، لكنها اتحملت لأجل صخر. طيف: صخر، أنت قوي، بس إيه اللي حصل؟ أنا مش فاهمة حاجة. صخر فاق لنفسه وإنه حاضن طيف كده. صخر: طيف، إنتي بتعملي إيه هنا؟ طيف: مفيش، كنت مخنوقة وقاعدة هنا، وإنت جيت وفجأة فضلت أعيط. صخر: أنا مبحبش حد يشوفني وأنا بعيط، متقوليش لحد. طيف: أنا مش حد يا صخر. صخر هدي شوية وقعد وقال لطيف على اللي حصل كله.

طيف: عارف إيه الحكمة هنا يا صخر؟ إن ربنا كشفلك حقيقتها قبل ما الوضع يسوء أكتر من كده. ربنا يسامحها. صخر: تعالي نروح. طيف قامت معاه، لكنها حست بدوخة وقلبها وجعها بشدة. صخر: مالك يا طيف؟ طيف وقعت بين إيديه وهو مصدوم، وابتدت تنزف من مناخيرها. صخر: طيف! طيف! طيف: أنا ممكن مصحاش تاني، بس كل اللي حابة أقولهولك إني حابة أموت وأنا بين إيديك، وآخر وجه بشوفه هو أنت. أنا بحبك أوي يا صخر.

صخر اتصدم وفضل يعيط زي الأطفال الصغيرين، وطيف غمضت عيونها. صخر: لأ، لأ، افتحي عيونك، متغمضيهاش كده. وأخدها وطلع بيها على المستشفى، وبلغ الكل، وراحوا. عمر اتصدم من حالة أخته ومقدرش يدخل العمليات معاها. الكل كان رايح جاي في المستشفى. حياة: عمر، قوم يا عمر، متفضلش تعيط، أنت تقدر تنقذها. عمر: مش قادر يا حياة، مش قادر أشوفها وهي كده، دي بنتي وصحبتي قبل ما تكون أختي. حياة: بس هي محتاجاك، ادخل، أنت هتقدر. عمر: تفتكري؟

حياة ابتسمت وقالت: أنا مش بفكر، أنا متأكدة. وأقنعته يدخل يعملها العملية. كلمات طيف اترددت في ودن صخر ومش راضية تطلع من دماغه، وإنه بيحب كل الحب دا، وهو مش حاسس بيها ولا بمشاعرها، وكل دا بيحب في الوهم. قمر كانت بتعيط على بنتها بحرقة، وأسد وقاسم في المسجد بيصلوا ويدعوا لها. نجمة: خلاص يا خالتوا، والله متعيطيش، ادعيلها دلوقتي. أميرة كانت قاعدة بتقرا قرآن، ووتين بتصلي في مسجد النساء وبتدعي وهي بتعيط. هناء ومحمد كمان جم.

في العمليات. سليم: أنا آسف، البقاء لله. عمر: اوعى يا سليم، اوعى، طيف كويسة. وفضل يعملها جهاز الصدمات وهو بيصرخ باسمها. صخر مقدرش يستحمل ودخل، وحياة بتعيط. صخر: دكتور، فوقها وقولها صخر جنبك، هي هتصحى، والله هي بتحبني أوي، لأ، لأ، اوعي يا طيف، إنتي كمان تمشي وتسبيني. صعب، صعب، والله. وفضل يعيط. حياة: جربت آخر مرة. ولكن المفاجأة إن جهاز القلب رجع منتظم تاني. حياة: أنا هاخد عمر، يا دكتور، سليم، إنت اتعامل، يلا يا صخر.

صخر: مش هخرج وأسيبها لوحدي. محدش عرف يخرج صخر من العمليات. أما قمر جالها انهيار عصبي وأغمي عليها في المستشفى، وحالتهم كلهم يرثى ليها.