رواية احببت سمراء الفصل الثاني 2 - بقلم شروق مصطفي

طيف: ممكن اطلب منك طلب؟ عمر: قولي يا طيف. طيف: اعزفلي أغنية يا سمرا يالي عنيكي كدابين. عمر: انتي تطلبي أي حاجة وأنا أنفذ. حضنت طيف أخوها بدموع وفضلت تعيط. عمر: مالك يا طيف بتعيطي كده ليه؟ اهدي. طيف: بس يا عمر سيبني أعِيط براحتي. عمر فضل يقلدها وهي بتعيط وحركات وشها، وهي فضلت تضحك. عمر: أول مرة أشوف الشمس بتطلع بليل كده. طيف: بكاش بقيت. عمر: عندي طيف بالدنيا وما فيها. طيف بالنسبالي = الحياة.

حياة: حياة يا نجمة، وربنا هينيمك على الأرض. هاتي المخدة وبطلي برود بقى. نجمة: اللي عندك اعمليه. حياة: بقى كده! وفضلت تزغزغ في نجمة جامد ونجمة دمعت من الضحك ووقعت على الأرض. حياة: تيكير يا عسل. ونامت على السرير. نجمة: على أساس إني مش هعرف أنام. وطلعت وحضنت حياة. نجمة: احكيلي قصة يا ماما. حياة: أحكيلك قصة؟ نجمة: أمنا الغولة. حياة: عيب وإنتي موجودة أهو. نجمة: نيني نيني. حياة: دمك سكر. نجمة: عارفة.

عند عمر كان بيعزف وبيغني: "متفتحيش في جرح عشته زمان قول للزمان ارجع يا زمان يا حلم رهنّت بعمري عليه وطلعت في الآخر خسران يا سمرا يا اللي عنيكي كدابين والله لو بعشق حجر هيلين هسقيكي شوق تسقيني دمع العين قصة ومتعادة بقالها سنين نفس النهاية الفرق في العنوان" "ياليلي ❤️ صبرت صبر لو شاله الجبل هيميل ملقتش منك حتى رد جميل أنا كنت ليك زاهد وكانت سبحتي شوقي كنتيلي سم بيجري في عروقي

متشكرين على فرحة البدايات وهحاول أنسي قسوة النهايات متشكرين على فرحة البدايات ونهاية سابت في القلوب علامات يا سمرا يا اللي عنيكي كدابين والله لو بعشق حجر هيلين هسقيكي شوق تسقيني دمع العين يا سمرا يا اللي عنيكي كدابين والله لو بعشق حجر هيلين قصة ومتعادة بقالها سنين نفس النهاية الفرق في العناوين 💔" طيف: الله بجد صوتك جميل أوي. بتمنى أحب سمرا عيونها تسحرني وضحكتها. عمر: اشمعنا سمرا يا طيف؟ عمر: بحب الناس السمر.

طلع الصبح. أميرة: ليل ياليل اصحي بقي يابني علشان تلحق تفطر وتروح الشغل مع أبوك. ليل: آه مش قادر يا أمي شكلي عندي برد. أميرة: جسّت لقت درجة حرارته عالية. حياة: درجة حرارتك عالية عشان تبطلي تجري زي الهبل في المطرة تاني. نجمة وهي نايمة على السرير: مش قادرة يا حياة بفطس. الحقيني بنص فرخة أرمي عضمي بيها يختي هفتانة. حياة بخوف على أختها وهي بتعيط: يا نجمة درجتك حرارتك 40 وده غلط. البسي هنروح المستشفى.

نجمة: لأ يا حياة، كله إلا المستشفى. ليل: لأ يا أمي، كله إلا المستشفى. أميرة: وتين يا كوكي روحي قولي لباباكي يجي يتصرف معاه. ليل: لأ خلاص خلاص هلبس. حياة: ها هتلبس ولا أرمي شرابك من الشباك؟ ده شراب مستر بين. نجمة: ربنا على الظالم. هلبس هلبس. ليل: بس عارفة يا أمي لو قال حقنة تبقوا حرين. نجمة: بس يا حياة حقنة لأ يستحيل ومستحيل. نزلوا وكانت قمر وطيف وتين وعمر وأسد وقاسم قاعدين. أميرة: وسّعي يابت لأخوكي الكرسي.

أسد: مالك يا ليل؟ قاسم: شكلك مخطوف كده ليه؟ أميرة: درجة حرارته فوق الأربعين. الباشا وخايف يروح المستشفى عشان خايف من الحقنة. عمر بضحك: دي شكة دبوس مش هتحس بيه. ليل: ما إنت عشان دكتور بتقول كده. عمر: بهدي الأطفال اللي زيك بشوكولاتة. طيف: قول بسم الله ومش هتحس بيها. قاسم: يا جدع عيب على دقنك دي. أسد: بس محدش يتريق عليه. قمر بضحك: أصل عمك خواف أكتر مننا.

الكل قعدوا يضحكوا. وبعدين عمر أخد ليل وقمر وأميرة وطيف وطلعوا على المستشفى في وقت دخول حياة ونجمة. عمر وهو ماشي من غير ما يقصد اتشنكل في حجر، وقع وخبط في حياة اللي كانت مسندة أختها، ووقعوا هما التلاتة. طيف بضحك: مش قادرة والله مسخرة. قمر: يعيني يابنتي قومي معلش. ده لسه بيتعلم المشي. حياة: نجمة قوموها هي الأول. قمر: يخرابي البت سخنة مولعة. بت يا طيف تعالي سنديها معانا.

حياة: لأ شكراً، هعرف أتصرف مع أختي. سيبوها، أنا هسندها. ليل: أنتوا؟ حياة: حضرتك مرة تانية. نجمة وهي بتخرف من السخونية: هو أنا شايفه كل الناس سندوتشات شاورما كده ليه؟ الكل فطسوا على نفسهم من الضحك. قمر: لأ ولا يهمك، أصل الأخ كمان زي الأخت. أميرة: انتوا تعرفوا بعض منين؟ ليل: دي قصة طويلة يا أمي. عمر: أنا آسف لحضرتك أوي. حياة: ولا يهمك. طيف وهي بتهمس لأخوها: الحق دي سمرا وعيونها مش كدابين. عمر: أهي؟ بس قمر.

أميرة: بصي يا قمر لو عملتي أي حاجة هناخد أختك برضه معانا. لو طولتي كمان شوية هقعد أحكيلك قصة حياتي كلها لأني حبيتك. ماشية؟ حياة: مش عايزة أتقل على حضراتكم. قمر: بس يابنتي انتوا من دور عيالنا. إحنا خلاص بقينا صحاب ولا إيه؟ حياة بكسوف: أكيد ليا الشرف يا طنط. قمر: لأ طنط إيه؟ فوقي أنا أصغر منك. قوليلي قمر، ودي أميرة والهبلة دي طيف. طيف: أنا الهبلة؟ حياة: أهلاً بالقمم. دخلوا أوضة الكشف والدكتور كشف عليهم.

الدكتور: جهزوا حقنتين ضروري يله. ليل ونجمة بصوت عالي: لااااء. حقنة لأ. وبعد شوية كان ليل في غرفة ونجمة في غرفة نايمين ومتعلق لهم محاليل. أميرة: ياحبة عيني على العيال متبهدلين. الواد ليل صعبان عليا أوي. طيف: يا أميرة ده كلها يوم ويقوم زي القرود يزهق فينا. قمر: بس يابت ياحقودة انتي. البيت من غيره عفن أوي. طيف: بصت لعمر لقيته نظرة متشلش من على حياة. طيف بصوت واطي لعمر: إيه يا عم الحبيب عيونك بتطلع قلوب كده ليه؟

عمر: أحم. أنا مضطر أمشي أتابع شغلي. حياة: عن إذنكم. وراحت تدفع الحساب. حياة: بعد إذنك الحساب كام لغرفة ... وغرفة ... موظف: ثواني هشوف لحضرتك. بعد شوحة. موظف: الحساب مدفوع يا فندم. اتفضلي استريحي. عمر: زي ما قالتلك استريحي. حياة: هو إنت تاني؟ ثم إنك بتتجسس عليا ولا إيه؟ حياة: طيب عن إذنك يا أستاذ. عمر: باردة أوي. حياة: بارد. في بيت أخت قمر وأميرة.

هنادي هنا عمرها 43 سنة متزوجة من رجل الأعمال محمد العمري عمره 50 سنة. عندهم ابنهم الوحيد وهو صخر عمره 23 سنة. مع طيف في نفس الكلية وبيحب بنت والبنت دي صاحبة طيف وبتبادل صخر نفس الشعور.