رواية احببت طالبتي الفصل التاسع 9 - بقلم ندا سامي

يزن: ما هو انتي مش هتقعدي هنا ولا هتروحي عند وفاء، انتي هتيجي معايا. يارا: نعم؟ أجي معاك فين يعني؟ يزن: بيتي. يارا: بيتك؟ أنت بتقول إيه يا يزن؟ أكيد لأ. يزن: إيه يا يارا؟ انتي مش واثقة فيا ولا إيه؟ يارا: لأ مش كده، بس مينفعش. يزن: متخافيش مني يا ستي، أنا كمان ممكن أسيب البيت وتقعدي فيه لوحدك، وبعدين ثقي فيا، أنا مستحيل أذيكي يا يارا والله. يارا حست إنها مرتاحة ومطمنة ومش خايفة، فقررت إنها تروح مع يزن ومتخافش.

يارا: طب أنا ممكن أجيب هدومي؟ يزن: مش وقته يا يارا، يلا بينا عشان نفكر هنجيب طنط وعمو إزاي. يارا: عندك حق، يلا. يزن: يلا، ومتقلقيش خير بإذن الله، وأوعدك إني ألاقيهم. يارا بدموع: يا ريت يا يزن، أنا ماليش غيرهم بعد ربنا. يزن راح عند يارا ومسح دموعها وقال: يزن: يارا عشان خاطري متعيطيش، وأنا هربي الكلب ده وهعرفه إزاي يعمل كده. يارا: شكرًا جدًا يا يزن، مش عارفة من غيرك كنت عملت إيه. يزن: شكرًا إيه بس يا بنتي؟

وبعدين أنا معملتش حاجة، ويلا بقى عشان نمشي. يارا: يلا. يارا ويزن نزلوا من العمارة وركبوا العربية بتاعت يزن، وكان في عيون بتراقبهم. يزن ساق العربية ويارا كانت قاعدة سرحانة. يزن: يارا، انتي سرحانة في إيه؟ يارا: بفكر يا ترى ماما وبابا عاملين إيه، والحيوان ده عملهم إيه دلوقتي. يزن: معملهمش أي حاجة أنا متأكد. يارا: إيه اللي مخليك متأكد كده؟

يزن: بصي يا يارا، رامي ده أضعف من إنه يعملهم أي حاجة، هو بس بيهددك مش أكتر، لكن ميقدرش يعملهم حاجة، ده أنا أمحيه من على وش الدنيا. يارا: بجد يا يزن؟ يزن بتسرع: بجد يا قلب يزن، آآ قصدي بجد يا يارا. يارا لفت وشها الناحية التانية وغصب عنها ابتسمت. فجأة فون يزن رن. يزن: ألو، يا روح قلبي وحشتيني. لأ يا حبيبتي معلش مش هقدر أجي النهاردة، حصل ظرف كده، تتعوض قريب بإذن الله. يارا كانت قاعدة وهتولع من الغيرة.

يزن: ماشي يا حبيبة قلبي مع السلامة، وأنا كمان بحبك أوي، سلام. وقفل الفون. يارا بتسرع: هي مين دي اللي بتحبك؟ حبك برص. يزن بتعجب: نعم؟ يارا بخجل: ها، ولا أي حاجة. يزن غصب عنه ضحك عليها. يارا: أنت بتضحك على إيه يا دكتور يزن؟ وقالتها بطفولة. يزن: إيه يا يارا؟ بضحك على حاجة كده. يارا بدموع: بتضحك عليا صح؟ يزن: لأ لأ، حد برضه يضحك على بنوتة جميلة كده؟ يارا اتكسفت جدًا. يارا: ها، طب أنا هنام بقى.

يزن بابتسامة: ماشي يا يارا، وأول لما نوصل هصحيكي. يارا: ماشي. وقالت بتسرع: يارا: ومتتكلمش في الفون بقى. يزن بضحك: ليه بقى يا ست يارا؟ يارا: عشان يعني آه عشان تركز في الطريق. يزن: تحت أمرك يا ست يارا، في حاجة تانية؟ يارا بابتسامة: لأ، شكرًا. ونامت. بعد مرور ربع ساعة، يزن لاحظ حاجة غريبة وهي...