رواية احببت طالبتي الفصل الثامن 8 - بقلم ندا سامي

يارا صرخت، ويزن طالع على السلم سمع صراخها وجرى عليها. يزن: يارا في إيه؟ بتصرخي كده ليه؟ يارا: يزن الحقني! البيت بتاعنا كل حاجة فيه متكسرة ومتبهدلة، وماما وبابا مش جوا. يزن: إزاي ده؟ تعالي ندور جوا كويس. يارا: يلا بسرعة عشان خاطري. يارا ويزن دخلوا الشقة وقعدوا يدوروا على مامة يارا وباباها، بس ملقوش أي حد ولا لقوا أي حاجة تدل إنهم حصلهم حاجة غير جواب. يارا: يزن بص، في جواب أهو. يزن جرى عليه وجثا عشان يعرف فيه إيه.

يارا: يزن بالله عليك افتحه بسرعة عشان نشوف فيه إيه أو نلاقي أي حاجة توصلني ببابا وماما. يزن فتح الجواب وبدأ يقرأ واتصدم من اللي كان موجود فيه. يارا: إيه يا يزن سكت ليه؟ هو الجواب مكتوب فيه إيه؟ يزن: للأسف يا يارا آآآ... يارا: للأسف إيه يا يزن ما تنطق في إيه؟ ونتشت منه الجواب عشان تشوف إيه اللي حصل. يارا بدأت تقرأ الموجود في الجواب واتصدمت. الجواب كان مكتوب فيه:

"يارا أنا قبل كده اديتك فرص كتير وأنتي ضيعتيها من إيدك، وقدامك فرصة أخيرة يا هتنفذيها يا هتقولي على أهلك يا رحمن يا رحيم ومش هتشوفيهم تاني ماشي؟ وأنتِ قبل كده اللي اعترفتي ليّ بنقطة ضعفك، نصيحة متقوليش لحد تاني نقطة ضعفك يا بيبي، هستنى ردك وإنك تتجوزيني، لإما مش هتشوفي أهلك مرة تاني." فلاش باك: رامي: يارا أنتِ إيه هي نقطة ضعفك؟ يارا: مش عارفة يا رامي، مفتكرش إن في حاجة أو ليا نقطة ضعف يعني. رامي: إزاي يا بنتي؟

أكيد فيه يعني، افتكري كده. يارا: أمممم مش عارفة بجد، لا استني كده، أنا عندي نقطة ضعف ودي لو حد ضغط عليّ بيها ممكن أفضل إني أمو.ت ولا تحصل بجد. رامي: ياااه للدرجادي؟ وإيه هي دي بقى يا ست يارا؟ يارا: نقطة ضعفي الوحيدة هي أهلي، لو حصلهم حاجة بعد الشر عليهم يعني أنا ممكن أموت فيها دي. رامي: ياااه بتحبيهم أوي كده يا يارا. يارا: أكيد طبعًا يا رامي، دول كل حياتي أصلاً. عودة للواقع:

يزن: يارا يا يارا، أنتِ يا بنتي سرحتي في إيه كده؟ يارا: ياااه إزاي أنا كنت مغفلة كده ومكنتش شايفة إن الشخص اللي كان بيتعامل معايا هيجي في يوم يأذيني ويهددني. يزن: أنا عرفت مين اللي بيهددك ده، وصدقيني يا يارا هجيبه وأرجعلك أهلك، بس المهم دلوقتي مينفعش أسيبك هنا لوحدك، ممكن يجي هنا ويعملك أي حاجة الحيوا.ن ده، والله ما أنا سايبه وهعرفه إزاي يلعب مع يزن وإزاي يفكر أو يحاول يأذي أي حاجة تخصني.

يارا: أمال أنا هروح فين يا يزن؟ أنا مليش مكان غير هنا ومش هعرف أروح عند وفاء عشان ممكن يأذيها. يزن: ما هو أنتِ مش هتقعدي هنا ولا هتروحي عند وفاء، أنتِ...