رواية احببت طالبتي الفصل التاسع عشر 19 - بقلم ندا سامي

يزن: عمري ما أسيبك يا يارا مهما حصل، ودا وعد مني وهرجعلك أهلك. يزن: يارا؟ يارا: نعم؟ يزن: تتجوزيني؟ يارا بصدمة: إييييييييي!! يزن: أنا آسف يا يارا، اعتبريني ما قلتش حاجة. أنا كنت فاكر إن عندك مشاعر ليا زيي بالظبط، بس باين أنا فهمت غلط. عن إذنكم. يارا: استنى! يزن لف وشه اتجاه يارا عشان يشوف هي عايزة إيه. يزن بكسرة: نعم؟ يارا راحت عند يزن وقفت قدامه وقالت: يارا: أنا آسفة يا يزن، أنا ما بحبكش.

يزن بوجع: خلاص يا يارا أنا فهمت، وما تقلقيش ما فيش حاجة هتتغير وهتفضلي هنا عادي ومش هغير معاملتي معاكي. أنا طالع فوق. يزن لسه هيطلع على السلم، فجأة يارا قالت: يارا: أنا بموت فيك يا يزن، ما بحبكش بس يا عم أنت. يزن كان مصدوم من الفرحة. يزن: يارا، أنت بتتكلمي بجد؟ يعني بتحبيني زي ما أنا بحبك بالظبط؟ يعني أنا وأنت هنتجوز وهيكون لينا أطفال و... يارا: اهدى يا ابني أنت، مش مصدق ليه بس.

يارا: أنا لو لفيت الدنيا كلها مش هلاقي حد أحبه وأثق فيه غيره يا يزن، أنت جدع ومحترم وهكون مطمنة معاك العمر كله. يزن بفرحة: أنا بحبك، ربنا ما يحرمني منك. ريم: أحم أحم، نحن هنا يا جماعة. يارا ويزن: هههههههه، سوري اندمجنا شوية. ريم: هههه ماشي، أنا بقى لازم أمشي دلوقتي، عن إذنكم. يارا: سلام يا حبيبتي، خلي بالك من نفسك. يزن: مع السلامة يا حضرة الظابط. ريم مشيت راحت القسم. ريم: مساء الخير. أمجد: مساء النور يا ريم، طمنيني.

ريم: بخير الحمد لله. أمجد بيحاول يرخم على ريم: يا بنتي أنا قلتلك عاملة إيه؟ أنا بسألك عملتي إيه عند يزن؟ ريم: تصدق بالله أنت رخم أوي. أمجد: ههههههه، عارف عارف. قوليلي بقى عملتي إيه عند يزن؟ ريم بدأت تحكي كل اللي حصل لأمجد من ساعة لما راحت لعند لما جت. أمجد: هههههه، كل دا حصل؟ دا صاحبي طلع واقع أوي وما حدش سمي عليه. ريم: عقبال لما الحيطة اللي معايا يحس هو كمان. أمجد: ها بتقولي حاجة يا ريم؟ ريم: ها؟

لا، بقولك هنعمل إيه دلوقتي عشان نوصل للمكان اللي موجود فيه أهل يارا؟ أمجد: بصي يا ريم، إحنا هنعمل... ريم: فكرة ممتازة جدًا، خلاص هنبدأ ننفذها بإذن الله انهارده. أمجد: بإذن الله. تحبي أطلبلك حاجة معايا؟ ريم: مالك يا أمجد، أنت سخن ولا إيه؟ ريم: استنى بس مش قصدي، أطلب ليا شاي أو قهوة أحسن عشان مصدعة أوي. أمجد بابتسامة: حاضر من عنيا. أمجد مشي عشان يطلب الحاجات ليه هو وريم. ريم لنفسها: ماله أمجد انهارده؟

غريبة، دا ابتسم ليا وقالي هتطلبي إيه، غريبة. فجأة...