رواية احببت طفلتي الفصل الأول 1 - بقلم عبير اليماني

ددددهههههه ع جثتي أنا رعد السيلاوي أتجوز عيلة متجيش نص عمري. الجد: رعد أنت إزاي تعلي صوتك عليا؟ هتتجوزها يعني هتتجوزها. رعد: يجدي لاعاش ولا كان اللي يعلي صوته عليك، بس دي عيلة صغيرة، أنت فاهم يعني إيه أتجوز عيلة عندها 18 سنة؟ أنا أكبر منها بـ 12 سنة يجدي. الجد بحده خفيفة: فاهم وعارف كويس أنا بعمل إيه يبني، ومع الوقت هتعرف أنا عملت كده ليه. رعد بجمود: حاضر يـ جدي، اللي تشوفه، عن إذنك. الجد: إذنك معاك. ***

وتين: يا بابا والله هعملك اللي أنت عايزه، هعمل كل حاجة، هشتغل خدامة تحت رجليك، بس متخلنيش أتجوز، أنا مـ بحبه يبابا وبخاف منه. عثمان بعصبية ضربها بالقلم: أنتِ من إمتي ولكي رأي أصلاً؟ إيه هتمشي كلامه عليا يا بنت الـ... وتين: أنت بتعمل فيا كده ليه؟ هو أنا مش بنتك من ساعة ما أمي ولدتني؟ وأنت بتعاملني على إني بنت من الشارع؟ يمكن بنات الشارع بتعاملهم كويس؟

أنا عمري ما شفت منك كلمة حلوة ولا حتى حضنتني فـ مرة، ولو بالغلط، ليه بتعمل معايا كده؟ عثمان بعصبية: عشان بكرهك، أنا كنت عايز ولد ينفعني يبقى سندي وضهري، لكن جيتي بنت وأنا صرفت عليكي كتير، لحد كده وكفاية. وتين بقهر: بتكرهني؟ بتكره بنتك؟ ربنا عايزني بنت ليه تعترض على قضاء ربنا؟ وبعدين صرفت عليا فين؟

أمي هي اللي كانت بتشتغل عشان تديني مصروف، عشان تجيبلي لبس زي أي بنت، وعشان تجيبلي مذاكرات الدروس وكل حاجة. هي اللي عملتها أمي الله يرحمها، هي اللي عملت ليا كل حاجة، أنت عمرك ما قدمتلي حاجة حلوة، مشوفتش منك نظرة فخر بيا ولو بالغلط لما كنت بقولك إنّي جبت مجموع عالي وامتياز. حرام عليك... وقعت على الأرض بانهيار،

وبعدها أردفت بقوة زائفة: أنا موافقة على العريس، بس صدقني فـ اليوم اللي هطلع فيه من هنا، هعتبر إن معنديش أب، لأني فعلاً مكانش عندي أب، لأنك عمرك ما حسستني بده. *** رعد: ماشي، أنتِ اللي جبتيه لنفسك وقررتي تدخلي عريـ... استحملي بقى الأيام السودة اللي هتشوفيها.