رواية احببت طفلتي الفصل التاسع 9 - بقلم عبير اليماني

عدي خمس سنين.. خمس سنين وتين دخلت ف غيبوبه بس المرة دي كانت غير. قعدت فيها خمس سنين. ورعد ف انجلترا. والمجهول مستني رعد يظهر ع يد مرو من جديد. وعلي هو اللي بيدير الشركات ف غياب رعد. والجد مستني رعد ع يعرف منه كل حاجة. وأي السبب ورا كل ده. أحداث كتير حصلت والوضع إلى حد ما مستقر ومفيش أي جديد. دكتور.. دكتوور بسرعة المريضة فاقت. المريضة فاقت ي دكتور.

الدكتور بفرحة: دي معجزة إنها تفوق من غيبوبة بعد خمس سنين. الحمد لله. لازم نعرف عمران بيه. علي: كده كل حاجة تمام. ناقص بس حد يروح يستلم الشحنة من المينا. عمران: كده كويس أوي. بس خالوا بالكم ي علي فتشوا الشحنة كويس. م عايزين غلط يبني. علي: متقلقش يجدي. كلو ف السليم وشحنة الحديد هتتفتش والعربيات كذلك. عمران: ربنا معاك يبني. علي: يارب. استأذن أنا. قطع حديثه رنة الفون. نظر له باستغراب. عمران: في إيه ي علي.

علي: ده الدكتور بتاع وتين بيتصل. عمران: طب شوفه عايز إيه. يمكن في جديد. علي انصاع له ورد: الو... أيييييي. إنت إنت متأكد من كلامك؟ هي هي نفس البنت ولا ملخبط ف حد تاني. طب تمام. إحنا جايين حالاً. عمران بقلق: في إيه يبني. وتين حصلها حاجة. علي بفرحة: وتين فااقت ي جدي. فااقت. عمران بدموع فرح: ي كريم ي رحمن ي رحيم يارب. يلا يبني بينا بسرعة. عايزها تقوم تلاقينا جمبها.

أحمد: يعم ارحم أمي. إنت من ساعة م مسكت الشركة تاني وإنت طاحني معاك أكتر من الأول. قعدت تقولي وقلد صوته. من النهارده الحمل هيخف عليك. أتاريك جاي تزود الطين. رعد بضحك: متنشّف يااض. في إيه مالك كده. تعبتي يا بيضا. أحمد: اااه ياااني. جت الحزينة تفرح ملقتلهاش مطرح. منك لله ي رعد يابن أم رعد. رعد: حبيبي تسلم. كلنا منا لله. أحمد بجدية: عملت إيه مع الدكتور ف موضوعك. فاضل فيه كتير.

رعد ببسمة حزن واشتياق لمن سلبه عقله وقلبه ولم

تغب أو تغفل عينه عنها قط: الحمد لله. الجلسة الأخيرة كانت النهارده. واتأكدت منه إن اللي حصل ده م هيتكرر تاني. أنا قسيت عليها أوي. أنا ضربتها وإهنتها. بس ده مكانش ب إيدي. أنا مكنتش حاسس بحاجة. إني مبرمج ع ده. رغم إن عمري م مديت إيدي ع واحدة ست. مبالك ب بنتي وحبيبتي. أنا قلبي كل يوم بينزف يا أحمد. م قادر ولا متحمل الوجع ده. مبقتش قادر خلاص. تعبت. بعدها عني بيقتلني. وف نفس الوقت خايف أرجع. متسامحنيش.

أحمد بحزن ع حال صديقه: منخافش ي رعد. وتين طيبة وقلبها أبيض. صح. إنت غلط وغلطك كان كبير أوي ميتغفرلوش. بس لو هي بتحبك وسمعت منك. وإن مكانش ب إرادتك. وفهمتها كل حاجة. احتمال تسامحك. بس استنى. أنا منصحكش دلوقتي. رعد: ليه؟ أحمد: ع إنت بقالك خمس سنين بتدور ولسه لحد دلوقتي مفيش جديد. لسه معرفتش مين السبب ف اللي حصل. رعد بغموض: أنا شاكك. بس لو شكوكي ف محلها. قسماً بربي ماهيهمني أي حد. وهدفعه التمن غالي أوي.

أحمد: شاكك ف مين. رعد ببرود: ........... أحمد بصدمة: ده مستحيل. إزاي. وإزاي أصلاً خيالك يوصلك لكده. إنت بقيت بتشك ف أقرب الناس ليك ي رعد. إنت بتهزر. رعد بجمود: أحمد. قفل ع الموضوع دلوقتي. وأه نسيت أقولك. أنا نازل القاهرة بكرة. أحمد بعصبية: لا. دانت اتجننت ع الآخر. إنت عارف لو رجعت دلوقتي إيه اللي ممكن يحصل.

رعد ببسمة ثقة: عارف. وع كده بقولك. هنزل. اللي عمل كده مستني ظهوري ع ينفذ الباقي. وأنا مستني ع متأكد إنه هيعمل أي حاجة ع يدمرني. وساعتها هيظهر. وم هرحمه. أحمد: رعد بلاش اللي بتفكر فيه دلوقتي ده. طب حتى استنى شوية. يعني نكون اتأكدنا من اللي بتقول. رعد: خلاص. م قادر. عايز أشوفها. عرفت إنها فاقت النهارده. أحمد: وتفتكر هي هتتقبل وجودك ف الوضع الحالي.

رعد بأسي: م هقرب ي أحمد. هيبقي من بعيد. من بعيد وبس. ع خايف أقرب يأذوها. وساعتها صدقني هموت وراها. أحمد بمرح لتخفيف الجو: ياعم فال الله ولا فالك. موت البت وموت نفسك وراها. وإنت لسه مرزوع مكانك. رعد: امشي يابن لـ*** أحمد بمرح: سيد. عيب. إحنا أهل. رعد: اخفي ي أحمد. أحمد: ي أخويا. يعني بتطردني من الجنة. سايبالك مخدرة. رعد: وحشتيني ي وتيني. عمران بفرحة ودموع: وتين حببتي. حمد الله ع السلامة يبنتي. بقي تسيبيني كل ده.

وتين بابتسامة: الله يسلمك ي جدو. بس هو إيه اللي حصل بعد م فوقت. عمران: جالك انهيار عصبي. والدكتور اداكي مهدئ. وبعد كده دخلتي ف غيبوبة لمدة خمس سنين. وأهو أخيرا فوقتي. الحمد لله. علي بحب أخوي: حمد الله ع السلامة ي مرات أخويا. قلقتنا عليكي أوي السنين اللي فاتت. وتين بابتسامة حزينة: الله يسلمك ي علي. علي م كده.

علي بابتسامة ومرح: أيوا أنا مطحنت رايح جاي. وسيادتك ف دنيا تانية. ياريتك حاسة يختي. دانا من كتر الطلوع والنزول. ركبي مبقتش شيلاني. وتين غصب عنها ضحكت: يالهوووي. شكلك مسخرة وإنت بتتكلم كده. كااات هاااايل ي فنان والله. علي بتمثيل: شكراً شكراً شكراً لحسن استماعكم. قصة قصيرة حزينة ملهاش أي معنى. وتين بضحك: لا ممثل هايل بجد. علي بغرور مصطنع: عارف عارف. وتين: تباً لتواضعك.

عمران: الحمد لله إنك بقيتي بخير يبنتي. أنا آسف ليكي. أنا اللي عملت فيكي كل ده. وتين بحب مسكت ايده: جدو. اللي حصل ده نصيبي ومكتوبلي. "قل لن يصيبنا إلا ما كتب الله لنا". يعني كل شئ قدر ومكتوب. وأكملت بغموض: رعد من واحنا صغيرين كان بيخاف عليا من الهوا الطاير. ورغم اللي حصل. إلا إني متأكدة إن في سبب قوي ورا الموضوع. علي وعمران بصولها بصدمة. اللي هو إزاي يعني. دانتي اتعجنت ودخلتي غيبوبة خمس سنين.

وتين فهمت نظراتهم: عارفة بتفكروا ف إيه. اللي هو أنا غبية للدرجادي. بس أنا متأكدة إن في حاجة ورا اللي حصل. وكان السبب ف إن رعد يبقي بالمنظر ده. وإنه يتهجم عليا كده. وحبت تنهي الموضوع: جدو. أنا جعااانة أوي. عمران بلهفة: قوم ي علي قولهم يجيبولها أكل. وتين بسرعة: لأ لأ لأ. أكل مستشفيات لا. م بحبه. علي باستغراب: امال عايزة إيه. وتين وهي تشمر يديها وتطبطب ع بطنها بخفة: عايزة اااكل بيتزااااااا.

علي بتشنج: لامؤاخذة. بس لو قاطعت حماسك. بس إنتي واحدة لسه خارجة من غيبوبة مريضة تاكل الأكل ده إزاي. وتين بتذمر: ياعم هات إنت بس وملكش دعوة. دانت رخمة. علي برفعة حاجب: طب م جايب. وتين بعيون جرو: طب ولو قلتلك وحياة أغلي حاجة عندك. علي وهنا افتكر ملك. ميعرفش ليه. بس هي اللي جت ف باله ف اللحظة دي: حاضر ي ستي. بس بلاش لمضة. وتين بمرح: عيوني ي علوه. بس موعدكش.

علي بصدمة: علوه. أنا علي رجل الأعمال الكبير. عيلة زيك تقولي علوه. وتين بغضب: أنا م عيلة. علي: لا عيلة ي طين إنتي. وتين بعصبية: اسمي وتين. م طين. طين ع دماغك. عمران: بسسس. إنتو الاتنين. إيه مولودين فوق بعض. إنتي اقعدي كده وارتاحي. وإنت روح هاتلها الأكل يلا. علي بتذمر: حاضر. روح ي علي. تعالي ي علي. خد ي علي. هات ي علي. يخربيت علي وأبو علي. هييي.

مجهول بضحكة شريرة: ههههههه. السنيورة فااقت. ده كده اللعب هيحلو أوي. كان زمانها ف تربتها مرتاحة. بس هي اللي قدرها كده. مكتوبلها تشوف العذاب ألوان. قربت قربت من هدفييي أوي. بس رعد يظهر. هندمركوووو كلكوووو. هههههههه.!!!!!!!!!!!!!!!!!!!!!!!! علي: أيوااا الحمد لله كله بخير. شخص: ...................... علي بضحك: ي كبير متقلقش. الشخص: ............. علي: كان في مخدرات ف شحنة العربيات الألماني. الشخص: .............

علي: تمام كده. لالا كل حاجة مشيت تمام. وعرفنا نعدي ع خير. متقلقش لحقتها ف الوقت المناسب. الشخص: ........... علي: بجد. طب الحمد لله. خلاص ف انتظار الجديد. الشخص: ......... علي: سلام. علي: هاانت هانت أوي. تتبع الفصل العاشر.