رواية أحببت ذلك المغرور الفصل الخامس 5 - بقلم أسما محمود

روح اتفاجأت إن جدها مش في العناية، وكانت خايفة جداً يكون حصل له حاجة. بدأت تنادي أي ممرضة. الممرضة: دكتورة روح، مالك؟ روح ببكاء: جـدو فين؟ حصل له حاجة؟ الممرضة: جد حضرتك كويس جداً، واتنقل أوضة عادية، متقلقيش. روح بارتياح: فين الأوضة طيب؟ وراحت لجدها، وكان بصحة جيدة. الجد: روح حبيبتي، وحشتيني أوي يا قلب جدك. روح: أنت كمان يا جدو وحشتني أوي، كدة تخضني عليك؟ أكيد سبب التعب إنك ما أخدتش الدواة صح.

الجد: خلاص بقى يا روح، اللي راح راح، وأنا كويس أهو. روح: الحمد لله يا جدو. الجد: بس المستشفى دي شكلها غالية، هنسدد حقها إزاي؟ روح: أنا اتصرفت يا جدو، خلاص. الجد: اتصرفتي إزاي؟ وجبتي الفلوس منين؟ روح: سارة يا جدو، سلفتني الفلوس خلاص، وأنا هشتغل وأسددها. الجد بغضب: تشتغلي؟ أنا عمري أشغلك، استحالة طبعاً، أنا هتصرف أنا. روح: جدو بس... الجد: مبـسـش، متفتحيش الموضوع تاني، وروحي جمعتك يا روح، أنا بقيت كويس دلوقتي.

روح باستسلام: حاضر يا جدو. روح عند سليم بقى... في المحاضرة، سليم بيشرح للطلاب بس بيفكر في روح، وبيفكر يعمل إيه عشان تكون معاه ويشوفها طول الوقت. خلصت المحاضرة وركب عربيته واتجه للمستشفى، وطول الطريق بيفكر. سليم بصوت عالي: حلوة الفكرة دي، وضحك. عند روح، اتصلت بسارة. روح: إزيك يا سارة؟ سارة: روح، الحمد لله. طمنيني عليكي وعلى جدك. روح: الحمد لله، بقا كويس وأحسن من الأول، بس كنت عايزة أرغي معاكي شوية.

سارة: معاكي، اتكلمي. روح: بصي يا سارة، أنا في مشكلة ومش عارفة أتصرف. سارة بقلق: مشكلة إيه؟ اتكلمي. روح: جدو مصاريف المستشفى بتاعته غالية أوي، فـ اضطريت آخد الفلوس من دكتور سليم، وكنت هشتغل والله، بس جدو زعل مني جامد وقالي لأ. أعمل إيه يا سارة؟ وكمان قلت له إن استلفتها منك. سارة: إحنا لازم نشوف حل، ومينفعش في التليفون. بصي، إحنا بكرة هنكون في المستشفى عندك عشان العملي، فـ بعد المحاضرات ننزل الكافتيريا نتكلم.

روح: حاضر. سلام. وكل ده سليم كان سامع. سليم دخل مكتبه وكأن لم يكن شي، واتجه للمرضى الأول، وبعدين روح. سليم: روح، إزيك؟ روح بكسوف: الحمد لله يا دكتور. سليم دخل للجد. سليم: أخبارك حضرتك إيه النهارده؟ الجد: بخير يا ابني. سليم: كدة تخوف دكتورة روح عليك. الجد بضحك: أعمل إيه يا ابني، قدر ربنا. سليم: على العموم، حضرتك صحتك بقت أحسن وهتخرج بكرة أو بعده، عشان بس بنعمل فحوصات. الجد: تسلم يا ابني، تعبتك معايا.

سليم: ولا أي حاجة، وألف سلامة. الجد أعجب جداً من أخلاقه وطريقة كلامه المحترمة. في المساء... روح نزلت الكافتيريا تشرب حاجة، وسليم كان نازل وشافها، ورح قعد معاها بما إنه الدكتور بتاعها. سليم: قاعدة كده وسايبه جدو لوحده؟ روح بضحك: وأنا أقدر برضه؟ هو نام ومش حابة أزعجه. سليم: إنتي منين يا روح؟ وليه عايشة مع جدك؟ روح بحزن: بابا وماما عملوا حادثة وربنا رحمهم. سليم: أنا آسف، مكنتش أعرف.

وبدأوا يتكلموا كتير جداً ومحسوش بالوقت. روح: يا خبر، الوقت عدى بسرعة جداً. سليم: فعلاً. يلا اطلعي نامي عشان كليتك، وبكرة في عملي يا دكتورة. روح: حاضر يا دكتور، تصبح على خير. سليم: وإنتي من أهل الخير. في الصباح... روح راحت جامعتها وقابلت سارة ورجعوا المستشفى مع بعض. في العملي، داخل غرفة العمليات، سليم بيشرحلهم بجدية وروح سرحانة. سليم: إيه يا دكتورة، ركزي معانا شوية. روح: آسفة يا دكتور.

خلص العملي وسارة وروح في الكافتيريا. وسليم دخل للجد. سليم: .........