رواية أحببت ذلك المغرور الفصل الثالث عشر 13 - بقلم أسما محمود

وصلوا هما الاتنين وروُح اتفاجأت بـِـياخت كبير عليه اسمها ومتزين بطريقة حلوة جدا. روُح: سليم كل ده ليا أنا؟ أنا بحلم صح؟ سليم: يا رب تكون المفاجأة عجبتك يا قلبي. روُح: دي تجنن! أنا بحبك قوي يا سليم. وحضنت سليم من فرحتها. سليم: يلا ندخل جوة تشوفي بقيت المفاجأة. ودخلوا الشاليه، وكان فيه تورته عليها صورة روُح. روُح: ده لعيد ميلادي؟ أنا كنت ناسيه. سليم: انتي تنسي، لكن أنا عمري ما أنسى يوم عيد ميلاد حبيبتي.

اتكسفت روُح: طب يلا عشان نحتفل. واحتفلوا هما الاتنين بالمناسبة السعيدة دي. سليم حرك الياخت وبقى في نص البحر. روُح: وقفت هنا ليه؟ سليم: بعيد عن عيون الناس، مش عاوز حد يشوف القمر غيري. روُح: يا سلام على الكلام الحلو ده يا دكتور. سليم حضنها من ضهرها: دي أقل حاجة لـِـمراتي حبيبتي. روُح: طب جدو مش هعرف أكلمه كده؟ سليم: جدو عارف كل حاجة وهو كويس كمان. روُح: بسس. سليم بخبث: مـِـبسـِـش، هما يومين ها. ونسبهم مع بعض شوية.

عند ليلي وآدم. آدم: سـِـعدي أخوكي حبيبك بقى؟ ليلي: تدفع كام؟ آدم: مادية حقيرة. ليلي: بتقول حاجة؟ آدم: لا حبيبتي، أنا أقدر. ليلي: احكيلي طيب أساعدك إزاي؟ آدم: أكيد مش هتكون صعبة عليكي يعني، اتصرفي انتي. ليلي اتصلت بـِـسارة. ليلي: سارة، إزيك؟ عاملة إيه؟ سارة: الحمد لله يا ليلي، وانتي عاملة إيه؟ ليلي: الحمد لله. بقولك إيه، انتي وراكي حاجة النهاردة؟ سارة: لا، انتي عارفة الإجازة بقى.

ليلي: خلاص تعالي نقعد في كافيه أو نتمشى في مول. سارة: أسطا جداً، هلبس وأكلمك. ليلي: أسطا، متتأخريش. آدم: ها، أنا بقى أعمل إيه؟ وليلي قالتله يعمل إيه بالظبط. آدم: خلاص تمام، طب يلا عشان متتأخريش عليها. ليلي: بدأنا بقى؟ لا يا عم مش هتتأخر، هي هتكلمني لسه. آدم: حبيبة أخوكي يا لولو. وليلي قابلت سارة في المول وعملوا شوبنج مع بعض. ليلي: بس حلوين قوي الحاجات اللي جبناها. سارة: جداً، بس كنتِ جبتِ الفستان كان حلو عليكي.

ليلي: لا محبيتش استايله. سارة: ده كان يجنن، عارفة لو كنت بشعري زيك انتي وروُح كنت خربتها. وضحكوا هما الاتنين. ليلي: إيه ده، آدم هناك أهو. سارة: آدم هنا؟ آدم: إيه الصدفة دي؟ بتعملوا إيه؟ ليلي: كنا بنعمل شوبنج. آدم: يسهله يستي، أسف. إزيك يا سارة؟ سارة: الحمد لله، وحضرتك عامل إيه؟ آدم: حضرتي إيه بس؟ اسمي آدم، بس. وأنا الحمد لله. ليلي: رايح فين كده؟ آدم: كنت بتمشى شوية. انتوا وراكم حاجة تاني؟ ليلي: لا، خلصنا.

آدم: تعالوا أعزمكم على حاجة، فيه هنا كافيه حلو جداً. سارة: لا شكراً جداً بجد، مش عاوزين نتعبك. آدم: تعب إيه بس؟ أحنا هنقعد مع بعض. ليلي: يلا ياستي، ده أنا رجلي وجعاني. آدم: يلا بقى، ده انتوا تزهقوا. ودخلوا الكافيه. آدم: ها، تشربوا إيه؟ سارة: لا شكراً. آدم: إيه حكاية شكراً شكراً دي؟ في إيه يا بنتي؟ ليلي: أنا واحد هوت شوكليت بسرعة. آدم: شايفة؟ خليكي زيها مفجوعة. ليلي: بتقول حاجة؟ آدم: حبيبتي، أنا أقدر.