رواية أحببت ذلك المغرور الفصل الثاني عشر 12 - بقلم أسما محمود

قال: خلاص. بكرة هكون عندك. روح حاولت تتمالك أعصابها: سليم في حاجة ولا إيه؟ سليم: لا يا حبيبتي مفيش حاجة. سليم خايف تكون روح سمعته. وكملوا قعدتهم وروح ساكتة خالص. سارة: روح انتي كويسة؟ روح: آه أنا تمام. سليم: تعبتي تاني ولا إيه؟ روح: لا أبداً أنا تمام. آدم: يبقى اتفقنا الأسبوع الجاي محدش بقا يقول مش جاي. ووجه كلامه لسارة. وسليم لاحظ وضحك عشان فاهم دماغ صاحبه. وكل واحد راح بيته. سليم: روح مالك؟ روح: سليم انت بتحبني؟

سليم: طبعاً وبموت فيكي كمان. روح: تمام. سليم حضن روح من ضهرها: حبيبتي أنا بحبك ويا ريت ميكنش عندك شك في كده. روح: كويس أنا هروح أنام. وسبته. روح دخلت أوضتها. سليم فهم إن روح سمعته وأكيد فهمت غلط وراح نام هو كمان. وفي الصباح. صحت روح ودخلت خدت شاور وصحي سليم بعدها وسمع صوت روح في الحمام ودخل يحضر لها الفطار. خرجت روح وملقتش سليم في الأوضة ولابست وخرجت. سليم: صباح الخير يا قلبي. روح: صباح الخير. سليم: شكلك منمتيش كويس.

روح: آه فعلاً منمتش كويس. سليم: يلا عشان تفطري. روح: لا افطر انت مش جعانة. سليم: يلا يا روح مش هكرر كلامي. روح: وأنا بقولك مش عاوزة أفطر. سليم: متعصبنيش عليكي يلا. روح: قلت لا. سليم: براحتك أنا نازل رايح مشوار. روح لبست بسرعة ونزلت وراه ودخلت الكافيه وكان سليم قاعد مع بنت. روح: مش تقولي إنك نازل تشوف الست هانم. سليم: روح إيه اللي جابك هنا. البنت: حضرتك فاهمة غلط. روح: غلط ولا صح ورقتي توصل على بيت جدي.

ولسه هتمشي سليم مسكها من دراعها. سليم: استني انتي فهمتي إيه؟ روح: سيب إيدي. سليم: تعالي معايا. ووصل بيت جدها. الجد: تعالوا يا حبايبي. سليم: إزيك يا جدو؟ الجد: بخير مالكم انتو الاتنين؟ سليم: احكي لها يا جدي الاتفاق. روح: اتفاق إيه؟ سليم: اسكتي خالص. روح: أسكت إيه في إيه يا جدي؟ الجد: يا بنتي سليم جالي قبل الفرح واتفق إنه بعد شهر العسل هيعملك مفاجأة عشان عيد ميلادك. روح: آه صح ده عيد ميلادي بعد بكرة.

سليم: ها لسه بخونك؟ روح: أنا آسفة بجد. سليم: دي تاني مرة يا روح تتصرفي من غير ما تعرفي الحقيقة. روح بعياط: آسفة بجد والله ما كان قصدي. سليم: هنستأذن يا جدو إحنا. الجد: ربنا يصلح ما بينكم. وطول الطريق روح بتعيط في صمت. روح: سليم أنا آسفة. سليم مش بيرد. روح بعياط أكتر: طب رد عليا طيب. سليم: لا رد. روح بعياط هستيري: ما كانش قصدي كل ده. سليم: خلاص يا حبيبتي مصدقك والله. وخدها في حضنه. روح: يعني مش زعلان مني؟

سليم: كنت زعلان بس دلوقتي خلاص. ووصلوا البيت. روح: إيه رأيك نتفرج على فيلم سوا؟ سليم: فكرة حلوة هدخل أغير وأجي بسرعة. روح بتجهز السهرة وسليم خرج. سليم: إيه الروقان ده. روح: إيه رأيك يلا بقا الفيلم هيبدأ. وسهروا سهرة حلوة جدا هما الاتنين. في الصباح. سليم صحي ولاقي روح في حضنه وهما الاتنين نايمين على الكنبة. سليم شال روح ودخلها الأوضة. وخد شاور. روح صحيت وجهزت الفطار. سليم: صباح الخير. روح: صباح الخير.

سليم: النهاردة هنروح عند جدي. روح: لا هنروح مشوار تاني شغل. سليم: تمام. روح: هنفطر ونجهز. سليم: تمام. وفطروا وبدأوا يجهزوا. سليم: ها يا روح خلصتي؟ روح: جاية أهو. ونزلوا العربية. وطول الطريق ساكتين. روح: ده مش طريق المستشفى. سليم: آه عندي شغل برة وخدتك معايا عشان متزهقيش. ومشوا في طريق صحراوي. روح: إحنا كده هنسافر. سليم: آه الشغل بعيد شوية. ووقف عند كافيتريا وجاب أكل كتير لروح عشان الطريق. سليم: أجيب لك حاجة تاني؟

روح: لا يا حبيبي تسلملي. وتعبت روح من الطريق ونامت في حضن سليم. وصلوا قدام فندق. صحت روح: وصلنا. سليم: أيوه يا حبيبتي بس انهاردة هنبات في الفندق عشان اتأخرنا ومش هنلحق نرجع. روح: ماشي يا حبيبي. وحجز جناح. روح: جناح ليه إحنا هنمشي بكرة. سليم: يمكن نقعد أكتر عشان الشغل. روح: خلاص اللي انت شايفه. سليم: اطلعي انتي ارتاحي وهخلص الشغل وأجي. روح: متتأخرش. سليم: حاضر. سليم رايح يشوف الشغل واتأخر جدا.

روح قلقت عليه وبتكلمه مش بيرد على التليفون. وبعد ساعة سليم وصل. روح: كده يا سليم تقلقني عليك وبكلمك مش بترد. سليم: آسف يا حبيبتي والله الفون في العربية نسيتو والشغل كان كتير. روح: الحمد لله إنك كويس. سليم: هاخد شاور وأجي. وبعد شوية سليم خرج. سليم: لسه منمتش؟ روح: ننام سوا أحسن. وناموا هما الاتنين. وفي الصباح. روح صحت من النوم وملقتش سليم. وخدت شاور وتليفونها رن. سليم: جهزي وانزلي هنروح مشوار. روح: حاضر.

وفللت مع سليم ونزلت. سليم: إيه الجمال ده كله. روح بكسوف: هنروح فين؟ سليم: غيري الكلام ماشي هنروح مشوار وهنمشي. ووصلوا هما الاتنين واتفاجئوا بـ ..........