رواية أحببت ذئب الفصل الثاني 2 - بقلم فرح القصاص

شاب اتعصب جامد وطلع سكين'ه. لمار بصدمه رجعت لوره واحده واحده. وجريت. شابين طلعو يجرو وراها. لمار شافت عربيه كانت مفتوحه وفيها شخص. لمار ركبت فيها. مراد بستغراب: انتي مين؟ إزاي تركبي عربيتي من غير إذن؟ لمار نزلت تحت الكرسي. مراد: انتي بتعملي إيه يا آنسة؟ لمار: بقولك لو حد سأل عليا قول له مشوفتهاش. مراد: نعم؟ لمار: اعمل كده بس. شاب 1: بقولك يا كابتن شوفت بنت مشيت من هنا. لمار بصوت منخفض جداً: قول له لأ. مراد: لأ.

الشاب مشي. لمار: مشي؟ مراد: أيوه. اطلعي. لمار: آآه. كنت هروح فيها. شكراً. ونزلت من العربيه. مراد: استني. هو إيه الشكر ده؟ لمار: أومال يعني عايزني أقول لك إيه؟ مراد: انتي مين؟ وإزاي تركبي عربيتي بالطريقة دي؟ وكمان ليه خليتيني أكدب عليهم؟ لمار: ركبت عربيتك عشان الشابين اللي أنت شفتهم كانوا بيلحقوني. ومالك كل شوية عربيتي عربيتي. خلاص عرفنا واحد مغرور ومتكبر. ومشيت. مراد كان متعصب جداً إن مفيش حد كلمه بالطريقة دي.

وركب عربيته ومشي. (مراد شاب عنده 27 سنة، شعره لونه بني فاتح وعينه لونها أخضر. جسمه رياضي. أصغر رجل أعمال. عصبي جداً جداً جداً. مبيحبش التأخير وبيحب كل حاجة مترتبة.) تسنيم: كنتي فين كل ده؟ أنا كنت هموت من القلق عليكي. ومال وشك مخطوف كده. لمار: اهدي يا تسنيم. هاتلي كوباية ميه الأول. تسنيم: خدي. هتقوليلي كنتي فين؟ لمار: حكتلها على اللي حصل. تسنيم: حد عملك حاجة؟ انتي كويسة؟ أجيب الدكتور؟

لمار: مفيش حاجة يا بنتي والله. أنا كويسة أهو. أنا بس هقوم أرتاح شوية. تسنيم: ماشي. وأنا كمان. يلا. لمار خدت دش ولبست بجامة قصيرة وطلعت على السرير. تسنيم: مالك سرحانة في إيه؟ لمار: في المتكبر البارد ده. تسنيم بضحك: خلاص يا بنتي نامي عشان ورانا مشاوير الصبح. لمار: عندك حق. ونامت. في الصباح. مراد بعصبيه: فين الورق اللي كان على المكتب؟ السكرتيره بخوف: كان.. كان على مكتبي والله. مراد بعصبيه أكتر: هو فين على المكتب؟ اختفى؟

اتبخر يعني؟ السكرتيره: هشوفه لحضرتك. مراد: تجيب لي الملف ومش عايز أشوف وشك تاني. فاهمة؟ بره. السكرتيرة طلعت وكانت بتعيط. آدم: في إيه يا مراد؟ البنت مغلطتش في حاجة. يا عم متعصب ليه؟ مراد بصوت فيه ضيق: إيه الإهمال اللي بقى في الشركة ده يا آدم؟ آدم: إهمال فين بس؟ ده ملف وهيتجاب خلاص. مراد: والله أنا مش عارف أنا بسكت لك ليه. آدم بتكبر: عشان بكل فخر متقدرش تستغني عني. مراد: آدم أنا مش فاضيلك والله.

آدم: المهم. رجعت إمتى من مطروح؟ مراد: امبارح. آدم: امم. خلصت الصفقات؟ مراد: أيوه طبعاً يا ابني. آدم: تباً لتواضعك يا أخي. مراد: روح على شغلك أحسن لك. آدم: امم. بتطردني يعني؟ مراد: آه. ويله. آدم: عمتاً لما تخلص شغلك نطلع نشرب قهوة. ماشي؟ مراد: بقولك. آدم: أيوه؟ مراد: عايز سكرتيرة جديدة غير دي. آدم: يلا والله دي ممتازة. مراد: نفذ اللي قلت لك عليه. آدم: طيب. ماشي. تسنيم: لمارررر. لمار بنوم: امم.

تسنيم: يابنتي يلة بقينا الضهر. لمار: طب خمسة وأقوم. تسنيم: لأ. مفيش خمسة. يلة قومي. لمار قامت: إيه؟ في إيه؟ تسنيم: يلة عشان تفطري. لمار: انتي مصحيني عشان كده؟ طب أنا هكمل نوم. تسنيم: لأ. في خبر حلو ليكي بس في نفس الوقت وحش. لمار: هو إيه حلو وحش؟ تسنيم: أنا لقيت لك شغل. لمار: بجد؟ تسنيم: أيوه. بس. لمار: بس إيه؟ تسنيم: في القاهرة. لمار: طيب. هو إيه الوحش في كده؟ تسنيم: هو انتي لحقتي تقعدي معايا؟ لمار: تسنيم.

تسنيم: امم. لمار: ما تيجي معايا. انتي قاعدة بتعملي إيه؟ تسنيم: بس. لمار: مبسش. هتيجي وخلاص. يلة. أنا هقوم آخد دش عقبال ما تلمي هدومك. تسنيم: ماشي. سامية: لسه ملقتهاش؟ إزاي يعني؟ هتكون راحت فين؟ _والله دورنا عليها البلد كلها وملقنهاش. سامية: لأ دوروا تاني. لازم تلقوها بأي طريقة. مفهوم؟ محمود: عملتي إيه؟ لقوها؟ سامية: لسه يا خويا. زي ما تكون فصت ملح ودابت. مش لاقينها. محمود: لو أخوها جي من السفر هقول له إيه؟

سامية بخبث: هنقول له الحقيقة. بس مش كلها. بعد عدة ساعات وصلوا. لمار: ياااا. عارفة منزلتش من إمتى؟ من ساعة ماما. وبدأت تعيط. تسنيم: خلاص يا لمار. اهدي شوية. يلة نشوف البيت اللي قالوا لنا عليه. لمار: امم. ماشي. يلة. تسنيم: البيت كله تراب خالص. لمار: أيوه. عايز يتنضف. تسنيم: تعالي ندخل الحاجة ونتنضفه شوية كده. لمار: احنا هندخل الحاجة ونغير وننضف على طول. يلة يا كسولة. دخلو الحاجة وغيروا بدأوا تنضيف.

تسنيم: آآه. مش قادرة. تعبت. لمار: آه والله. وأنا كمان. أنا جوعت. تسنيم: امم. وأنا. لمار: معاكي فلوس نطلب أكل؟ تسنيم: أيوه. وطلبوا وأكلوا وخلصوا. لمار: آآآآه. أنا داخلة أنام. تسنيم: ماشي. ادخلي. لمار: وانتي؟ تسنيم: المسلسل يخلص وهنام. لمار: معاكي ربنا. ودخلت خدت دش وغيرت ونامت. محستش بنفسها. محمود: أهلاً يا حبيبي. حمد الله على السلامة. علي: الله يسلمك يا بابا. اومال فين لمار؟ مش شايفها. سامية: هربت.

علي بصدمه: هربت إزاي؟ سامية: هو إيه اللي إزاي؟ أنا كل ما أقول لحد يقول لي إزاي هربت. علي: هربت ليه يا بابا؟ محمود: عشان كنا عايزين نجوز.. قاطعته سامية. سامية: عشان أبوك جاب لها عريس وقال لها تشوفه. لو معجبهاش ترفضه. ومكنش هيقول لها حاجة. بس هربت وحطت راس أبوك في طين. علي بعصبيه: مستحيل لمار تعمل كده. سامية: اسأل أبوك لو مش مصدقني. محمود بتوتر: آه.. آه يا ابني. سامية بتقول الحقيقة. علي بعصبيه سبهم وخرج.

تسنيم: لماررر. قومي بسرعة. هتتأخري على المقابلة. لمار قامت بسرعة ولبست وجهزت. وبتبص في الساعة لقتها 7. لمار: هو المقابلة الساعة كام؟ تسنيم: 9. لمار: ومصحيني مخضوضة وكنت هتكفي على وشي. وضربتها بالمخدة. تسنيم: أنا غلطانة. أنا قلت عشان نفطر ونشرب كوباية قهوة عشان تصحي كده. لمار: اممم. طب يلة هنفطر بره ونشرب قهوة بره. تسنيم: يلة. خلصوا أكل وشرب. وراحوا الشركة. تسنيم: مالك متوترة كده ليه؟ لمار: مش عارفة.

تسنيم: خدي نفس طويل واهدي. لمار خدت نفس طويل زي ما قالت لها. تسنيم: ها. هديتي؟ لمار: لأ. اتوترت أكتر. تسنيم بضحك: يلهوي! عمال يزعق جوه. ده شكله عصبي أوي. لمار: منك لله ياشيخة. انتي المفروض تهديني مش توتاريني. مراد بعصبيه: آآآدم. آدم: في إيه يا مراد؟ متعصب ليه؟ مراد بعصبيه: انت جايب لي شوية بهايم مبيفهموش. آدم: طيب اهدي. خلاص. لسه في غيرهم. مراد: دخل آخر واحد. آدم: الآنسة لمار. لمار: أيوه. آدم: تعالي اتفضلي.

لمار: حاضر. لمار بتوتر كانت مغمضة عينيها ودخلت. لمار فتحت عينيها. ومراد بص لها. الاثنين في نفس اللحظة. مراد: انتي؟ لمار: انت.