رواية أحببت ذئب الفصل الثالث 3 - بقلم فرح القصاص

الاتنين في نفس اللحظة. لمار: انت. مراد: انتي. لمار في سرها: احييه ده طلع هو المدير، طب اعمل إيه، أجري هو الجري الحل الوحيد. مراد: انتي بتقولي إيه. لمار: أجري. مراد: إيه. لمار: ها، لا لا مفيش. في سرها: يبقي أكيد مش هتقبل، يبقي أمشي بكرامتي أحسن. وكانت ماشية. مراد: راحة فين. لمار: همشي. مراد: انتي عملتي الإنترفيو علشان تمشي. لمار: ما أكيد مش هتقبل، فا أمشي أحسن. مراد: مين قال كده. لمار: يعني إيه.

مراد: اعملي الإنترفيو، يمكن تتقبلي. لمار بفرحة: بجد. مراد: اقعدي. وعملوا الإنترفيو وخلصوا. لمار: هتقبل ولا لأ. مراد: اتقبلتي. لمار: بجد. مراد: بس في شروط لازم تلتزمي بيها. أول حاجة مبحبش التأخير، وتاني حاجة الإهمال، عرفة لو لقيت إهمال منك مش هتقعدي في الشركة دقيقة. تالت حاجة لما أناديلك تسيبي كل حاجة من إيدك وتيجي على طول. رابع حاجة... لمار: خلاص خلاص، إيه كل ده، أنا جاية أشتغل ولا جاية سجن. مراد بتكبر قعد

على كرسي وحط رجل على رجل: والله لو مش عاجبك تقدري تمشي. لمار بعصبية: واحد متكبر ومغرور. مراد: بتقولي حاجة. لمار: بقول حاضر، هعمل اللي قلتلي عليه. مراد: يله، خدي الباب في إيدك. لمار بصتله بعصبية ومشيت. آدم بضحك: في إيه يا بني، أنا لو بدالها كنت خنقتك. مراد: وانت عرفت إزاي. آدم: منا كنت بره وسامع. مراد: ده لسه هخليها تندم على اليوم اللي شفتني فيه. آدم: إيه ده، في حاجة حصلت علشان كده ولا إيه.

مراد: روح انت دلوقتي يا آدم. آدم: والله دي تاني مرة تطردني فيها. مراد: طيب يله يا حبيبي. آدم: أنا طالع أشرب قهوة، تيجي معايا. مراد: لا، روح انت. آدم: ماشي. ومشي. مراد في سره: انتي جيتي لقدرك الأسود. *** تسنيم: مالك، في إيه. لمار: عارفة المتكبر اللي حكيتلك عنه. تسنيم: آه، ماله ده. لمار: طلع المدير. تسنيم بضحك: بجد، إيه المسلسل الهندي ده. لمار: تصدقي بالله. تسنيم: لا إله إلا الله. لمار: أنا اللي غلطانة إني بحكيلك حاجة.

تسنيم: الله، وأنا مالي يا لمبي، هو أنا اللي عصبتك. لمار: يله يا تسنيم، أنا عايزة أروح علشان أجهز للشغل بكرة. تسنيم: ماشي، يله. تسنيم: متحاسب ياعمة. آدم: عمة!! انتي كمان اللي غلطانة وبتشتمي، إيه يا ربي الناس دي. تسنيم: ومالها ناس دي. آدم: والله شكلك فاضية وعايزة تتخانقي بقا. تسنيم: والله انت... لمار: خلاص يا تسنيم... إحنا آسفين يا أستاذ. آدم: والله علشانك انتي بس. لمار: شكراً. تسنيم: مخلتنيش أرد عليه ليه.

لمار: ربنا يهديكي يا حبيبتي. *** محمود: رايح فين يا ابني. علي: رايح أشوف لمار فين يا بابا. سامية: جدع يا حبيبي، هاتوها من شعرها علشان تعرف تحط راس أبوك في الطين. محمود: إيه اللي انتي بتقوليه ده يا سامية. سامية: أنا قولت حاجة غلط، الله أعلم يمكن مهربتش لوحدها. محمود: قصدك إيه. سامية: مش يمكن هربت مع حبيبها. علي بعصبية: أنا أختي مستحيل تعمل حاجة زي كده. سامية: هي تعرف حد علشان تهرب تروح له، أكيد هربت معاه.

علي قام بعصبية ومشي. سامية ابتسمت بخبث في سرها: أخلص منك الأول، بعدين من أخوكي. *** آدم: الو يامراد. مراد: خير يا آدم. آدم: الناس اللي عاملين معاهم الصفقة، عايزين يعملوا حفلة في فندق بمناسبة إننا مضينا العقود معاهم. مراد: آدم انت عارف مليش في جو الحفلات ده. آدم: أنا عارف، بس لو رفضنا ممكن يلغوا الصفقة، وانت عارف الصفقة دي مهمة قد إيه. مراد: أمم، تمام. آدم: ماشي يا صاحبي، تصبح على خير. مراد: وانت من أهله. ***

تسنيم: سرحانة في إيه. لمار: عارفة يا بت يا تسنيم. تسنيم: أشجيني. لمار: بعيد عن إنه متكبر ومغرور وبارد، بس لما ببص في عيونه بحس إني في عالم تاني خالص. تسنيم: أوبا، البت وقعت خالص. لمار: احم، وقعت إيه، أنا أنا بس كنت... قاطعها صوت جرس الباب. لمار فتحت الباب. لمار بصدمة:.....