رواية احببت تلك المشاكسة الفصل الخامس 5 - بقلم رحمة محمد

ملك: إياد، انت كويس؟ في إيه يا حبيبي؟ إياد: ملك، انتي جيتي بجد؟ ملك بدموع: آه، انت إيه اللي عمل فيك كدا؟ إياد بتمثيل: ناس جم هنا وعملوا في المكان وفيا زي ما انتي شايفة، وأنا مش قادر أتحرك، وعشان كدا اتصلت بيكي عشان تيجي وتساعديني، انتي عارفة إنك أقرب ما ليا. ملك: أكيد، تعال معايا. إياد: آه، مش قادر يا ملك. بصي، في أوضة جوة، دخليني أرتاح فيها، وابقى بعدها اطلبي دكتور. ملك بدون تفكير: حاضر، تعال معايا.

إياد: آه، معلش تعبتك يا ملك. وقفل الباب وراهم، وملك معلقتش لأنها قلقانة عليه. ملك: ارتاح يا إياد، ارتاح. إياد: انتي راحتي يا ملك، أنا بحبك أوي. ملك بخوف: إياد، في إيه؟ هو انت مش تعبان؟ ومالك بتبصلي كدا ليه؟ إياد: أومال عايزاني أبصلك إزاي؟ ده انتي هنا وفي أوضتي، إيه، هسيبك تخرجي كدا؟ ملك: إياد، فوق! أنا ملك، أخت صاحبك، انت بتقول إيه؟

إياد: هههههه، صاحبي ده هو اللي علمني الحكاية، ودلوقتي هطبقها بس مع أخته، أصل الدنيا كدا سلف ودين. ملك: انت بتعمل إيه؟ الحقوني! إياد: اصرخي من هنا للصبح، محدش هيسمع، الأوضة دي عازلة للصوت، يعني انسى حد يلحقك من تحت إيدي. نور: انت بتعمل إيه يا أحمد باشا انت كمان؟ أحمد: هكون بعمل إيه يا ختي، بدور على شغل ومكان عشان أنقل فيه. نور: وتسيب فلوس أبوك؟ وبعدين ده انت لسه طالب، مين بقى اللي هيرضي يشغلك؟

أحمد: مش بتفرق، أنا هشتغل أي حاجة، أنا أصلاً بصرف على نفسي من زمان. نور: عارفة. أحمد: عارفة؟ عارفة إيه؟ نور: عارفة إنك شايل مسؤولية نفسك من زمان، وإنك عايز تبقى هنا عشان مش عايز تحس إنك يتيم بعد ما والدك مات، واعرف حاجات كتير يا أحمد، انت نفسك متعرفش عنها أي حاجة. أحمد: انتي جاية ليه يا نور؟ وفين بابا؟ نور: على فكرة باسل بيه مغلطش لما قال إنك أحن واحد فيهم. أحمد: يعني وهو كان حاسس بيا؟ ولا حتى بحد فيهم؟

كان بس يتجوز ويطلق، مش مهم بقى أي حاجة تانية، مش هو معاه فلوس يبقى خلاص بقى يعمل اللي هو عايزه؟ يمكن أنا حنين يا نور، آه، بس مع اللي يستاهلوا، وإذا كنت سألت عليه عشان بس هو أبويا قدام ربنا، لكن من جوايا أنا مش عايز أعرفه في حياتي، ولا حتى عايز منه أي حاجة.