رواية احببت تلك المشاكسة الفصل الثاني 2 - بقلم رحمة محمد

سيف: ياض يا أحمد بقولك هو مش أبوك وحيد باين ياض ومعندوش أخوات؟ أحمد: أوعى يكون جدي كان بيلعب من ورا جدتك يا مالي؟ مالك: الله أكبر يعني إنتِ كدا أوت واحنا فعلاً ماليناش أعمام. باسل: دي تبقي بنت أعز صديق على قلبي وأغلى من أخويا لو كان هيبقى ليا أخ أصلاً، وأنا بعد ما مت قررت إني أأمن ليها مستقبله. مالك: وتضيع مستقبلنا إحنا؟ لأ، ونعم الأبوه فعلاً. عموماً أنا مش فارقة معايا، شوف بقى باقي ولادك.

نور: طيب بالنسبة لمكتبك الجديد اللي إنت بتفتحه واللي طبعاً أخد منك مبلغ كبير، يعني إنت محتاج للفلوس دي زيك زي إخواتك، وإلا هتقف في كشك بقى تستقبل موكلينك؟ مالك: إنتِ عايزة إيه يا بت إنتِ؟ ابعدي عن طريقي أحسنلك. نور: طريقي بقى طريقي وطريق إخواتك، خلاص يبقى تهدي بقى وتسمعي. مالك: لو أديتكِ جوز أقلام على وشك متزعليش. نور: ولا تعرف تعمل حاجة. سيف: ما براحة يا عم مالك بقى، بالذمة دي خدود تتضرب برضوا.

نور: منا بقول كده برضوا يا سيفو. المهم بقى يا ولاد، اللي عايزة أقوله إنكم من النهارده كلكم تحت وصيتي، وطبعاً أمر مفروغ منه إنكم تسمعوا كلامي. مالك مسكها من الجاكيت بتاعها: وصاية مين يا بت إنتِ؟ ده إنتِ أدركتي يا بت، ده لو أنا اتجوزت بدري كان زماني جايب واحدة قدك يا بتاعة إنتِ. نور: مبدئياً كدا سيب الشكته عشان عليها أقساط لسه مدفعتش. مالك: أسيب إيه يا ختة؟ نور: الشكته يا باشا، وخلي يومك يفوت بسلام.

مالك: بتقولي إيه يا بت؟ نور: بقولك عيب كدا يا حج، منظري قدام العيال دي، اعتبرني عيلة وغلطت عادي. مالك: آهو سبتك. نور جريت منه

ووقفت فوق الكرسي بعيد عنه: طيب اسمع بقى يا حليوة منك ليها، من بكرة لا من النهارده، النوم بمواعيد، الدخول والخروج بمواعيد، واللي مش عاجبه الباب يفوت ميه جمل. الفلوس أنا هطلع مصروف لملك بس لأنها بنت، أما بقى الرجالة يا عيني على الرجالة اللي بيدرس، هصرف بس على مصاريف دراسته مش سايبة هي، أما بقى مصاريفه الشخصية فده على حسب شغله، واللي عندي قولته، واللي هيفكر يتعرضلي يبقى بيخالف الكلام، وإنت أولهم يا أبو طويلة إنت، تمام؟

سيف: لو عشانك إنتِ أنا أشط. مالك: إنتِ هتطلعي برا حالا، وإلا قسماً بالله متلوميش حد على اللي هيحصل فيكي. نور بجدية: وأنا مش بلوم حد، وده آخر كلامي، وإذا كان الهزار مش نافع فأنا لا بخاف من حد ولا بت تهدد، تمام يا أستاذ، والكلام للجميع.