رواية احببت زين الصعيد الفصل الحادي عشر 11 - بقلم ذات الخمار

زين طلع يجري على صوت الزعيق. لقى فرح ماسكة ماري من شعرها وواقعاها على الأرض ونازلة ضرب فيها. زين مش عارف يدخل يسلك بينهم. بعد شوية عرف يشيل فرح من عليها، وماري جريت استخبت ورا أم زين. زين: فرح اهدى بقى، بتضربيها ليه؟ فرح بزعيق: اسأل الحيوانة دي وسيبني أكمل. زين بص لها بغضب: صوتك يا مدام، صوتك، واطلعي حسابي معاكي فوق. فرح بصت له بغيظ: مش طالعة، ويا أنا يا البت دي هنا.

زين: خوديها يا ماما عندك، عشان لو اتكلمت تاني هكسر دماغها. سميحة: تعالي يا بتي الله يهديكي. فرح بعند: مش طالعة. راحت عند ماري تاني تضربها. راح زين شاددها ونازل على وشها بالقلم. فرح رفعت عينيها وبصت له، وطلعت تجري على فوق. زين: معلش يا ماري، حقك عليا. خديها يا ريم، دخليها أوضتها. فرح طلعت مسكت الشنطة وبقت تلم فيها هدومها وهي بتعيط. زين: شاطرة، كنت هقولك لمي هدومك عشان هننزل القاهرة بكرة، عندي شغل وهنقعد كام يوم.

فرح بغضب: أنا مش نازلة معاك في حتة، وهروح لأهلي، وأنت هتطلقني، سامع؟ زين وقف قصادها: سمعيني تاني كده، قولتي إيه؟ فرح ببعض الخوف: اللي سمعته. زين قرب منها لحد ما خبطت في الدولاب: عايزة تطلقي؟ فرح بتبلع ريقها بخوف: آه. زين همس عند ودنها: نجوم السما أقرب لك. و راح بايسها وهي تاهت. زين: يلا حضري الشنط، وشنطتي كمان. فرح: مش محضرة حاجة، لو سمحت يا زين، أنا عايزة أروح عند أهلي. زين: تعالي. ومسك إيديها وقعدها وهو قعد قدامها.

زين: هو ينفع أقولك تطلعي ومتسمعيش كلامي؟ أما مراتي متسمعش كلامي، أومال هسيطر على أهل البلد اللي أنا كبيرهم إزاي؟ وكان نازلة ضرب وأنا مش فاهم، وأبعدك تروحلها؟ هااا، قولي أنت ينفع؟ فرح بعياط: تقوم تضربني صح، ودي تاني مرة، زين، تاني مرة قدامهم. زين مسح دموعها وباس خدها: أنا آسف يا قلب زين، بس متعنديش معايا قدامهم، وحقك على قلبي. فرح: ماشي. زين: بس إيه الحلاوة دي، إحنا كل أما نتخانق بتحلوي.

فرح: زين، بس بقى، أنت مش كنت رايح الشغل؟ زين بغمزة: تؤ، عندي شغل هنا أهم. الباب خبط. زين: منك لله يا اللي بتخبط. فرح بضحك: افتح يا زين. زين: سيبك منهم، سيبك. الباب خبط جامد، اتعصب وقام فتح. الخدامة بإحراج: احم، الحجة سميحة عايزاكم عشان الغدا. زين بغيظ: قولي لها نازلين. ودخل. فرح بتكتم ضحكها. زين: اضحكي يا روحي، اضحكي. فرح فتحت في الضحك ومكنتش عارفة تسكت. زين بغيظ: والله لـ نازل الشركة، جاتكم نيلة، نسوان.

ودخل الحمام ورزع الباب. خلص وطلع، وهي حضنته من ضهره: حبيبي، هتسبني أنزل الامتحانات. زين ببرود: لا. فرح: وحياتي يا زينو يا قمر أنت. زين بضحك: امم، ليا شروط. فرح بسرعة: موافقة، موافقة. زين بخبث: مش لما تعرفي الأول. فرح: قول. زين: ... فرح بصدمة: ...