رواية احببته فجرحني الفصل الثالث والعشرون 23 - بقلم حبيبة محمد

روح؛ عايزه اروح اتفرج عليه عندي فضول اشوفه. نغم بانفعال: لا، مفيش حد هيروح هناك، انتي فاهمه؟ روح باستفزاز: ليه؟ في حاجة هناك مش عايزاني أشوفها؟ نور بتوتر: روح، لازم حدودك، أسلوبك بقى وحش أوي. كيفايه اللي عملتيه امبارح؟ روح: أنا معملتش حاجة، انتوا اللي صغرتوا منظري امبارح قدام الناس. نغم: آه، إحنا اللي رمينا الهدية في وشك، صح؟ روح: أنا... نغم قطعتها: انتي قللتي الأدب، إحنا حقيقي معرفناش نربيكي.

روح بنرفزة: بس عرفتوا تربية حور ووليد، صح؟ نغم ضربتها بالقلم: اتكلمي باحترام، انتي فاهمه؟ حقيقي أنا مليش أولاد غير وليد وحور. الكل اتصدم من رد فعل نغم على روح، وأدهم اتعصب وبص لروح بقلق. روح حطت إيديها على وشها وبصتلها بدموع، وبعدين بصت لنور: أنا هنقل ورق الكلية على إسكندرية على آخر الأسبوع، وهروح أعيش هناك يوم الأحد الجاي، يعني بعد سبع أيام بس. عن إذنكم. روح سابتهم وطلعت أوضتها. حور: ماما...

نغم: مش عايزة أسمع صوت حد. أدهم: أنا عرفت إني مليش حق إني أتكلم، بس ياريت حضرتك تسمعيني. سلمي: اسكت يا أدهم. أدهم: مينفعش اسكت، أنا شفت حاجة غلط ولازم أتكلم. حضرتك حطي نفسك مكان روح. روحتوا جبته لحور عربية جديدة موديل السنة، ورايحين تقولوا لروح إنها تاخد عربية أختها القديمة. نغم: مكنش قصدنا كده. إحنا عارفين إن حور مجنونة بالعربيات، أما روح مش بتهتم بالحاجات دي. وبعدين عربية حور القديمة موديل السنة اللي فاتت.

أدهم بحنية: برضه مكنش ينفع المعنى اللي وصل لروح دلوقتي إنكم بتفضلوا حور عليها. وبعد القلم اللي ضربتهولها، هي اتأكدت من ده. أسف تاني لو اتدخلت في الكلام. نور: أنت صح، أنا غلطت لما عملت كده. أنا طالع لها، عن إذنكم. نغم: هاجي معاك. نور: لا، خليكي دلوقتي هنا. نغم: طب كلمها في موضوع السفر، وأقنعها إنها متسافرش. نور: هحاول.

عند روح، كانت بتجهز الكتب اللي هتروح بيها الكلية وهي بتعيط. جي في دماغها الموقف اللي حصل بعد طفي الشموع. (فلاش باك) وليد: إحنا كده طفينا الشموع، يبقى وقت الهدايا. (طلع من جيبه علبتين وأدّى كل واحدة واحدة) حور: الله، حلوة أوي، تسلم إيدك يا وليد. روح: شكراً يا ليدو. وليد حط إيده على خدودهم بحب: أهم حاجة إنها عجبتكم. روح وحور: أوي. نور حط إيده على ضهر بناته: فاضل هديتي أنا ومامي. حور بصت لروح: أنا خدت هديتي.

روح بصت لنور: طب هديتي فين؟ نور: تعالي معايا. نور خدها هي وحور ووليد وأدهم ونغم وطلعوا بره. حور جريت على عربيتها الجديدة: أهي هديتي. روح: وأنا؟ نور طلع من جيبه مفاتيح عربية حور القديمة: أهي هديتك. روح بصدمة: بتهزر صح؟ نغم: يهزر ليه؟ زيك زي حور عربية. روح: مش دي عربية حور القديمة؟ نغم: لا، هي بقت عربيتك. روح رمت المفاتيح من إيديها: أنا مش عايزة حاجة منكم، ابعدوا عني. روح سابتهم ودخلت تجري. أحمد وسلمي وقفوا.

سلمي بإيديها الهدية: كل سنة وأنتي طيبة يا قمر. روح بعياط: وأنتي طيبة، عن إذنك. أحمد: مالك يا روح؟ روح بعياط: مفيش، أنا عايزة أنام. روح سابتهم وكانت طالعة على السلم. واحد صاحب ابن صاحب نور وقفها. الولد: كل سنة وأنتي طيبة. روح مسحت وشها: وأنت طيب يا... الولد: ياسر، نسيتي اسمي تاني. روح: عن إذنك. ياسر مسك دراعها وحط إيده على وشها وبيمسح الدموع: مالك؟ حد مزعلك؟ روح شدت إيديها: وأنت مالك؟ وسع كده.

ياسر مسك إيديها بقوة: طب لو موسعتش... روح بتشد إيديها ومش عارفة: هتزعل على اليوم اللي اتولدت فيه. وسع. ياسر: أنا عايز أزعل. روح خربشتُه بضوافرها جامد لحد ما إيده جابت دم. ياسر: آآآه، إيدي. روح رفعت حاجبها: مش قولتلك أحسن لك يا شاطر متلعبش معايا تاني. سيبته وطلعت أوضتها، ومن ساعتها وهي فيها لحد تاني يوم نزلت على الفطار. (عودة إلى الحاضر)

روح مسحت دموعها: معرفش لو مكنتش قبلت ياسر وطلعت الطاقة السلبية بتاعتي فيه، كنت عملت إيه. (ابتسمت) يعيني، إيده باظت، ههههه. نور خبط وفتح الباب: ممكن أدخل؟ روح بصت للكتاب اللي في إيديها: اتفضل. نور دخل وقعد على السرير: عارف إنك زعلانة، وليكي حق، بس أسلوبك كان وحش. روح باندفاع: أعمل إيه لما تكون هدايكم ليا الحاجات اللي أختي مش عايزها، أو بمعنى الصح، زبالة أختي.

نور: عرفت إني غلطت لما أدّيتك العربية دي، بس لاحظت إنك حبتها أوي من أول ما جبتها لحور، وهي عجباكِ، ولما قولتلك أجيب لك واحدة قولتلي لا، أنا حابة العربية دي، ومكنش ينفع آخدها من حور وأديهالك. ولما عرفت إن حور عايزة التصميم الجديد جبتهولها، وقولت هديكي دي علشان انتي حباها. روح بحزن: بابا، أنا...

نور: مكنتش عارف أجيب لك إيه. عارف إن دماغك مش في العربيات ولا الهدوم ولا الميكب. والهدية بتكون حاجة الطرف التاني عايزها أو ناقصاه. والحاجة اللي أنتِ عايزاها وناقصاكي إنك يكون عندك صحاب. ودي حاجة مش هعرف أجيبهالك. روح بدموع: هو أنا وحشة؟ نور قام حضنها: مين قالك كده؟ روح بعياط: محدش بيحبني، جاوبني، أنا وحشة. نور: قصدك كشكل؟ فمفيش في حلاتك اتنين. لو روح، فإنتي حلوة، بس لازم تتحسني لنفسك، مش لحد.

روح: علشان كده محدش عايزني. نور: لا، كلنا بنحبك. روح بعياط بطريقة طفولية: لا، محدش بيحبني ولا عايزني. نور بحضن عليها: لا، كلنا بنحبك وعايزينك. روح: لا، محدش بيحبني. نور قعد على السرير وشد روح قعدها على رجله: لا، كلنا بنحبك. عايزني أثبتلك؟ روح هزت راسها بـ: آه. نور: بس متقوليش الكلام بتاع "لما تكوني تعبانة مين بيقعد معاكي" والكلام ده. روح: حاضر يا ستي. عندك مثلاً، أنا لو مش بحبك وعايزك، كنت طلعت اتكلم معاكي وأصلحك؟

روح: أنت بس اللي ممكن تكون بتحبني. نور: طب وليد مش بيحبك؟ ده قبل ما ينام بيجي يطمن عليكم، ولما بيحصل مشاكل في الكلية عندك مين بيروح ومين مقدم لك في الكلية؟ روح: وليد. نور: وحور بتحبك أوي. نغم حكتلي اللي حصل بينكم، وده سواء تفهم. روح: حور عمرها ما حبتني ولا عايزاني في حياتها أصلاً. نور: لا، حور بتموت فيكي. طب أفكرك أيام الامتحانات مين اللي بتيجي تحت راسها على رجلك وتقولك العبي في شعري؟ روح: وهي كده بتحبني؟

نور: طبعاً. الحركة اللي بتعملها دي معناها إنها بتأمن على نفسها معاكي، وده كفاية إنها بتحبك. روح: كلامك مش مقنع، بس هحاول أصدقك. نور: ياريت. ولو على ماما، فأول ما تنزلي بصي على وشها، وفي عينيها هتلاقيها زعلانة على اللي هي عملته. روح: هحاول. نور: طب يلا، اطلبي هدية عيد ميلادك دلوقتي. روح: أي حاجة. نور: أي حاجة؟ أي حاجة؟ روح: عايزة أعرف حقيقة أهل وليد. نور: ...