رواية احببته فجرحني الفصل الخامس والعشرون 25 - بقلم حبيبة محمد

بعد ثلث ساعة كانوا وصلوا. روح وحور ساندين أدهم اللي كان رافض إنهم يسندوه. أول ما دخلوا، نغم وسلمى صوته. (أمهات مصرية أصيلة) البيت كله اتلم عليهم. نور: إيه اللي حصل؟! أدهم مين عمل فيك كده؟ أدهم: طب اسأل عمل إيه الأول. وليد سنده وقعده على الركنة، وسلمى قعدت جنبه. والناحية التانية نغم قعدت. سلمى: يا حبيبي، حسسني بإيه وإيدك مالها؟ أحمد حط إيده على كتف سلمى: اهدي، اهدي. (بص لأدهم) احكي إيه اللي حصل.

أدهم افتكر كلام روح في المستشفى. روح: أنا خايفة إن بابا ووليد يعملوا حاجة غلط لـ إنكل سعيد أو ياسر، وإنكل سعيد مش سهل وممكن يعمل حاجة لبابا ووليد، وساعتها هكون كل ده بسببي. أدهم قلق جداً: أنا... يعني... عملت حادثة بالعربية. وليد: مش مهم العربية، المهم إنك بخير. حور: إزاي والعربية سليمة؟ العربية مافيهاش خدش واحد. نور بص في عين أدهم. نور: قول الحقيقة. أدهم بقلق: عملت مشكلة مع واحد بس، ده الموضوع. أميرة: وإيه السبب؟

أدهم: أنا يعني... وإنتي مالك يا بت. سلمى: لآخر مرة، إيه اللي حصل؟ وإيه السبب؟ أدهم: مفيش حاجة، اتخانقت مع واحد بس. سلمى: ليه؟ أدهم: مش هقول. سلمى: خلاص، مادام أنت راجل ومش هتقول، فأنت هتتحبس هنا. أدهم: هو أنا عيل صغير؟ سلمى: آه، ومفيش خروج. أدهم بعصبية: إيه اللي بتقوليه ده؟ بابا، أنت موافق على كلامها؟ سلمى: آه، هو موافق. أدهم: تمام، وأنا... روح قطعتهم بخوف: في واحد كان بيتحرش بيا، وأدهم لحقني.

كل اتفاجأ وبيبيصوا ليها. نغم جريت عليه وحضنتها. نغم: طب أنتِ بخير؟ نور شدها من حضن نغم وبصلها: تعرفيه؟ روح: آآه. نور: يبقى مين؟ روح: مش مهم، أدهم جاب لي حقي وزيادة. وليد بعصبية: مين يا روح؟ مش هسكت غير بعد ما أقتله. نور: إحنا مش عايشين في غابة، فيه قانون في البلد. مين يا روح؟ روح: بابا، أنا خايفة عليك. نور: متخافيش، قوليلي بس مين ده وابن مين. روح: ياسر ابن إنكل سعيد. نور بعصبية: ابن الـ... (سكت) والله لهندمه.

(هدى شوية وبص لأدهم) شكراً يا أدهم، عرفت تخلي بالك من روح. أدهم: لا شكر على واجب، بس أنا هموت وأنام. نور ضحك: منك لله يا أدهم، ضحكتني وأنا مخنوق. سنده يا وليد وطلعه ينام شوية. وليد سند أدهم لحد السرير وسابه.

أدهم أول ما حط راسه على السرير نام. ساعة وراه ساعة لحد ما صحي على دندنة من البلكونة. دخل وهو بيتسند واحدة واحدة لحد ما شاف روح وهي واقفة في البلكونة عنده، وكانت جنب بلكونة أدهم، وكانت بتغني ومش واخدة بالها من أدهم وهو سرحان فيها. روح: والهوى آه منه الهوى الهوى آه منه الهوى، آه منه الهوى، آه منه الهوى سهران الهوى يسقينا الهنا ويقول بالهنا والهوى آه منه الهوى والهوى آه منه الهوى، آه منه الهوى، آه منه الهوى

سهران الهوى يسقينا الهنا ويقول بالهنا يا حبيبي يلا نعيش في عيون الليل يلا نعيش في عيون الليل ونقول للشمس تعالي، تعالي بعد سنة، مش قبل سنة تعالي، تعالي، تعالي، تعالي بعد سنة، مش قبل سنة دي ليلة حب حلوة بألف ليلة وليلة، ألف ليلة وليلة، ألف ليلة وليلة ألف ليلة وليلة، ألف ليلة وليلة، ألف ليلة وليلة بكل العمر هو العمر إيه غير ليلة زي الليلة، زي الليلة، الليلة زي الليلة. أدهم صفر: إيه الحلوة دي.

روح اتفزعت: قول أحم، كح، اعمل أي حاجة، مش تدخل كده حرام عليك. أدهم: آسف، بس صوتك حلو أوي. روح: شكراً. أدهم: يا بخته. روح: مين!!! أدهم: اللي بتغني علشانه. روح: مفيش حد، أنا بغني عشان بحب الأغنية دي. أدهم: ممممم، شكلك مش مرتبطة. روح: لا، مش مرتبطة، أنا الارتباط بالنسبالي خطوبة، مش الكلام الفاضي بتاع اليومين دول. أدهم: كلام يحترم أوي. روح: شكراً. أنت عملت إيه دلوقتي؟ أدهم: بقيت أحسن، حاسس إني نايم بقالي كتير.

روح: لا، اتأكد، أنت نايم أكتر من ٨ ساعات. أدهم: بجد؟ روح: آه، ده حتى الشرطة لسه راحوا عملوا محضر. أدهم: بجد؟ طب وحصل إيه؟ روح: رايحين يقبضوا عليه، وبكرة هيتعرض على النيابة. أدهم: يستاهل. بقولك إيه، متكملي الأغنية عشان بحبها أوي. روح: حاضر، عشان أنت دافعت عني. روح: والهوى آه منه الهوى الهوى آه منه الهوى، آه منه الهوى، آه منه... في الجنينة، حور ووليد بيتمشوا.

حور: بس حقيقي الواد اللي اسمه ياسر ده واكل علقة موت، أنا متوقعتش إن أدهم يعمل فيه كده. وليد: حيوان ويستاهل. حور: سيبك منه، أنت عملت إيه دلوقتي؟ بيقولوا كنت تعبان الصبح. وليد: آه، والحمد لله بقيت كويس. وليد عينه جت على السلسلة. وليد: أعتقد إن فيه واحدة مش هتقلع السلسلة دي من رقبتها. حور بتسرع: طبعاً، دي هدية من حبيبي. وليد اتصدم: نعم؟ حبيبك؟ حور بتوتر: طبعاً حبيبي، مش أنت اللي مربيني؟ وليد: آه، طبعاً.

حور بتوتر: وليد، هو أنت ليه لحد دلوقتي متجوزتش؟ وليد: عشان مكنتش لاقي اللي بحبه. حور: طب، لقيتها؟ وليد: آه، ولا في نفس الوقت. حور: إزاي؟ أميرة من وراهم: لقيتكم بتعملوا إيه هنا؟ وليد: بنتمشى شوية. أميرة: طب ينفع أتمشى معاكم؟ وليد: طبعاً، تعالي. في أوضة نور ونغم، نغم بتعب: اليوم كان وحش أوي، تعبت أوي. نور قعد وراها وحضنها من ضهرها: ألف سلامة عليكي يا حبيبتي. نغم لفت وبصت في عينه الزرقا اللي ورثهم حور منه.

نغم: نور، هو أنت لسه بتحبني بعد السنين دي كلها؟ نور: طبعاً، هو حد يصحى وينام كل يوم على الوش القمر ده ويمل؟ نغم: أنا بتكلم بجد. نور قرب منها وبسها ورجع بص لها تاني: وأنا بقول الحقيقة، أنا مش بحبك، أنا بعشقك لحد الجنون. نغم حضنته وحطت راسها على صدره: ربنا يخليك عليا، مش عارفة من غيرك كنت هعمل إيه. نور: هقولك أنا تعملي إيه، قومي خدي شاور عشان ترتاحي من اللي حصل طول اليوم. نغم قامت: تمام يا حبي.

نغم وقفت قدام الدولاب تطلع هدوم، ونور جت له رسالة على الفون. أول ما شافها اتصدم. نغم استغربت من اللي حصل، راحت شدت الفون منه، وأول ما شفتها... نغم: دي... دي كـ... كـ... لااااا.