رواية احببته في غيبوبة الفصل الثالث 3 - بقلم ندى الشرقاوي

بليل في أوضة أمير ونورهان حست نورهان بحركة غريبة، صحيت بتبص لقت ظل شخص بس مش شافته. طلعت بره الأوضة ملقتش حد. دخلت الأوضة بس انصدمت من اللي شافته. نورهان: انتي بتعملي إيه؟ أم أمير: (بارتباك) هاااا... اب... ابني وبطمن عليه. وبعدين انتي مالك؟ واحدة زيك هتسألني بعمل إيه ومبعملش. نورهان: خلصت حضرتك يالا، عاوزه أنام. طلعت أم أمير. وظلت نورهان تفكر: إيه اللي بيحصل وليه بيحصل كده؟ فجأة بتبص على أمير لقت إيده بتتحرك.

نورهان: هو بيتحرك ولا أنا بيتهيألي؟ استغفر الله العظيم. بس إيد أمير ظلت ترعش وعينه بتحاول تفتح. بس طلع مش خيال وفعلاً أمير فاق من الغيبوبة. نورهان: (بفرح) إيه دا؟ انت بجد صحيت؟ أمير: (بسخرية وتعب) كح كح كح. انتي مين؟ نورهان: أنا نورهان مراتك. أمير: مر... مراتي؟ إزاي؟ انتي مش شايفة أنا فين أصلاً؟ أنا أول مرة أشوفك. اااااه. نورهان: (بخضة) اهدى بس وهفهمك كل حاجة بس براحة. انت لسه فايق من غيبوبة ٤ سنين. أمير: (بصدمة)

انتي بتتكلمي جد؟ أنا بقالي ٤ سنين نايم؟ يالهوي. نورهان: ومحدش كان عنده أمل إنك تصحى أصلاً. أمير: لا أنا كده فاتني كتير. قوليلي كل حاجة وانتي مراتي إزاي. بدأت نورهان تحكيله كل حاجة وإزاي اتجوزته. أمير: ياااه، كل دا حصل. نورهان: (بتركيز) بس في حاجة أنا مستغربة. أمير: (بانتباه) إيه هي؟ نورهان: عيونك حلوة أوي، إيه دا لونهم شبه البحر. أمير: (بضحك) هههههه، شكراً. بس أنا طلعت متجوز إيه مزززه.

نورهان: الله، ما تحترم نفسك يا جدع. أمير: إيه؟ مش مراتي؟ نورهان: (بحزن) آه، بس انت فقت وهترجعني تاني وهتطلقني صح؟ أمير: مين قال إني هطلقك؟ انتي هتفضلي مراتي. نورهان: (بفرح وابتسامة) بجد؟ أمير: (بابتسامة) آه. نورهان: بس في حاجة استغربتها. مامتك إيه اللي جابها دلوقتي تطمن عليك؟ عندما سمع أمير اسم مامته، غضب وظهر على وشه علامة الغضب وبرزت عروق يده. أمير: (بغضب) مش أمي دي ست ********. نورهان: (بصدمة) إييييييه.