رواية احببته في غيبوبة الفصل الرابع 4 - بقلم ندى الشرقاوي

أمير: مش أمي دي، دي ست بنت. نورهان بصدمه: إيه ده؟ أمير: بصي، هنعمل أنا وأنتي اتفاق وهحكيلك كل حاجة من الأول للآخر، بس لو خونتي ثقتي هوريكي أمير تاني خالص. نورهان: وعد، مش هقول لحد. أمير بهدوء: الحكاية بدأت لما عرفت إنها بتخون أبويا، وده على كلامك من أربع سنين. هيا مش أمي، دي ست وحشة، كانت بتضربني وبتعذبني، مع إن أمي عايشة.

بس هي كانت بتقول لبابا: "أمير مش عاوز يشفيها"، مع إن أنا كنت عاوز أشوفها، ويا عالم هيا فين دلوقتي. ما علينا، عرفت إنها بتخون بابا ورحت وشوفتها وقلتلها إني هفضحها وألبسها قضية، بس بعد ما نزلت وجيت أقول لبابا، يومها بابا كان تعبان أوي، مقدرتش أقولها. تاني يوم بعتت ناس كتير ضربوني، بس كان ضرب يودي الموت. وادي ياستي الحكاية. نورهان بعياط: ياااه، ده أنت اتعذبت. أمير بابتسامة: أنتي بتعيطي ليه؟

نورهان: عشان أنت صعبت عليا وزعلت عليك. أمير بيمسح دموعها: طب خلاص، بلاش عياط. إيه رأيك نعمل عليهم لعبة؟ نورهان بحماس: إيه هي؟ أمير: هنقول إن لسه في الغيبوبة، ومحدش هيعرف إني صحيت غيرك أنتِ. نورهان: إزاي بس؟ أنت محتاج علاج طبيعي وحاجات كتير عشان رجلك، أنت نايم أربع سنين.

أمير: هظبط كل حاجة، وأنتي هتقوللهم إنك عاوزة تاخدي الجناح الأخير اللي هو بتاعي قبل الغيبوبة. الجناح ده كبير أوي، هنقدر نعمل فيه علاج طبيعي وكل حاجة. وأنا هكلم دكتور صاحبي هيظبط كل حاجة. نورهان: إشطا، بس لو الست دي جت عشان تطمن عليك هنعمل إيه؟ أمير: تمنعيها بأي شكل لحد ما نعرف هيا ليه بتيجي بليل أوي كده. نورهان: أوكي. بص، هنام دلوقتي وبكرة هنظبط كل حاجة. أمير: ماشيين.

نورهان: أمير، هنزل أعملك شوربة خضار عشان أنت عايش على المحاليل. أمير: يا ريت يا أختي. نورهان: في ثواني. عملت شوربة خضار لأمير وطلعت. أمير: ماعندكيش ذوق. نورهان بعدم فهم: نعم؟ أمير: واحد طالع من غيبوبة، مش المفروض تاكل؟ نورهان: ماشي، لما نشوف آخرتها. وقعدت أكلته وخلصت. نورهان: أمير، ممكن أسألك سؤال؟ أمير: اسألي يا آخرة صبري. نورهان: عيونك دي ولا عدسات؟ أمير: بذمتك، واحد في غيبوبة أربع سنين هيحط عدسات؟ نامي يا بت.

ناموا. وفي اليوم التاني. المجهول: ها، عرفتي تحطيله الحقنة؟ أم أمير: آه، ادتهاله. بس البت مراته شافتني، وقلتلها إني بطمن عليه. المجهول: حاولي تدهاله بانتظام. ولكن لم تعرف أن نورهان سمعت المكالمة. في غرفة أمير ونورهان. نورهان: أمير، أمير. أمير: نعم، في إيه؟ نورهان: مرات أبوك كل يوم بتيجي تحط لك حقنة في المحلول بتاعك. أمير بصدمة: إيه؟ طب هنعمل إيه؟ أنا لازم أعرف هيا بتديني إيه.

نورهان: أنا هدخل أوضتها وهشوف هيا بتديك إيه. أمير: ماشي، بس ادخلي وهيا بره. وحاولي تجيبي لي دكتور، لأني حاسس إني تعبان. نورهان: طيب.