رواية أحببته في مهمة رسمية الفصل الأول 1 - بقلم لمياء محمد

اللواء عماد: تمام يا فندم، فين؟ اللواء عماد: في الصعيد. نور: صعيد إيه يا سيادة اللواء؟ حضرتك عارف إن ده مش هينفع عشان لمار أختي. اللواء عماد: متقلقيش يا حور، أنا كلمت اللواء عامر اللي هتقعدي عنده وتشتغلي على المهمة دي مع ابنه. قلت له إن ليكي أخت هتقعد معاكي لحد ما المهمة تخلص. نور: مين اللواء عامر؟ وهنعمل إيه عنده؟

اللواء عماد: اللواء عامر هو المشرف على القضية، ولما طلبت أكفأ ضابط عندي ملقتش غيرك. وقلت له عليكِ وعلى لمار، وهو قالي إنه هيستقبلكم في بيته لحد ما المهمة تخلص. نور: تمام، ممكن أعرف إيه هي المهمة؟ اللواء عماد: القبض على أكبر تجار أعضاء بشرية في مصر، وفيهم من خارج مصر. نور: تمام، هروح امتى؟ اللواء عماد: في عربية هتيجي تاخدك من قدام البيت بعد نص ساعة. آه، وده رقم اللواء عامر عشان لو احتجتيه في الطريق للاستعلام عن حاجة.

نور: تمام. اللواء عماد: تقدري تروحي تحضري حاجاتك دلوقتي. نور: تمام يا فندم. رجعت البيت لقت لمار بتذاكر. نور: لمار يا حبيبتي، بقولك إيه؟ أنا عندي مهمة دلوقتي ولازم نسافر. لمار: نسافر فين يا نور؟ نور: الصعيد. المهمة هتبقى في الصعيد ولازم نمشي كمان نص ساعة، يعني يا دوب نلحق نجهز الشنط. لمار: يااااي، الصعيد! من زمان نفسي أروحها. بس فين في الصعيد؟ نور: في أسوان. لمار: يييييس، من زمان وأنا نفسي أروحه!

نور: طب يلا يا أختي حضري الشنط. لمار: اوكي يا فندم. في الصعيد. حورية: هما البنات اتأخروا كده ليه يا عامر؟ أنا جلجانة عليهم واصل. عامر: متجلجيش يا حورية، زمانهم جايين. أنا لما كلمت عماد قالي إنه لسه هيكلم حضرة الضابط نور. حورية: لأ، أطمن عليهم بردك. عامر: بس أنا معيش رقمهم. وغير كده، عماد قالي إن نور بمليون راجل وميجيلهاش عليها واصل. حورية: لأ، اتصل على عماد نطمن بردك. دول أمانة، وخد رقمهم عشان نتصل عليهم.

عامر: حاضر يا حورية، حاضر. ورن على عماد. عامر: إزيك يا عماد؟ أخبارك إيه؟ عماد: بخير الحمد لله. عامر: كنت عايز أسألك، لو كلمت البنات وعرفت وصلوا لفين؟ عماد: أيوا، لسه قافل معاهم وقالولي إنهم ركبوا القطر. عامر: بس أنت قلت هيركبوا عربية توصلهم مخصوص. عماد: لأ، نور موافقتش عشان بتتخنق من العربيات. عامر: ربنا يجبهم بالسلامة يا رب. بقولك، عايز رقم نور أبقى أرن عليها. عماد: 01...

ومتقلقش عليها، نور بمليون راجل دي تربيتي وأنا واثق إنها هتخلي بالها من أختها ومن نفسها. عامر: يا رب، إن شاء الله يجوا بالسلامة. وأنا شوية وهبقى أرن عليهم. عماد: تمام، مع السلامة. عامر: سلام. عند نور ولمار في القطار. نور ولمار كانوا قاعدين جنب بعض. نور وهي قاعدة لاحظت الشاب اللي قدامها، فيه حاجة، حركاته غريبة. فضلت متبعاه لحد ما لقيته هيسرق شنطة واحدة.

قاعدة جنبه. استنت، لقيته أخدها ولسه ماشي. جابته من قفاه وانت دراعه ورا ضهره وأخدت الشنطة. عطتها لصحبتها وضربت الراجل ده جامد أوي. ولكن المفاجأة إنه مكنش لوحده وكان معاه اتنين كمان. وواحد فيهم حط السكينة على رقبتها. نور: لمار...