رواية أحببته في مهمة رسمية الفصل السادس 6 - بقلم لمياء محمد

نور: أنا زين مين؟ زين: أنا خايف عليها. نور: لا طبعًا مستحيل، انتي اتجننتي ولا إيه؟ نور: لا ما اتجننتش، بس أفضل حل هما ميعرفونيش وكمان هيبقي سهل جدًا عليا إني أدخل وسطهم. عامر: بس يا نور، ده خطر عليكي، دول لو كشفوكي هتموتي.

نور: يا فندم، إحنا بنبقي داخلين كلية شرطة علشان نضحي بحياتنا علشان بلدنا وأهلها، مش علشان نستخبي زي الجبناء. إحنا لازم ندافع عن بلدنا اللي كبرنا واتربينا فيها، لازم نحمي بناتها وولادها، مش نستخبي ونخاف. المفرود هما اللي يخافو، مش إحنا. عامر: بجد عماد معاه حق فعلاً، انتي بمليون راجل، وأنا موافق إنك تدخلي إنتي العصابة، علشان أنا متأكد إنك قوية وهتقدري تكملي. زين: بس يا عامر باشا، حياتها هتبقي في خطر و...

نور: يا زين باشا، إحنا دايماً حياتنا في خطر، فـ أكيد مش كل مرة هنهرب. زين: تمام، يبقي أنا كمان هتنكر وآجي معاكي. نور: بس دا كد... عامر: تمام يا نور، زين هيبقي معاكي، بس هو خاطف وإنتي مخطوفة. زين: تمام، هنعوز خطة بقي علشان ندخل جواهم. نور: أنا عندي خطة. زين وعامر: إيه؟ نور: ... عامر: تمام، ننفذ بليل. زين: تمام، بس حضرتك مستعجل أوي ليه؟ عامر: لأن عماد كلمني وقالي إن فيه ١٠ بنات اتخطفوا النهاردة.

نور: تمام يا فندم، يبقي ننفذ بليل. عامر: تمام، يلا اتفضلو روحوا علشان تجهزوا حالكم. في الحديقة، لمار قاعدة بترسم، جيه عليها سليم. سليم: القمر قاعد لوحده ليه؟ لمار: عادي، برسم. سليم: ممممم، بترسمي إيه؟ لمار: شجر وشمس وبحر وكدا. سليم: اوكي، ممممم. لمار: نعم؟ سليم: بحبك. لمار: ها؟ سليم: بـ حـ بـ ك. لمار: ممممم، طب طب بعد إذنك. ولسه هتمشي، شدها ليه، وخبطت في صدره، وبعدين حاوط خصرها بإيده. سليم: مقولتيش إيه رأيك؟

لمار وعيونها على الأرض: رأيي في إيه؟ سليم: بحبك، تقبلي تتجوزيني يا لمار؟ لمار بخدود حمرا من الخجل وعيونها لسه عالأرض: أقبل، بس تطلب إيدي من نور. سليم: ياسلاااام، ده أحلى خبر سمعته النهاردة. لمار: ممكن تسيبني؟ سليم: قولي بحبك الأول. لمار: ها؟ سليم: قولي بحبك. لمار: بس يعني... سليم: قولي. لمار: بحبك. وخبت وشها في رقبته. سليم وقد خطف قبلة سريعة: وأنا بعشقك. وسابها، وهي طلعت تجري وجدودها حمر، ودخلت على أوضتها لقت نور.

نور: إيه؟ في إيه مالك؟ حكت لها لمار كل اللي حصل. نور: بجد؟ لمار: أيوة بجد. نور: مبروك يا روحي. لمار: بقولك... نور: إيه؟ نور: أنا هطلع المهمة النهاردة بليل. لمار: بس علطول كدا؟ نور: أيوا، لأن العصابة انتشرت جدًا، ولازم ننقذ البنات اللي اتخطفت، ونلحق اللي هتتخطف. لمار حضنتها: خلي بالك من نفسك. نور: حاضر. عند حورية وعامر. عامر: خلاص هيطلعوا المهمة بليل. حورية: أنا خايفة عليهم.

عامر: لا، هما أقوى من إننا نخاف عليهم، نور وزين من أكفأ الظباط في مصر كلها. حورية: ربنا يصلح حالهم يارب، ويعدي المهمة دي على خير. عامر: ياارب. حورية: أيوا يا عامر. عامر: أنا حاسس إن نور وزين بيحبوا بعض، ومش قايلين لبعض. حورية: وانت مين جالك؟ عامر شرح لها خوفهم على بعض. حورية: ياارب يكونوا من نصيب بعض، نور بنت حلال، وزين ابنك طيب جوي، ولايقين على بعض جوي جوي. عامر: ربنا يقدم اللي فيه الخير. حورية: يارب.

حورية: أيوا، وعلفكري، سليم بيحب لمار. عامر: عرفتي منين؟ حورية: هو جالي إنه عاشجها. عامر: خلاص، نشوف ولو هي عايزاه، نخطبهالو، وربنا يقدم اللي فيه الخير. حورية: يارب.