رواية أحببته في مهمة رسمية الفصل السادس عشر 16 - بقلم لمياء محمد

في اليوم التاني عند العصابة ونور. مدحت دخل لنور الأوضة. مدحت: إيه دا، الأميرة النايمة لسه صاحية؟ نور صحيت على صوته. نور: أهلاً، عايز إيه يا مدحت؟ مدحت: عايز أربيكي من أول وجديد يا حضرة الظابط. نور: وإنت مال أهلك بتربيتي ها؟ مدحت ومسك شعرها. مدحت: تحترمي نفسك بقي يابت إنتِ. نور بصتله وبصت لإيديه. نور: مظنش إنك قد الحركة دي يا مدحت. وفي لمح البصر، نور كسرت إيد مدحت.

نور: وآدي إيدك التانية، ودا عشان تفكر مية مرة قبل ما تمدها عليا. مدحت بصراخ. مدحت: آآآآه يابت الكلب، والله لأوريكي، آآآآآآآه. حمزة يا حمزة. حمزة جه. حمزة: خير يا باشا، في إيه؟ مدحت: اتصل بالدكتور وخليه يجيلي فوراً. حمزة وماسك ضحكته. حمزة: حاضر يا مدحت باشا. مدحت: واقفل عليها كويس. حمزة: أمرك يا زعيم. خرج مدحت وساب حمزة مع نور. حمزة بضحك: يخربيتك، عملتي إيه؟ نور ببرود: كسرتله دراعه. حمزة: ههههه، دي تاني مرة.

نور: يستاهل، المهم جاهزين لبليل؟ حمزة: أكيد. نور: تمام. *** أما عند زين، وصلت القوة اللي هتروح معاهم للقبض على ستيفن ومدحت. بدأوا في وضع الخطط، وكانت نور معاهم على الخط. زين: دلوقتي إنتو ١٠٠ جندي. هنتقسم: ٥ مع حمزة ودول هيقبضوا على ستيفن، و٥ معايا وهنقبض على مدحت. و٢٠ واحد هيقبضوا على رجالة مدحت وستيفن. وفي ٥ هيبقوا مع نور عشان لو اكتشفها وهي بتهرب البنات. كدا ٣٥. الباقي بقي هيقف يحاصر المكان. دا كدا التقسيم.

الخطة بقي: عم حسن، ودا واحد تبعنا مع العصابة هناك. أول ما يبدأوا التسليم هيرن علينا. طبعاً إحنا هنبقى منتشرين حوليهم بس هنبقى في أماكن هما ميشوفوناش فيها، وأول ما عم حسن يدينا إشارة هيتحرك. كل واحد فينا أنا ويحي مع فريقه. واللي تبع نور، عم يحي هياخدهم ويوصلهم هناك. تمام؟ الجميع: تمام. عامر: طب يا زين، أنا هبقى فين؟

زين: إنت هتبقى هنا يا بابا، في حالة احتجنا دعم. تحاول تتواصل مع اللوا عماد ييجوا طيارات، وإنت هتبقى القائد وهتديهم الإشارات لأننا هنبقى مشغولين هنا. نور: كدا تمام أوي. يحي: يلا يا جماعة، قسموا نفسكم. وبدأ العساكر بتقسيم نفسهم زي ما قالهم يحي. *** أما في قصر عيلوان، صحوا كلهم على صراخ لمار وراحوا عندها كلهم. حورية: بسم الله عليكي يا حبيبتي، مالك؟ لمار: نور اختي، اختي نور. فين هي؟ فين؟

سما: اهدي يا لمار، اهدي يا حبيبتي، خير، مافيش حاجة. لمار: نور في خطر، أنا قلبي حاسس. أنا عايزة نور. سليم: اهدي يا لمار، نور بخير يا حبيبتي، وكمان بابا وزين معاها. لمار بكسوف من كلمة حبيبتي. لمار: بس أنا قلقانة عليها أوي، أنا حلمت بكابوس وحش أوي. حورية: متقلقيش يابتي، إن شاء الله خير. لمار بهدوء ولكن بداخلها خوف شديد على أختها. لمار: إن شاء الله. سما: يلا نفطر بقي، هموت من الجوع. الكل: يلا. ونزلوا يفطروا.