رواية احببته وهو لا يبالي الفصل الحادي عشر 11 - بقلم رضا جمعة

مرات عمها: لازم أخلص منها، هي سبب كل حاجة حصلت لينا. إيمان: وأنا لازم أحرق قلبه زي ما عمل فيا. الرجالة: يا معلمة، إحنا مراقبين البيت وهي مش بتنزل خالص، حتى لدروسها. أسد بس هو اللي بينزل الشركة، وأبوها. مرات عمها: تمام، يبقى نخليهم ينزلوا وتطلعوا انتوا بس شوية كمان يكون الجو هادي لينا. الرجالة: أمرك يا معلمة. في مكان تاني، أسر قاعد على البحر.

أسر: يارب، أنا عارف إني غلطت كتير وندمان على كده، بس أنا حبيتها فعلاً، بس بعد فوات الأوان. يارب اللهم إني لا أسألك رد القضاء ولكني أسألك اللطف فيه. وفجأة لاقى بنت عمالة تعيط جنبه. أسر: في إيه يا آنسة مالك؟ سهيلة: بابا عايز يجوزني لواحد قدّه علشان الفلوس، وعلشان مرات أبويا ترتاح. ماما ماتت، كان عندها مرض السرطان، كانت شغالة علشان تعلمني بس مقدرتش تكمل، وصوتي راح من العياط.

أسر: حس بنغزة في قلبه، مش عارف إيه ده، بس هو ارتاح أوي معاها. وانتي مش هترجعي تاني البيت، وأنا هتجوزك، ولو عايزة أي حاجة هعملهالك، أنا معاك. سهيلة: جواز شفقة صح؟ أسر بسرعة: لا، متقوليش كده، أنا ارتحت معاكي أوي، حاسس إني عارفك من زمان. وبالفعل أسر رايح لبيت عمو وهو في الطريق. أبو سهيلة نزل ضرب فيها. أبو سهيلة: أيوه كمان، بتبجح فيا؟ أسر: دي مراتي. وركب العربية مع سهيلة. أسر: بتعيطي ليه دلوقتي؟

سهيلة: علشان بابا فكر فيا كده، وأنا هعملك مشاكل. أسر: لا متقلقيش، مش لوحدك، كلنا مجاريح. وصلوا لبيت عمو. أسر خبط ومرات عمو فتحت، وأول ما شافت أسر راحت حضناه. أسر: سامحيني، سامحيني. أم أسير: انت زي ابني، متقولش كده، مشوفتش حاجة منك وحشة. أسير طلعت ومتكلمتش، بس شافت حد معاه. أسر: ادخلي يا سهيلة. سهيلة بكسوف: السلام عليكم. أسير باستغراب: مين دي يا أبيه؟

أسر: دي سهيلة، خطيبتي، وجاي علشان عمي يشهد، وهكتب الكتاب. ممكن بس مرات عمي ثانية، وانتي يا أسير دخليها أوضتك. أسير: حاضر. وأسر حكى كل حاجة لمرات عمو. أم أسير: يا ابني، أبوها لو عرف ممكن يحصلك حاجة. أسر: يا مرات عمي، أنا ارتحت ليه، ويعمل اللي هو عايزه. أسد رجع مع أبو أسير علشان بيقعد يذاكر لاسير، ونقل كل حاجة عندهم لحد ما أسير تخلص ثانوية. أبو أسير: السلام عليكم. كلهم: وعليكم السلام. وطلعت أسير ومعاها سهيلة.

أسد أول ما شافها: سهيلة. سهيلة توترت وبصت في الأرض.