رواية احببته وهو لا يبالي الفصل الرابع 4 - بقلم رضا جمعة

قررت أروح أقول لأسر، مهما كان اللي بيحب مش بيحب الأذى لحبيبه، بس ممكن يصدقني. روحت عند أسر المدرسة. أسر: غريب إنك هنا يا أسير، في حاجة ولا إيه؟ أسير: أسر، كنت عايزك في حاجة مهمة. ودخلت حكيت كل حاجة، بس فجأة لقيت أسر مزعقلي. أسر: أنا عارف إنك بتعملي كده عشان غيرانة منها، بس اللي لازم تعرفيه إن عمري ما هحبك ولا أفكر فيكي. وإلا أشوفك تتكلمي عن إيمان تاني، أنا واثق فيها.

أسير مقدرتش أتكلم، أنا بكيت. للدرجادي قلبي كان مغفل، للدرجادي حبيت غلط واخترت غلط. طبعاً الدرس راح عليا وروحت البيت، لقيت إيمان عندنا. إيمان: إزيك يا أسير؟ ممكن ندخل الأوضة بتاعتك أوريك حاجة. أسير: اتفضلي. دخلت. إيمان: انتي كنتي فاكرة إنه هيصدقك؟ شوفتك وعرفت إنك هتروحي تجري عليه، بس اللي انتي متعرفيهوش إني سبقتك بمكالمة مني وقولت لأسر إنك هددتيني لو مبعدتش عنه هتروحي تتبلي عليا.

أسير: يا جماعة، متوقعين إن دي شخص إنسان؟ لا، مستحيل تكون بشر، للدرجادي في كده بجد؟ أسير: أنا عملتلك إيه؟ أنا أذيتك في إيه؟ أنا اعتبرتك أختي وأكتر. إيمان: كنتي دايماً انتي العاقلة اللي الكل بيضربوا بيها المثل، عندك الناس كلها بتحبك، رغم إننا الاتنين كنا دايماً مع بعض. أسير: للدرجادي حاقدة على حياتي؟ إيمان: نسيت أقولك، ابقي فكري تلعبي معايا تاني، سلام.

أسير: أنا بجد تعبت، بس مش هستسلم. وبعت للشخص اللي أنا مش عارفة هو مين أصلاً. أسير: أنت فاضي؟ أنا محتاجة أتكلم معاك. أنا وحشة ليه يحصل فيا كده؟ رد قالي: مش ممكن، انتي اللي طيبة مع ناس مش نافع معاهم الطيبة. أسير: بس ليه أنا؟ الشخص: عشان تعرفي بعد كده تختاري بعقلك عشان متندميش. وبعدين يا ملاكي قومي ذاكري عندك درس وامتحان بكرة. أسير: أنت عرفت إزاي إني عندي درس وامتحان بكرة؟

الشخص: عيب يا ملاكي، انتي مش قليلة، إني جوهرة غالية. أسير مش عارفة أرد أقول إيه، قفلت معاه. بس أنا بجد ارتحت نفسياً معاه. دايماً بييجي في الأوقات الصعبة، وألاقيه موجود معايا دايماً. قومت قولت لازم أبقى قوية وذاكرت وخلاص. مبقتش أفكر في أسر وبدأت أفكر أعمل إيه في حياتي، أبني مستقبلي، اهتميت بحياتي. أكبر سلاح قاتل تدمر اللي قدامك بيها إنك تبقي قوية دايماً وتنجحي في حياتك. وصحيت الصبح روحت الشركة وقابلت.