رواية أحببته ولكن الفصل الثالث 3 - بقلم جهاد شوقي

الأم بصدمة: ورد ورد فوقي يبنتي كان مستخبي لينا فينا كل دا ياربي. وبعد قليل من الوقت وجدت نفسها في غرفة بيضاء ليست غرفتها وبعض المحاليل معلقة بذراعها. ورد بدوخة وهي ممسكة رأسها: أنا فين؟ الممرضة: انتي في المستشفى. حصلك إغماء أو زي ما تقولي انهيار عصبي واضطررنا ننقلك هنا. ورد وقد تذكرت ما حدث لها ثم أجهشت بالبكاء. الأم: بس يا حبيبتي حرام عليكي نفسك. ورد: هيخطب جنى يا ماما، هيخطب صاحبة عمري. إزاي؟

إزاي وهي عارفة إني بحبه، إزاي يا ماما؟ الأم وهي تعانق ابنتها: بس بقي متعيطيش وكفاية عليكي لحد كده، فوقي لنفسك بقي وانسيهم كلهم. ورد ببكاء: بس يا ماما. الأم: ما بسيش يا ورد وكفاية لحد كده. وبعد قليل من الوقت غادروا المستشفى. ورد وهي تجلس في غرفتها ممسكة بهاتفها وهي تتفحص إحدى مواقع السوشيال ميديا. رأت صورة تجمع صديقتها وبجانبها حب عمرها الوحيد مع بعضهما البعض تحت مسمى "قرأنا الفاتحة". ورد لجنى على الخاص: لي عملتي كدا؟

جنى بخبث: هو إيه اللي. لي عملت إيه أنا؟ ورد: لي عملتي فيا كدا؟ أنا عملتلك إيه؟ جنى: امممم انتي قصدك على طارق. آه مأخدتش بالي. ورد: مأخدتيش بالك؟ جنى: أصل أنا وطارق بنحب بعض وقريب أوي هنعمل خطوبة، متنسيش تحضري بقي. ورد: معقولة انتي جنى صحبتي؟ جنى اختي اللي كنت بجري عليها وأشكيلها همي وأبكي بين أحضانها، هي دي اختي وصحبتي؟ استحالة تكون هي، مش ممكن!

جنى: آه أنا جنى يا ورد، جنى اللي حرمتيها من حب عمرها وفضلت تستناه كتير وفي الآخر حبك انتي واختارك ولكنك رفضتيه، قرر يسافر ويهاجر. جنى اللي حرقتي قلبها على الشخص اللي كانت بتعشقه وفضلت مستنياه. دلوقتي حسيتي بمعنى إن حبيبك يسيبك عشان حد؟ كنتي طول عمرك الكل بيحبك وأنا لا، الكل بيتقرب منك ويبعد عني. فيكي إيه مميز عني عشان كل دا يحبك وميحبونيش أنا؟

بكرهك يا ورد، بكرهك وعمري ما اعتبرتك صحبتي في يوم. وجه اليوم اللي قررت أكسرك فيه والندر اللي أخدته على نفسي حققته خلاص. ثم أكملت حديثها بسخرية: متنسيش بقي تشرفيني في خطوبتي، سلااام يا صحبتي. ثم قامت بحظر حسابها. كل ذلك وقع تحت تأثيرها وصدمتها مما حدث. أيعقل أن تكون تلك صديقتها؟ مستحيل ذلك. وفي تلك اللحظة تدلف والدتها إلى غرفتها. الأم: ورد أنا قررت خلاص، إحنا هنسافر الصعيد. ورد بصدمة: بتقولي إيه؟