رواية احببته رغم قسوته الفصل العاشر بقلم نوران احمد

قالت بصدمة: هو انت! قال ادم بسخرية: ايوه انا ويلا اخلصي مش جايين نتعرف على بعض حضرتك. قالت هي بارتباك: انا رحمة الدسوقي، وجاية أقدم على شغل محاسبة هنا في الشركة. أنا في آخر سنة في كلية تجارة، عندي 22 سنة. ادم بجدية: وجاية تقدمي على شغل ليه ي آنسة رحمة؟ رحمة بجدية مماثلة: أنا عاوزة أعتمد على نفسي، مع إن بابايا عنده شركة، لاكن أنا مش عاوزة أشتغل واسطة. ادم أعجب بشخصيتها وقال: تمام، تقدري تستلمي شغلك في الحسابات.

رحمة بسعادة: شكراً لحضرتك جداً، وأسفة مرة تانية. هز ادم رأسه بإيماءة وخرجت وهو ابتسم. ~~~ عند جاسر، خرج من المستشفى بعد أسبوع، وكانت مريم كل يوم معاه وتروح على النوم. ~~~ مر أسبوعين على خروج جاسر. والبوليس عرف مين اللي عمل كده، وقبضوا عليه. وطلع واحد من أعداء جاسر كان عاوز الصفقة، لكن جاسر خدها. طلب جاسر من سالم والد مريم إنه يكتب الكتاب والفرح بعد شهر.

وبعد زن على سالم والد مريم، وافق. وأسر هو كمان صمم إنه يكتب الكتاب على جميلة والفرح مع جاسر ومريم. كتبوا الكتاب. ~~~ وفي الأسبوعين دول، في يوم رحمة مجتش الشركة يومين ورا بعض. قلق ادم، ولكنه حدث نفسه: إنه مينفعش يسأل عليها بصفته إيه. ولكنه حزم أمره وقال: بصفتي مديرها، وإنها مجتش بقالها يومين. خد ادم رقمها من الأرشيف ورن عليها، وانتظر الرد حتى أتاه صوتها المتعب واللي باين فيه الحزن. رحمة: أيوه مين؟

ادم بتوتر: أنا ادم الحديدي. رحمة باستغراب وحزن: أيوه حضرتك. ادم: حضرتك مبتجيش بقالك يومين، والكلام ده مينفعش. رحمة بحزن وتعب: أنا آسفة، بس عندي ظروف ومش هعرف أجي، وممكن مجيش تاني. تنفض ادم وقال بغضب: وحضرتك متجيش ليه؟ يعني إيه السبب؟ رحمة بعياط وتعب: أنا تعبت، أعمل إيه؟ بابا حابسني هنا وعاوز يجوزني غصب عني لواحد أنا معرفوش ولا عمري شفته، عشان بس صفقة تنجح، وأنا لعبة بيحركوها يمين وشمال. هو ومراته.

سكتت، لكن شهاقتها بتعلو. وهو يتألم لصوتها وقال بدون تفكير: تتجوزيني ي رحمة؟ رحمة بصدمة: ............. ~~~~~~ عند طارق ورنا، اتخطبوا ولسه بيناقروا في بعض. وقرروا يعملوا فرحهم مع جاسر وأسر وجميلة ومريم. ~~~~~~ عند مصطفى، كان داخل مكان للسهر. مصطفى خبط في واحدة: انت مش شايف قدامك؟ البنت بتوتر: هي أول مرة تيجي المكان ده. سوري مش قصدي. مصطفى بيبصلها: غرق في بحر عيونها، لأن عينيها كانت لونها زرقاء.

وقال: ولا يهمك، بس إنتي إيه اللي جابك هنا؟ هي بتوتر: جاية أقفش خطيبي مع واحدة هنا. اتبعتلي رسالة واتقالي إنه قاعد مع واحدة في كافيه****. وقالت بعفوية: فأنا جيت أقفشه. وبيني وبينك، عايزة أخلص منه لأني مش بحبه. مصطفى بضحك: إنتي اسمك إيه؟ قالت ببراءة: ملك. قال مصطفى: وخطيبك؟ ملك: متقولش خطيبي، بس اسمه عمرو. وأوعي، خليني أمسمكه متلبس. مصطفى بضحك: استني يا ملك. ومشي وراه. لقاها رايحة لواحد. وقالتله:

قلعت دبلتها وقالتله: خد دبلتك، كتك نيلة. يوم ما تخوني، خوني مع مزة مش مع جثة. وأحسن إنها جت منك، أنا كنت ناوية أسيبك، بس كنت بفكر في حاجة أقولها. بس ما شاء الله، إنت قدمتهالي على طبق. تسلم ي عمور. مصطفى واقف بيضحك عليها. وعمرو واقف محروج وخد الدبلة. ملك: كده إحنا خالصين، يعم. دبلتك في إيدك، مش عاوزة أشوف خلقتك تاني. والحاجات اللي جبتهالي هدية، هبعتهالك مع الواد أحمد أخويا. سلام. والمرة الجاية، استنضف. وحياة أمك.

عمرو: ماشي ي ملك. ومشيت ملك. وملقتش الأوبر اللي كانت جاية بيه. خرج مصطفى وراها. هو اللي مشي الأوبر اللي كانت جاية بيه عشان عاوز يوصلها. ميعرفش ليه، بس حب كده. مشي بالعربية قدامها وقالها: تعالي أوصلك. ملك: لا شكراً. مصطفى: تعالي يبنتي، بس متخفيش. وبعدين مش هتلاقي أوبر دلوقتي. ملك باقتناع: ماشي يخويا، أما نشوف. ورَكبت وقالتله العنوان. وقعدوا يتكلموا. وقالها لما وصلها: خديلي معاد من أونكل. ملك بغباء: ليه؟

أنا عملتلك حاجة؟ مصطفى بهمس: شكلي حبيت غبية. مصطفى بصوت عالي: لا، عشان جاي أتجوزك بس. ملك بكسوف: بس يخربيتك، وطي صوتك. كتبلها رقمه في ورقة وقالها: بلغي الحاج إني هاجي بكرة أنا وأختي وأخويا نطلب إيدك الساعة 6. متنسيش تكير ي حبيبتي. نزلت ملك ووشها مكسوف. وقالت لوالدها ووافق بعد ما قالتله على اللي عمله عمرو. واتصلت على مصطفى وقالها إنه بكرة الساعة 6 بالدقيقة هيكون عندها. ~~~~~~ عند ادم. رحمة بصدمة: إنت بتقول إيه؟

ادم بحنان أول مرة يظهر لحد غير أخواته: بقولك تتجوزيني. رحمة بدموع: إنت عاوز تتجوزني شفقة؟ لا يا أستاذ ادم. ادم بنفي: شفقة إيه ي بت انت؟ هو أنا مش باين عليا إني واقع ولا إيه؟ ده إخواتي لاحظوا. بحبك ي رحمة. رحمة بتفكير: مش عارفه. ادم: هو إيه اللي مش عارفه؟ إنتي كمان بقولك بحبك. رحمة بكسوف: خلاص، ماشي. موافقة. وأنا كمان بحبك يا دومي. ادم باستغراب: أنا دومي؟ على آخر الزمن؟ مش مهم. رحمة: سلام بقى.

كلم ادم أبو رحمة وقالوا ووافقوا، وهياملوا الفرح كلهم يوم واحد. ~~~~~~ يوم الفرح. كان فرح (ادم ورحمة، ومريم وجاسر، وأسر وجميلة، ومليكة وسليم، ومصطفى وملك، ورنا وطارق) كان فرح عالمي، أفخم فرح. كانت العرايس ملكات جمال، والعرسان قمرات. وكان يوم قمر وتحفة كده، وحاجة سكر. مريم لجاسر بهمس وهما بيرقصوا سلو: أحببتك رغم قسوتك. ~~~~~~ بعد 10 سنين. ~~~~~~ توفي الأهل الكبار.

جاسر ومريم عندهم ادهم 9 سنين، حور 4 سنين، وخديجة 7 سنين. اسر وجميلة عندهم مايا ومحمد تؤام 9 سنين. سليم ومليكة عندهم زين 8 سنين، ونور 3 سنين. طارق ورنا عندهم تيا 5 سنين، وتمارا 8 سنين. ادم ورحمة عندهم مالك 9 سنين، وملاك 6 سنين. مصطفى وملك عندهم سيليا 5 سنين، وسراج 7 سنين. قال تعالى: (وَمِنْ آيَاتِهِ أَنْ خَلَقَ لَكُمْ مِنْ أَنفُسِكُمْ أَزْوَاجًا لِتَسْكُنُوا إِلَيْهَا وَجَعَلَ بَيْنَكُمْ مَوَدَّةً وَرَحْمَةً) (سورة

الروم: الآية 21)