رواية احببته رغم قسوته الفصل العاشر 10 - بقلم ملك محمد

فجأة جه حد من وراه ورفع على دماغه المسدس وقاله: وطالما عرفت يا دياب يبقى لازم تموت والسر ده يموت معاك. لف دياب وشاف صدمة عمره، لقى عمه جلال أخو راشد. دياب: ما تضرب يا جلال، اضرب. جلال داس على المسدس ودياب وقع على الأرض وبقى بين الحياة والموت. جلال وراشد مكنتش متوقعين إن حد شافهم، لكن المفاجأة إن جميلة شافتهم. راشد وجلال خرجوا من البيت بسرعة، وجميلة جت سندت دياب ووقفت تاكسي وراحت على المستشفى. دخلت

جميلة المستشفى وهي بتقول: تروولوا أبووس إيديكم جوزي بيموت مني. جه دكتور ومعاه ممرضين وخدوا دياب ودخلوا أوضة العمليات. جميلة كانت قاعدة في أوضة الانتظار منهارة على دياب ومصدومة من اللي حصل، إزاي عمها جلال وعمها راشد يقتلوا دياب بالشكل ده وايه اللي يخليهم يعملوا كده. جميلة تفكيرها اتشل حرفيًا، كانت كل اللي بتتمناه إن دياب يخرج سليم بس. بعد ساعتين خرج الدكتور وكانت جميلة عينيها مورمة وحمرا من كتر العياط.

جميلة: والنبي يا دكتور طمنيني جوزي كويس صح. الدكتور: وحدي الله يا بنتي، جوزك كويس وحالته بقت شبه مستقرة. جميلة: طب طب ممكن أدخله. الدكتور: ممكن بس متتأخريش. دخلت جميلة على دياب وهي بتقوله: انت كويس يا دياب، انت كويس يا حبيبي، قلقتني عليك. دياب باستغراب: انتِ مين. جميلة اتصدمت والجملة نزلت عليها زي الصاعقة، وبعدها بدأت كلامها وقالت: أنا... أنااا... فجأة دخل راشد وقاله: دي السكرتيرة بتاعتك يا دياب. دياب بحدة: وانت مين.

راشد بثقة: أنا أبوك يا حبيبي، انت نسيت ولا إيه. خرجت جميلة جري على الدكتور وقالت له: الحقني يا دكتور الحقني جوزي مش فاكر حاجة. الدكتور دخل جوا وعمل فحص على المخ وبص على جميلة وقالها: تقريبًا كده ده فقدان ذاكرة مؤقت. جميلة: طب هو ممكن يخرج يا دكتور. الدكتور: ممكن يخرج النهاردة. جميلة: طب تمام، يلا يا دياب نروح البيت. دياب بحزم: بيت مين انتِ مجنونة، أنا أعرفك منين أنا هروح مع بابا. جميلة بصت لراشد وقالت له:

ليه كده يا عمي، ليه مش عايز تقوله إني مراته. راشد: مراته منين، انتِ جاية ترمي بلاكي على ابني ولا إيه. وجه حديثه إلى دياب وقاله: يلا يا ابني نروح. دياب بص لجميلة وحس إن في حاجة شاداه ليها، بس هو تجاهل الموضوع وقام وروح مع أبوه. أول ما دياب روح جت ريهام ولسة جاية تتكلم، راشد قالها بحزم: مش وقت كلام دلوقتي يا ريهام أخوكِ تعبان. ريهام: ألف سلامة عليك يا دياب بس هي فين... قاطعها راشد وهو بيقول: بس يا ريهام مش وقته.

ريهام استغربت وراحت ترن على جميلة. ريهام: الو أيوة يا جميلة. جميلة ببرود: عايزة إيه يا ريهام. ريهام: يا بنتي دياب جه عندنا ليه وانتي مجتيش معاه ليه. جميلة عيطت وقالت لها: اسألي أبوكِ. روحت جميلة من المستشفى وراحت لأمها. خبطت جميلة على الباب. سعاد فتحت الباب ولقيت جميلة بتعيط. سعاد: اسم الله عليكي يا حبيبتي بتعيطي ليه. جميلة حكت لها كل حاجة. سعاد: يا مصيبتي بقا راشد وجلال يعملوا كده، استني أنا هروح أتكلم معاهم. جميلة

مسكت إيديها وقالت لها: لا يا ماما، أنا هعرف أرجع حقي وحق جوزي. سعاد: الله يصلح حالك يا بنتي، استني بقا ده أنا عملالك مكرونة بالبشاميل هتاكلي صوابعك وراها. جميلة ابتسمت وقالت لها: ماشي يا حبيبتي. قعدت جميلة وكلت وارتاحت، والصبح استأذنت من والدتها وقالت لها إنها رايحة الشغل. دخلت جميلة الشركة وراحت قعدت قدام مكتب دياب، لأنها خلاص بقت سكرتيرة دياب. دخل دياب المكتب وقالها: صباح الخير يا آنسة... جميلة: جميلة، اسمي جميلة.

دياب: طيب لو سمحتي يا آنسة جميلة أنا محتاج... جميلة بمقاطعة: معقول مش فاكرني ولا فاكر علاقتنا يا دياب. دياب: إحنا كان ما بينا حاجة يا آنسة جميلة. جميلة اتنهدت وقالت له: أنا مراتك يا دياب انت ليه مش قادر تصدقني. دياب: لأن عمري ما أفكر أتجوز واحدة ليها ماضي زبالة زيك. جميلة بصدمة: نعمممم.