رواية احببته رغم قسوته الفصل التاسع 9 - بقلم ملك محمد

الشخص المجهول: اللي سلطه يبقى راشد الشرقاوي. دياب: نعممم ده أبويا؟ الشخص المجهول: صدقني يا دياب باشا، المعلومات اللي عندي بتأكد إنه راشد الشرقاوي. دياب بعصبية: طب امشييي من وشييي امشيييي. خرج دياب من المخزن وراح لابوه المكتب ولقاه مقفول من جوا. وسمع صوت أبوه وحد تاني معاه جوا. راشد: أنا عملت اللي اتطلب مني. الشخص الآخر: فعلاً عملت اللي عليك يا راشد. راشد: أنا استحالة أقدر أقت"له ده مهما كان ابني اللي ربيته.

الشخص الآخر: طب بس ما تقولش ابنك. راشد: عارف إني ما خلفتوش لا هو ولا ريهام، بس هو ابني اللي ربيته وكبرته. دياب: يا نهااار أسود مخلفنيييش إزاااي؟ غصب عن دياب كان صوته عالي شوية. فراشد خد سلا"حه وخرج علشان يشوف مين، بس كانت دياب خطواته أسرع وكان خرج من المكتب وخد العربية وراح على الفيلا. دخل دياب وطلع على أوضته وملامحه مرهقة وتعبانة من كل اللي حصل. جميلة: دياب مالك يا دياب؟ دياب: معلش يا جميلة مش عايز أتكلم مع حد.

جميلة حطت إيديها على كتفه وقالت له: هو أنا حد بردو؟ دياب: جـمـيـيـلة قولت مش عايز أتكلم، سيبيني. جميلة زعلت وقالت له: براحتك يا دياب. نامت جميلة ودياب كان سهران بيفكر وهيموت من التفكير. صحيت جميلة لبست بنطلون وعليه شيميز وبليزر والطرحة ولبست هيلز وقررت إنها هتروح مع دياب الشغل. دياب خرج من البلكونة وقالها: على فين كده؟ جميلة: رايحة معاك الشغل. دياب اتنهد وقالها: جميلة أنا مش رايح أتفسح يا ماما.

جميلة: أنت وعدتني إنك هتاخدني معاك. دياب: ماشي يا جميلة اعملي اللي انتي عايزاه. دياب لبس بدلته والساعة وخد جميلة وركبوا العربية وراحوا على الشركة. دخلت جميلة وهي ماسكة إيد دياب والموظفين قعدوا يتكلكوا بصوت واطي على جميلة إنها ماسكة إيد دياب. دخل دياب مكتبه وقالها: عايزة تشتغلي إيه بقا يا ست جميلة؟ جميلة: في أي حتة مش هتفرق كتير.

دياب: طيب، روحي المكتب اللي جنبي ده هتلاقيه فاضي اقعدي فيه وهتلاقي أوراق ظبطيهم وشوفي المواد الفعالة والحاجات دي. جميلة: تمام باي. راحت جميلة وقعدت تشتغل وقطع عليها شغلها شاب من الموظفين وهو بيقولها: واضح إن القمر لسة جديد معانا. جميلة بصت له وكمان شغل. راح الموظف مسك إيديها وقالها: في إيه بس متبقيش شرسة أوي كدة. جميلة شدت إيديها وقالت له بحدة: لو سمحت يا أستاذ التعامل ما بينا يبقى بحدود وبعد إذنك أخرج برا. راح

الموظف قالها بصوت عالي: انتي هتعمليلي فيها شري"فة إن مكنتيش جاية مع دياب باشا يا شري"فة. الموظفين كلهم اتلموا على مكتب جميلة. دياب سمع الصوت فراح على المكتب وقالهم بصوت عالي: في إيه بتعملوا إيه هنا؟ جميلة: الأستاذ اللي مترباش بيمسك إيدي. الموظف: دي كدابة يا باشا دي عرضت عليا نفسها وأنا رفضت. راح دياب وإداله بالبونية في وشه وقاله: بتمسك إيد مراتي يا ابن *****. الموظف بخوف: أنا آسف يا باشا مكنتش أعرف.

دياب: اتفضل يا أستاذ أنت مرفود من الشركة اتفضل. دياب بحزم: وانتوا كل واحد على مكتبه. جميلة قعدت وهي في عز خنقتها وكملت شغل. دياب: أنا آسف يا جميلة عن اللي حصل ده عن إذنك. عند شريف في مكتبه. شريف كان قاعد بيشتغل وفجأة خبطت على مكتبه ريهام أخت دياب. ريهام: السلام عليكم. شريف: وعليكم السل... لم يكمل شريف حتى رأى ريهام الذي سحر بجمالها. ريهام: يا أستاذ شريف. شريف: هاا هو حضرتك في حاجة.

ريهام: عايزة أقدم على شغل وسمعت إن حضرتك محتاج سكرتيرة. شريف: هاا أيوه، محتاج اسمك والسي في بتاعك. ريهام: اسمي ريهام راشد الشرقاوي والسي في بتاعي أهو. شريف: انتِ انتِ ريهام أخت دياب. ريهام بابتسامة: أيوة أنا. شريف: خلاص انتي استلمتي الشغل. ريهام: هبدأ من أمتى. شريف: من النهارده لو عايزة. ريهام: تمام شكراً. شريف راح على مكتب دياب. شريف: دياب. دياب: أيوة اتفضل يا شريف. شريف: أختك جاية تشتغل عندي سكرتيرة انت كنت عارف.

دياب اتنهد: كلمتني وقالت إنها عايزة تشتغل معايا بس معرفش إنها جاية النهارده. وفجأة دخلت جميلة وهي ماسكة شنطة فيها ساندويتشات وبتقول: دودو جبت لك فطار. شريف ضحك وقاله: طب أنا همشي بقا يا دودو. جميلة: سوري مكنتش أعرف إن صاحبك هنا. قعدت جميلة وقالت له يلا بقا ناكل زمانك جوعت. دياب: ماشي يا قلب دياب يلا نأكل. بعد يوم طويل مرهق جدا دياب خد جميلة روحها وبعدها راح لابوه البيت.

دياب لراشد: مش أنا عرفت كل حاجة يا بابا، ولا أقولك بلاش بابا مش لايقة عليك يا راشد بيه. راشد: في إيه يا بني. دياب: بطل كدب بقا أنا عرفت كل حاجة. وفجأة جه حد من وراه ورفع على دماغه المس"دس وقاله: وطالما عرفت يا دياب يبقى لازم تمو"ت والسر ده يم"وت معااك.