رواية احببته رغم قسوته الفصل السابع 7 - بقلم ملك محمد

احمر وجه دياب وقال لها بغضب: نعم. الدكتورة بتوتر: في إيه يا أستاذ، ده أنت المفروض تفرح. دياب مسك الدكتورة من البالطو وقال لها بغضب: انتي متأكدة من الكلام ده؟ الدكتورة بخوف: طبعًا... طبعًا متأكدة يا أستاذ. دياب بعصبية: قسمًا بالله لو طلعت كلامك غلط هضيع مستقبلك يا... هاها يا... دكتورة. دخل دياب وهو في قمة عصبيته لجميلة وقال لها: الكلام اللي سمعته ده صح؟

جميلة: كلام إيه يا دياب، أنا مش فاهمة حاجة. وبعدين مش تدخل تطمن عليا، داخل بتزعق كده ليه؟ دياب بتريقة: مش فاهمة يا هانم. آه نسيت أقولك، أصل الدكتورة قالتلي إنك حامل. ألف مبروك، مش تقوليلي بقى مين أبوه؟ جميلة بصدمة: حااامل؟ حامل إزاي يعني يا دياب؟ دياب: انتي بتسأ ليني أنا؟ جميلة تتساءل بخوف: انت مقربتش مني حتى، أنا مش فاهمة حاجة. دياب: بقا انتي يا جميلة يطلع منك كل ده. وبعد كده مسكها من شعرها وقال لها: انطقي.

جميلة بكت وقالت له: عمري ما تخيلت إنك انت يا دياب اللي تشك فيا، أنا أشرف من الشرف. من ساعة ما اتجوزتك وأنا بعاني يا دياب، بعاااني. دياب: امال الدكتورة بتكدب يعني ولا إيه؟ جميلة: معرفش يا دياب، بس أنا استحالة أكون حامل، أنا لسة بنت يا دياب. دياب: هنعرف يا بنت عمي. خرج دياب وقال للدكتورة: لآخر مرة بسألك مراتي حامل ولا لأ. الدكتورة بثبات مزيف: طبعًا متأكدة، عن إذنك.

دياب: لو كلامك طلع كدب اعتبري نفسك مستقبلك ضاع يا دكتورة. خرج دياب ليجري مكالمة هاتفية. في مكان تكثر فيه المعازف والخمر. كان أحد الشباب يدعى سيف جالسًا يشرب كأسًا من الخمر، وفجأة رن هاتفه. سيف بصوت سكران: الو، أيوة يا دياب. دياب بحدة: انت سكران يا سيف. سيف: أيوة، أنا في البار. دياب: انت مجنون يا ابني، انت مش وعدتني إنك هتبطل زفت. سيف: مش قادر يا دياب، من ساعة ما اتجوزت وحياتي اتقلبت.

دياب بحزن على صاحبه: طيب يا سيف، نتكلم في الموضوع ده بعدين. أنا عايزك تيجي لي مستشفى... ضروري. سيف: تمام، شوية وهكون عندك. خرج سيف من البار وراح لدياب المستشفى وقال له: في إيه يا دياب؟ وانت في المستشفى بتعمل إيه؟ دياب: مراتي تعبانة شوية. سيف: إيه ده، انت اتجوزت؟ دياب: يا ابني دي بنت عمي والجوازة تمت بسرعة. المهم بس، أنا عايزك توديني عند أختك اللي هي دكتورة نسا علشان أكشف على مراتي. سيف: ماشي يا سيدي، عيوني.

راح دياب جاب جميلة وعمل لها إجراءات الخروج وخدها على العربية اللي كان فيها سيف. خرج من المستشفى لقي سيف قدام العربية. دياب: دي جميلة مراتي يا سيف. سيف بصدمة: انتي! جميلة بصدمة: انت!