رواية احببته رغم قسوته الفصل الثامن 8 - بقلم ملك محمد

سيف بصدمة: انتي. جميلة بصدمة: انت. دياب باستغراب: انتوا تعرفوا بعض؟ جميلة بخوف: لا لا معرفهوش. دياب بحدة: ما تخلصوا. تعرفوا بعض منين؟ سيف بتوتر: دي البنت اللي... دياب وشه احمر ومسك سيف من دراعه وقاله: البنت اللي إيه؟ انطق. سيف: البنت اللي كنت معجب بيها وصدتني يا دياب. وقولتلك إنها اتجوزت. دياب بص لجميلة وقالها: بقا هو ده اللي محافظة على قلبي، ومحبتيش حد غيري؟ جميلة: أنا متكلمتش معاه أساسًا. هو هو بس...

دياب بغضب: هو بس إيه؟ جميلة بخوف: جه كلمني في الجامعة وأنا صديته. والله صدقني بقى يا دياب. سيف: ما حصلش كلام بينا يا دياب. حتى أنا لما حكيتلك عنها مكنتش أعرف اسمها حتى. دياب اتنهد وقالها بعصبية: ده مينكرش حقيقة إنك حامل يا هانم. جميلة: دياب لآخر مرة بحذرك. أنا هروح أكشف معاك علشان تتأكد مش أكتر. لكن أنا أشرف من الشرف. انت فاهم. دياب بتريقة: هنعرف، هنعرف يا بنت عمي. دياب بحزم: يلا يا سيف علشان نروح لأختك.

سيف بحزن: حاضر يا دياب. يلا بينا. ركبوا العربية. سيف ركب في مقعد السائق وجنبه دياب. وجميلة قاعدة ورا. وكانت جميلة سرحانة في حاجات كتير أوي. جميلة في نفسها: يااه على خيبة أملي. دياب حب عمري من وأنا صغيرة يشك فيا. يشك فيا. أنا طول عمري محبوسة في البيت. عمري ما تخيلت إن يحصل فيا كل ده. يا ريتني ما كنت حبيتك يا دياب. يا ريتني ما كنت حبيتك. وكان سيف يتذكر الموقف الذي حدث بينه وبين جميلة. سيف: يا آنسة، يا آنسة.

جميلة: في حاجة حضرتك؟ سيف: كنت عاوز أقولك على حاجة. جميلة: اتفضل. سيف: أنا بحبك. جميلة بصدمة: نععم؟ لو سمحت يا أستاذ، انت مش أكتر من حد غريب شوفته في الشارع. ولو سمحت ملكش دعوة بيا. سيف في نفسه: ياااه يا جميلة. أنا كنت بحبك أوي. أنا كنت مستعد إني أعمل أي حاجة عشانك. بس لا... دياب صاحبي وأخويا. عمري ما أفكر إني أحب مراته. انتي خلاص يا جميلة خرجتي برة قلبي. دياب في نفسه: أنا مش مصدق. معقولة يكون دياب بيحب جميلة؟

ليه بس بيحصل فيا كل ده. وجميلة حامل. حامل إزاي يعني؟ معقولة هان عليكي تخونيني يا جميلة؟ بس لا، أنا مصدقش إن انتي اللي تعملي كدة. سيف: يلا يا دياب وصلنا. نزل دياب وبعده جميلة ودخلوا العيادة. سيف: ازيك يا قمر عاملة إيه؟ قمر اخت سيف: ازيك يا سيفو؟ عاملة إيه يا حبيبي؟ واحشني. سيف: الحمد لله. بقولك يا قمر، كنت محتاج بس إنك تكشفي على مرات صاحبي. قمر: ماشي يا عيوني. اتفضلي يا مدام.

جميلة دخلت. وقمر بعد فترة خلصت الكشف وخرجت. دياب: طمنيني يا دكتورة. المدام حامل؟ قمر: لا مش حامل. ولسة آنسة على فكرة. خرجت جميلة بدموع وقالت لقمر: شكراً يا دكتورة. سلام. دياب اتصدم وخد جميلة وخرج. دياب كان مكسوف جدًا من جميلة علشان هو طعنها. جميلة بدموع: إيه يا دياب؟ اتأكدت ولا نروح لدكتورة تانية. دياب: جميلة أنا... جميلة بمقاطعة: انت إيه؟ عاوز تعمل فيا إيه تاني؟ دياب: أنا آسف.

جميلة: لا والله. كل شوية تروح تتهمني بحاجة شكل. وفي الآخر تقول لي أنا آسف. وأنا المطلوب مني إني أسامحك وآخدك بالحضن بقى. دياب بغمزة: طب ما تديني الحضن. انت حد منعك. جميلة وشها احمر وقالت له: يلا يا دياب خلينا نروح. أنا تعبانة. روحوا البيت. جميلة طلعت في الأوضة وقفلتها. ودياب كان قاعد بيعمل شوية اتصالات. دياب: الو. أنا عايزك تجيب الدكتورة اللي في مستشفى ***** وتجيبها المخزن ضروري.

شخص مجهول: تمام يا دياب باشا. أمر تاني. دياب: أيوه. في حد جه قدام بيتي وضرب نار. انت معاك طبعًا تسجيلات كاميرات المراقبة اللي قدام بيتي. تعرف لي مين ده. شخص مجهول: طبعًا يا دياب باشا. النهاردة الساعة ٨ في المخزن هتلاقي المعلومات اللي انت عايزها. والدكتورة حاجة تانية. دياب: لا مش عاوز حاجة تانية. أشوفك الساعة تمانية. طلع دياب لجميلة وخبط على الباب. دياب: افتحي يا جميلة. جميلة بعياط: ابعد عني يا دياب. ابعد عني.

دياب: افتحي الباب يا جميلة بقولك. جميلة: مش فاتحة. دياب كسر الباب لقي جميلة ماسكة السكينة. دياب: جميلة. انتي بتعملي إيه؟ دياب جرها وسك ايديها جامد لحد ما سابت السكينة وخدها في حضنه وهي منهارة. دياب: ليه كدة يا حبيبتي. ده أنا مقدرش أعيش من غيرك. جميلة: أنا تعبت أوي يا دياب. تعبت أوي. دياب فضل يطبطب عليها لحد ما نامت. ونزل هو علشان يروح المخزن. دياب دخل لقي الدكتورة مربوطة والشخص اللي طلب منه المعلومات.

راح للدكتورة وقالها: مين اللي سلطك يا روح أمك تقولي لي إن مراتي حامل؟ الدكتورة: معرفش. دياب اتعصب وضربها بالقلم وقالها: اخلصي يا أستاذة. مش هتحايل عليكي. الدكتورة بخوف: حاضر هقولك. هقولك. اللي سلطني إني أقول كده الباشا عيسى الجمال. دياب بعصبية: ورحمة أمي ما هسيبك يا عيسى. دياب راح للمجهول وقاله: ومين بقا اللي كان بيحاول يقتلني؟ ومين اللي سلطه؟ الشخص المجهول: اللي سلطه يبقى راشد الشرقاوي. دياب: نعععمممممم. ده أبويا.