رواية احببته رغم صغر عقلة الفصل الأول 1 - بقلم مريم سمير

افندم! اتجوز واحد عقله عقل طفل عنده 17 سنه! طب ممكن تقعدي اشرحلك. اندر ايدج انتوا بتهزروا! يبنتي اقعدي بقى. قعدت فيه أي بقى! ابني عمل حادثة، الحادثة دي أثرت على المخ، رجع لعمر 17 سنة بجسم واحد عنده 27 سنة، هو بيتعالج دلوقتي. طب يا حاج هو بيتعالج، عاوزين تجوزوه لي بقى! الدعم النفسي أهم حاجة، وأنا وأمه مش في البيت دايماً، بنحتاج يبقى معاه حد على طول ياخد باله منه. خدامة يعني.

العفو يبنتي، صدقيني هتكوني خدمتيني أكبر خدمة في حياتي، هفضل طول عمري مدين ليكي بأي حاجة تعوزيها، بس ارجوكي وافقي. سكتت شوية وبصيت لماما لقيتها ساكتة، رجعت بصتله تاني. طب ممكن تديني فرصة أفكر؟ أكيد أنا مش هفرض عليكي حاجة، بس فكري كويس، ده ابني الوحيد، يلا السلام عليكم. عليكم السلام، نورت. الله يبارك لك يا بنتي. مشي وأنا قعدت على الركنة، ماما جمبي واحنا الاتنين ساكتين. هو أكيد محتاج حد جنبه. إيه!

مش هيعدي من اللي هو فيه وهو لوحده. مريم متقوليش إنك... أنا موافقة يا ماما. بردو! أنا لو مكانه كنت هحتاج حد معايا، إن شاء الله هيخف، هبقى سبب من الأسباب اللي ربنا جعلهالها عشان يرجع زي الأول. طب فكري كويس، أحسن تندمي. محدش بيعمل خير ويندم يا ماما، أنا اتربيت على كده وده اللي هعمله.

يمكن طيبتي بتوصل لحد الغباء ساعات بس أنا بحبها أوي، بحب طيبتي وإن ربنا جعلني حنينة دي أحلى ميزة فيا، بتهيأ لي الإنسان مش محتاج إلا حد طيب حنين يطبطب على قلبه ويأنس وحدته، محدش محتاج حد بيحسبها بالقلم والرقّة، متيجوا نعيشها بقلوبنا ومنحسبهاش ونسيبها تيجي بظروفها ونرضى بأي حاجة من ربنا وأكيد هتبقى خير لينا، جربوا اعملوا زيي كده يا جماعة! ألو. أيوه يا بنتي، فكرتي؟ أيوه. اتنهد. وقولتي إيه؟ موافقة يا عم الحاج.

تهيأ لي كنت حاسة بفرحته وأنا بكلمه في الفون، مش شيفاه بس حاسة قد إيه هو فرحان لما سمع كلمة موافقة، لو كنت أعرف إنها هتفرحه كده كنت قولتها من زمان والله. طب عندك مانع تيجي تشوفيه قبل كتب الكتاب. بلعت ريقي. كتب كتاب! آه، انتي رجعتي في كلامك ولا إيه. لا لا، معنديش مانع. نص ساعة والعربية تكون عندك.

قفل وأنا قولت لماما، بابا مسافر بس ماما قالتله من أول ما باباه جه قالتله وهو وافق، بس مقالتلوش حالته الصحية قالتله الاجتماعية. لبست ولقيت عربية كبيرة جدا بتضرب كلاكس تحت البيت. أنا جالي صداع يا عمو. انتي مريم هانم؟ الآه! أنا مريم آه. طب اتفضلي معانا. إيدها هتخطفوني! ادوني فرصة أصوت حتى يقولوا قاومت. احنا تبع عماد بيه. عماد بيه، آه آه تمام. فتح لي باب العربية من ورا. ودي آخرتها فين دي؟ ورا. طب ولي كل ده!

العربية أم كرسيين قصرت معاكم في حاجة!! يالله يالله، داخلة أهو. دخلت والحمد لله وصلت، ما شاء الله عربية جميلة وفيها أكل، من اللي بشوفها في الأفلام أيوه هي، كان حلمي العربية المتر دي بس يلا وسعت مني شوية تلاتة أهو. وصلت بيت أو استنوا فله فله. وقفت قدامها فاتحة بوقي. اتفضلي يا هانم. وربنا خطفني. خلصتي. أيوه. اتفضلي بقى.

دخلت كان بيت يخطف القلب من أول نظرة، أول قصة حب تنشأ بين إنسان وفله بجد مش كلام والله، قعدت وجت شغالة تسألني أشرب إيه. كركديه ساقع. افندم! معندكوش!! إزاي دا مش أهو أوي، قهوة طيب؟ تحت أمرك يا هانم. فجأة باباه جه وسلم عليا وقعد. عمري ما هنسالك الجميل ده، طول ما أنا عايش. ابتسمت وبصتله. كوثر نادي على أحمد بيه. كانت ماشية وأنا أتخيل هي تمشي وأنا أتخيل لو برسمه مش هعمل كده، بعد شوية لقيته جه، هو ده!

أحلفه كده، سبحان الله ربنا مش بيدي كل حاجة، بس يخربيت جمال الله وكيل مش إليك حل. قعد وحط رجل على رجل. هي دي العروسة؟