رواية احببته صدفه الفصل الأول 1 - بقلم جودي أسامة

كنت قاعدة في الأوضة ولبسة الهاند فري بتاعتي وفجأة بابا دخل عليا. بابا: ازيك يا نور عاملة إيه؟ نور: تمام يا بابا الحمد لله. خير في حاجة؟ بابا: أنا كنت جاي أقولك إنك تبتدي تجهزي نفسك. نور: أجهز نفسي ليه؟ إحنا هنسافر؟ بابا: لا يا نور، إنت هتتجوزي. نور بصدمة: لا طبعاً مستحيل أتجوز حد معرفوش. بابا: لا هتتجوزي ورجلك فوق رقبتك. نور: يا بابا إنت ليه بتعمل فيا كده؟

أنا من ساعة ما جيت الدنيا وأنا أيامي كلها زفت، مفيش يوم عدل. وكمان عايز تجوزني بالعافية. بابا: يا نور، أنا أصلاً بكرهك وإنتِ عقبة في حياتي. نور: ليه طيب؟ أنا عملتلك إيه؟ بابا: أنا مش بحب خلفة البنات، أنا كنت عايز راجل. نور: طيب وأنا ذنبي إيه في الموضوع ده؟ بابا: أنا مليش دعوة، هتتجوزي يعني هتتجوزي، وده آخر كلام عندي. نور: حاضر يا بابا، اللي إنت عايزه.

بابا طلع من الأوضة وأنا فضلت أفكر في الكلام لحد ما الوقت سرقني، والمفروض أروح الجامعة بتاعتي. نور: صباح الخير. ماما: صباح النور يا قلب ماما. نور: ماما أنا رايحة الجامعة، عايزة حاجة؟ ماما: مالك يا بنتي؟ إنتِ زعلانة من حاجة؟ نور: يا ماما، بابا عايز يجوزني غصب عني وأنا مش هقدر أرفض. ماما: ده إزاي إن شاء الله؟ مفيش جواز يعني مفيش جواز. نور: طيب يا ماما، سلام دلوقتي عشان أنا اتأخرت أووي. ماما: مع السلامة.

طلعت بسرعة عشان ألحق الكلية، وكان في ولد شغال يرخم عليا. الولد: إيه يا قمر، ماشية لوحدك ليه؟ نور: احترم نفسك يا حيوان إنت. الولد: مين ده اللي حيوان؟ إنت اتجننت؟ لسه هيضربني لقيت حد مسك إيده بسرعة.