رواية احببته صدفه الفصل الثاني 2 - بقلم جودي أسامة

بص لقيته ولد قمر طويل كده وعنده عضلات. الولد: انت ازاي تمد ايدك على بنت؟ انت اتجننت؟ : وانت مالك؟ انا امد ايدي براحتي، هي تقربلك؟ الولد: ايوه تقربلي، وابعد عنها بدل ما اقطعلك ايدك. : خلاص، انا ماشي، انا اسف. كنت بصاله وانا فرحانة قوي. الولد: خلاص دلوقتي تقدري تمشي. نور: بجد مش عارفة اشكرك ازاي. الولد: لا عادي، اتفضلي. كملت الطريق لحد ما وصلت الجامعة. نور: هاي ياسمين. ياسمين: اهلا، ايه التأخير ده كله؟

ده المحاضرة خلصت. نور: يوووووه… طيب ايه الحل في المحاضرة اللي ضاعت دي؟ ياسمين: اهي ولا تزعلي نفسك. نور: هو انا قلتلك قبل كده انك اختي ولا ايه؟ ياسمين: لا بصراحة. نور: طب وحياة ربنا انتي اكتر من اختي. ياسمين: طيب احكيلي يا ستي، ايه اللي خلاكي تتأخري؟ نور: طب تعالي نروح الكافيه وهحكيلك. رحنا كافيه وابتديت احكي.

نور: بصي يا ستي، بابا جه يقولي انه هيجوزني وانا رفضت، بس قالي هتتجوزي غصب عنك. وبعدين لبست ونزلت، وانا ماشية كان في واحد بيدايقني وكان عايز يمد ايده عليا، بس جه ولد قمر كده راح بهدله وفضل يضرب فيه، وانا كنت فرحانة قوي. ياسمين: اممم، وانت من امتى بتعجبي بحد يا ست هانم؟ نور: مش عارفة، حبيته اوي. ياسمين: طيب ازاي حبيتيه وابوكي هيجوزك بالعافية؟ نور: مش عارفة. وفجأة عيني بصت بعيد لقيت نفس الولد اللي دافع عني.

نور: بت بت الحقي! ياسمين: مالك يا مجنونة؟ في ايه؟ نور: الولد اللي بقولك عليه اهوه. ياسمين: بجد؟ هو ده… ده اصلا معانا هنا في الجامعة. نور: بجد؟ طيب وانت عرفتي ازاي؟ ياسمين: ده كل البنات بتموت فيه، بس هو تقيل شوية. نور: اااه. ياسمين: اصلا ازاي وقف كده واتكلم معاكي؟ ده أي بنت هنا بتكلمه بيسبها ويمشي. نور: احلفي! ياسمين: اه والله. نور: يبقي عجب بياااا. ياسمين: يا بت بس صوتك عالي قوي. نور: طيب هو اسمه ايه؟

ياسمين: اسمه يوسف. نور: طيب يلا بينا ندخل المحاضرة يلا. ياسمين: ماشي. دخلنا وكنا داخلين متأخر، وكمان كان داخل معانا يوسف. راح الدكتور فضل يسألنا. الدكتور: كنتوا فين ان شاء الله؟ يوسف: معلش يا دكتور، كنت تعبان شوية. الدكتور: طيب اتفضل ادخل… طيب وانتوا؟ : واسفين يا دكتور، اخر مرة. الدكتور: اتفضلوا. انا ومركزة مع يوسف، فجأة الكتاب بتاعي وقع، لسه هجيبه لقيت حد بيدهوني ويقولي اتفضلي يا قمر.