رواية احببته صدفه الفصل الخامس 5 - بقلم جودي أسامة

دخلت لقيت الكافيه كله مليان ورد وفي ناس كتير بتسقف وتصور. نور: واااو. يوسف: إيه رأيك؟ نور: أنا فرحانة موت بجد. يوسف: دي أقل حاجة تتعمل لك. بعد كده قولت أبقى تقيلة كده شوية. يوسف: اتفضلي اقعدي. نور: ميرسي. يوسف: بصي بصراحة أنا جبتك هنا واصرت إننا نتقابل علشان كنت عايز أكلمك في موضوع. نور بكسوف: اتفضلي. يوسف: أنا بصراحة معجب بيكي بقالي كتير ومتردد إني أكلمك، بس خلاص حسيت إن ده الوقت المناسب. نور:

يوسف: أنا عارف إنك مش عارفة تردي، أنا هديلك وقتك، وعمومًا رقمي معاكي وفي أي وقت كلميني. نور: تمام. يوسف: تحبي تشربي إيه؟ نور: لا ميرسي مش عايزة. يوسف: خلاص أنا عرفت… لو سمحت عايز واحد قهوة وواحد عصير تفاح. نور: إنت عرفت إزاي إني بحب عصير التفاح؟ يوسف: مش بقولك إني بقالي فترة عيني عليكي. نور: طيب يلا بقى علشان المحاضرة. يوسف: طيب يلا نروح مع بعض. نور بتردد: ماشي.

دخلنا المحاضرة وهو عينه متشالتش من عليا وأنا بحاول مركزش معاه. يوسف: بس.. بس. نور: نعم؟ يوسف بهمس: بحبك. نور: إيه؟ يوسف: بحبك. أنا من الصدمة فضلت متنحة المحاضرة كلها. أول ما خلصنا. ياسمين: فينك يا بنتي؟ نور: كنت مع يوسف. ياسمين: طيب وإيه الأخبار؟ نور: قالي بحبك. ياسمين: أوبااا شكلنا هنفرح بقين. نور: ملكيش دعوة. بصيت ورايا لقيته يوسف. نور: إيه يا يوسف في إيه؟ يوسف: إنت خلصتي؟ نور: آه خلصت. يوسف: طيب يلا علشان هروحك.

نور: لالا… إزاي؟ يوسف: عادي.. علشان كمان أعرف مكان البيت لما أجيب أهلي. نور: وإنت هتجيب أهلك ليه؟ يوسف: إاه شكلك كده هتتعبيني… علشان أتقدملك يا نور. نور: هاا. يوسف: يلا بقى عشان أوصلك. نور: ماشي. روحت معاه لقيت عربية كده تحفة كبيرة كده ولونها أسود وآخر عظمة. يوسف: يلا اركبي. نور: حاضر. فضلت لازقة جنب الشباك طول الطريق. يوسف: يا بنتي فيه إيه هو أنا هعضك؟ نور: لا عادي أنا مرتاحة كده. يوسف: إهدي يا نور واقعدي كويسة.

نور: حاضر. فضلت قاعدة ساكتة لحد ما وصلنا. يوسف: هو دا البيت؟ نور: أيوه. يوسف: طيب يلا ننزل. نور: رايح فينه؟ يوسف: هنزل معاكي. نور: لالا خليك هنا. يوسف: لا هدخل معاكي. فتحت الباب لقيت بابا واقف قدام الباب. بابا: تصدقي بقى إني معرفتش أربيكي. لسه هيضربني لقيت يوسف مسك إيده. بابا: إنت بتعمل إيه هنا يا حيوان!!