رواية احببته صدفه الفصل السادس 6 - بقلم جودي أسامة

يوسف: انت ازاي عايز تمد إيديك عليه؟ بابا: وانت مالك انت كمان؟ هتعلمني ازاي أربي بنتي؟ يوسف: لا مش قصدي كده، بس نور معملتش حاجة غلط. بالعكس، نور أكتر واحدة مؤدبة في الجامعة كله. بابا: انت مالكش دعوة. اتفضل بره. نور: امشي يا يوسف... امشي، وأنا هبقى أكلمك بعدين. يوسف: ماشي. يوسف طلع وبابا عينه كلها غضب. بابا: انت كنتي بتعملي إيه مع الولد ده؟ نور: مكنتش بعمل حاجة. يوسف ولد محترم جداً ومستحيل يعملي حاجة وحشة.

بابا: أنا مليش دعوة بالكلام ده. نور: وعلي فكرة، يوسف كان جاي علشان يتقدملي. بابا: يتقدملك... يتقدملك إزاي؟ انت هتتجوزي. نور: ونبي يا بابا سبني أتجوز اللي أنا عايزاه. بابا: لا مفيش الكلام ده. انت فرحك خلاص فاضل عليه شهر. نور: طيب حتى يا بابا مفيش خطوبة؟ بابا: لا مفيش، هو جواز على طول. نور: ونبي يا بابا خليني أتعرف عليه. بابا: طيب ماشي، علشان كمان في الفرح ميبانش إنك متجوزة إجباري. نور: ماشي يا بابا، شكراً.

طلعت على أوضتي وفضلت أعيط. وبعدين لقيت التليفون رن. نور: الو يا ياسمين. ياسمين: إزيك عاملة إيه؟ نور: زي الزفت. ياسمين: ليه بس؟ في إيه؟ نور: يوسف جه معايا لبابا علشان يتقدملي، بس بابا زعق وبهدل الدنيا وقالي انت هتتجوزي اللي أنا قولت عليه. ياسمين: آه، وبعدين؟ نور: بعد كده فضلت أقول لبابا طيب، يبقى فيه خطوبة حتى. لحد ما رضي. ياسمين: طيب كويس. نور: كويس إيه؟ أنا بحب يوسف. ياسمين: معلش يا حبيبتي.

نور: طيب أنا هقفل دلوقتي، يلا باي. ياسمين: باي. قفلت مع نور ورنيت على يوسف، بس مكنش بيرد. وأخيراً رد. نور: الو. يوسف: الو. نور: إيه يا يوسف، مش بترد عليا ليه؟ يوسف: لا معلش، كان عندي مشوار. المهم، عملتي إيه مع باباكِ؟ نور: مش موافق عليك خالص يا يوسف. يوسف: ليه طيب؟ مردتش أقوله إنه عايز يخطبني لحد تاني. نور: مش عارفة، هو بابا كده بيرفضلي أي طلب. يوسف: طيب، وإيه الحل؟ نور: مش عارفة. يوسف: طيب، ممكن نتقابل بكرة؟

نور: تمام، ماشي. يوسف: طيب، باي. نور: باي. قمت اتوضيت وصليت وذاكرت شوية، وبعدين نمت. تاني يوم... لبست ونزلت جري علشان أقابل يوسف. ماما: رايحة فين يا نور؟ نور: رايحة الجامعة يا ماما. ماما: طيب، يلا روحي ومتتأخريش. نور: حاضر... باي. أول ما وصلت الجامعة لقيت يوسف. نور: إزيك يا يوسف؟ يوسف: إزيك يا نور... يلا نروح الكافيه. نور: ماشي. دخلنا الكافيه وقعدنا نتكلم. نور: يوسف، عايزة أسألك سؤال. يوسف: اتفضل. نور: هو انت بتحبني؟

سمعت الرد بصدمة.