رواية احببته صدفه الفصل الرابع عشر 14 - بقلم جودي أسامة

يوسف: مالك يا نور في إيه؟ نور: لالا مفيش حاجة. يوسف: متأكده مفيش حاجة؟ نور: أيوه يا يوسف، خلاص بقي. يوسف: خلاص براحتك. كملنا الطريق وأنا مش مصدقة اللي أنا سمعته ده. لقيت يوسف شغل أغنية وبيغني معاها. بصراحة صوته حلو قوي. يوسف: إيه هتفضلي بصالي كده كتير؟ نور: إيه الجمدان ده، صوتك تحفة. يوسف: يا سلام. نور: آه والله صوتك عظمة. لـقيته مسك إيدي وبيغني معا الأغنية. نور: إيه يا بابا سيب إيدي. يوسف: عيلة فصيلة.

نور: أنا فصيلة؟ يوسف: أيوه، أنا دلوقتي ماسك إيديك وبغني، خليكي رومانسية كده. نور: لا يا حبيبي أنا محترمة، مش بتاعت الكلام ده. يوسف: ... نور: ما ترد. لقيته باصصلي وبيضحك عليا. نور: إيه هو أنا برقص؟ يوسف: لالا، أنت غبية بس. نور: ولا احترم نفسك بدل ما أصوت دلوقتي وأقول بيخطفني. يوسف: وريني. روحت صوت بجد والناس ابتدت تتلم علينا. يوسف: يا بنت المجانين، إيه اللي أنت عملتيه ده. شخص: مالك يا أنسة؟ هو عملك حاجة؟

نور: آه بيخطفني. شخص: خاطفك؟ طب والله لاعلمه الأدب. الـبـلـيـس هيضربوه. راح طلع قسيمة الجواز. شخص: إيه دا؟ دا جوزك. يوسف: اهو علشان تصدقوا، هي بس تعبانة شوية ونسيت تاخد العلاج بتاعها. شخص: ماشي، معلش. يوسف: لا عادي، ولا يهمك. لقيت يوسف بيبصلي بغضب. نور: إيه في إيه؟ يوسف: عارفة لو مبطلتيش هبل هعمل فيكي إيه. نور: إيه؟ يوسف: هتعرفي بعدين. وعلى فكرة، للمرة العشرين، أنا جوزك. نور: حتى لو جوزي، احترم نفسك.

يوسف: أنا شكلي ادبست في الجوازة دي. نور: امشي يلا علشان اتأخرنا. وصلنا عند الراجل اللي هيورينا الفيلا. الراجل: إيه رأيك في دي يا مدام؟ نور: لا مش عجباني. إيه رأيك يا يوسف؟ يوسف: اللي تشوفيه يا قمر. نور (بهـمـس) : احترم نفسك، الراجل بيبص علينا. الراجل: طيب ودي يا فندم؟ نور: الله حلوة قوي، واسعة وأوضها كتير والمطبخ بتاعها عظمة. يوسف: فعلاً حلوة قوي، يعني خلاص عايزة دي؟ نور: أيوه.

يوسف: خلاص، إحنا عايزين دي. هتبقى جاهزة إمتى؟ الراجل: تلات أيام وهتبقى جاهزة. يوسف: تمام، شكراً جداً. خلصنا وطلعنا بره وركبنا العربية. روحت افتكرت الريكورد اللي سمعته. يوسف: مش هتقوليلي مالك؟ نور: بص يا يوسف، بصراحة... أنا وصلي ريكورد من رقم غريب. يوسف: طيب وفي إيه الريكورد ده؟ نور: خد اسمع.

الريكورد: يا بنتي والله أنا حاولت أوقع ما بين نور ويوسف بس معرفتش. بنت اللذينة اتجوزته خلاص ومش هعرف أعمل حاجة. أنا بكره اللي اسمها نور دي. يوسف: إيه دا؟ مين دي؟ نور: دي ياسمين. يوسف: صحبتك؟ نور: أيوه. يوسف: طيب ليه بتعمل كده؟ نور: معرفش، أنا خلاص مش عايزة أعرفها تاني. يوسف: خلاص كلميها دلوقتي وقوللها كده. نور: ماشي. نـيـت عليها وردت. نور: الو. ياسمين: إزيك يا عروسة. نور: ياسمين، أنا مش عايزة أعرفك تاني.

ياسمين: ليه بس كده؟ نور: أنت كنتي بتحاولي توقعي بيني أنا ويوسف. ياسمين: أيوه يا نور، أنا بكرهك ومش عايز اكي تتجوزي يوسف لأن أنا بحبه. نور: بس خلاص أنا اتجوزته، سيبنا في حالنا بقي. ياسمين: بس على فكرة يوسف بيحبني. نور: عرفتي إزاي؟ ياسمين: امبارح بليل كان عندي في الشقة وقالي إنه مش بيحبك وإنه هيطلقك وهيتجوزني أنا. نور: إيه؟