رواية احببته صدفه الفصل الخامس عشر 15 - بقلم جودي أسامة

ياسمين: أيوه يا حبيبتي.. يوسف كان متجوزك لعبه مش أكتر وهيزهق منك ويرميكي. نور: إنتي أندل إنسانة شوفتها في حياتي… ويا ريت تبعدي عني خالص كأني ماكنتش أعرفك في يوم من الأيام. قفلت السكة في وشها. وبصيت على يوسف.

نور: إنت ليه بتعمل فيا كده حرام عليك.. أنا مش عايزة أعرفك تاني.. إنت.. إنت يا يوسف تعمل فيا كده تخوني مع صاحبتي.. ليه طيب ما تطلقني أسهل من كل ده وروح اتجوزها زي ما هي بتقول.. طالما أنا لعبة وشوية وهترميني خلاص سيبني بدل ما تكسر قلبي. يوسف بصدمة: .... نور: ما ترد يا بيه رد يا خاين. يوسف: مالك يا نور مين دا اللي خاين.. هي صاحبتك قالتلك إيه؟ نور: قالتلي إنك كنت عندها امبارح في البيت وإنك هتطلقني وتتجوزها هي.

يوسف: إيه كل الهبل ده… وإنتي صدقتيه؟ نور بانهيار وعياط: هي كانت الشخص الوحيد ليا في الدنيا اللي بصدقه وبحبه بس في الآخر خدت جوزي مني. حسيت إني داخيه وخلاص هيغم عليا. يوسف: نور مالك في إيه؟ نور: دايخة أوي مش قادرة. يوسف: طيب ثواني. راح جابلي عصير وجيه. يوسف: خدي اشربي العصير ده يمكن يهديكي شوية. شربت العصير وابتديت أبقى كويسة. يوسف: ممكن تسمعيني بقيه؟ نور: أنا مش عايزة أسمع حد. يوسف: لو سمحتي اسمعيني. نور: اتفضل.

يوسف: أنا امبارح بليل كنت فين؟ نور: كنت عند ياسمين. يوسف: يا سلام يعني مش كنت عندك لما جبتلك الأكل وفضلت قاعد معاكي؟ نور بتفكير: إيه ده.. أيوه صح أنت كنت عندي بليل. يوسف: صدقتي بقي إني بحبك ومستحيل أحب غيرك. نور: طيب إزاي هي بتقولي كده؟ يوسف: عشان توقع بيني وبينك يا ذكية. نور: طيب أنا هوريها. يوسف: هتعملي إيه؟ نور: اطلع على بيت ياسمين. يوسف: ليه؟ نور: اطلع بس وادي العنوان. يوسف: طيب ماشي.

طلعنا على بيت ياسمين وأهلها كانوا مسافرين. روحت خبطت عليها. ياسمين: مين؟ نور: .... ياسمين: يوووه مين الرخم ده. فتحت لقتني في وشها. ياسمين: إيه ده إنتي بتعملي إيه هنا؟ نور روحت جريت عليها ومسكتها من شعرها. نور: إنتي يا ياسمين تعملي فيا كده.. ليه أنا عملتلك إيه؟ ياسمين: إنتي أخدتي الولد اللي أنا بحبه. نور: خلاص وبقي جوزي ابعدي عني بقى. ياسمين: لا يا نور مش هسيبك.

روحت شديتها من شعرها وضربتها. يوسف من بره سمع صوت الصويت، راح جيها، وأول ما دخل البيت. يوسف: إيه يا نور إيه صوت الصويت ده؟ راحت ياسمين جريت عليه وحضنته. ياسمين: يوسف الحقني. نور: ....