رواية احببتها عمياء الفصل الخامس 5 - بقلم مريم احمد

ماماااااا. جريوا عليها بسرعهمحمد بخوف: حاول تفوقها يا نوح علي ما اجهز العربيه و نروح بيها علي المستشفى. غرام بخوف: فوقها بمايه او بأي ريحة يا نوح. و بالفعل حاول نوح يفوقها بس مكنتش بتفوق. "يلا يا نوح العربيه جهزت." بعد ما نوح و محمد خدوا الحاجة و مشيوا، كان كلهم قاعدين. بصت نهي لدلال بنظرة غير مفهومة. قامت دلال و قالت بصوت عالي: "اييه كل واحدة منيكم هتفضل قاعدالي كده ولا ايه؟!

قومي انتي و هي شوفوا كنتوا بتعملوا ايه لحد ما الحاجة تيجي، ده لو جت انهارده اصلا." "ممكن حد يساعدني اطلع اوضتي؟ "ليلي بهدوء: تعالي يا غرام." بعد دلال اتأكدت ان كله مشي عشان محدش يسمعهم: "ايه؟ كنتي عايزة ايه؟ "نهي.. كده مبقالهاش حد.. انا هطلع اعمل اللي اتفقنا عليه يا ماما." "ماشي بس اوعي يا نهي البت دي تبوظ الدنيا." "لا يا ماما متخافيش انا هتصرف ومش العامية دي اللي تخافي منها."

"طيب انا طالعه لدرة عشان افهم ايه اللي بيحصل وانتي كمان يلا." هزت لها نهي دماغها و طلعت. في أوضة درة. درة وهي بتمسح دموعها: "ادخل." دلال: "ايه ده يا درة!! انتي بتبكي ليه؟! ردت عليها ببكا: "محمد مصدقنيش يا دلال و امه هي السبب بس والله ما هسيب حقي و حق ابني." "متزعليش طيب و متبكيش خليكي قوية." أومأت لها كملت كلامها بمكر: "انا هساعدك بس اوعي تقولي لحد يا درة." "بجد؟! "اه طبعاً بجد." وكملت بخبث:

"بس وريني بقى الدلايل اللي بتقولي عليها." عند غرام. كانت قاعدة في اوضتها بهدوء لحد ما لقت الباب بيتفتح بكل همجية. غرام بخوف وهي باصة قدامها: "مين؟! قالت لها بكرة: "لا بعد كده انتي لازم تحفظي صوتي بقى عشان مش كل شوية هقولك اني ستي نهي." "انتي عايزة مني ايه؟

"اممم بصي بقى يا حلوة مفيش حد دلوقتي فاضي والست هانم اللي كانت بتدافع عنك وتوقفلك قدامنا احنا اللي هما اهل الدار خلاص مش موجودة والبي جوزك معاها في المستشفى يعني من الاخر مبقاش ليكي حد يحميكي وانتي يا حبة عيني عامية ومبتشوفيش." ردت عليها بصوت مخنوق: "انتي ليه بتقوليلي الكلام ده؟ "عشان انا عارفة مصلحتك يا حبيبتي."

"اسمعي.. انتي هتعملي اللي هقولك عليه بالظبط ومن غير ولا كلمة وصدقيني يا غرام لو حد عرف حاجة بالموضوع ف محدش هيندم غيرك." "طب انتي عايزاني اعمل ايه؟ جاوبتها بكرة: "ولا أي حاجة كل الحكاية انك... شهقت غرام بصدمة: "ايه ده!! لا انا مستحيل اعمل كده."