رواية احببتها عمياء الفصل السادس 6 - بقلم مريم احمد

طب انتي عايزاني اعمل أي؟! جاوبت عليها بكرهه: ولا أي حاجة، كل الحكاية إنك لو الست ثريا رجعت تاني تعرفيلنا منها فين مكان الخزنة وتيجي تقولينا على طول، وهي أصلاً بتحبك يعني عمرها ما هتشك فيكي، بس أوعي نوح يعرف حاجة، هو أصلاً مش هيصدقك أنتي ويكذب أهل داره. شهقت غرام بصدمة: إيه!! لا أنا مستحيل أعمل كده. زعقت فيها: يعني إيه الكلام ده؟ أنتي اتخبلتي في عقلك ولا إيه؟

ردت عليها بثقة: أنا مش هعمل حاجة زي كده، أنتي مدركة أنتي بتقولي إيه؟ دي خيانة للأمانة! فضلت نهى بصالها وبعدين قالت لها: أنتي لو معملتيش اللي بقولك عليه يا غرام يبقى مترجعيش تزعلي على أخواتك. إيه! أنا قولت أعرفك وأمهدلك من قبلها بدل ما تتصدمي زي ما اتصدمتي ساعة عمي… فكري في كلامي كويس. سلام. قعدت غرام وهي الخوف متملك قلبها. كانت نازلة بهدوء على السلم لحد ما حد شدها. نهى بوجع: في إيه ياما، كنتي هتقعيني. عملتي إيه؟

إيه كل الخوف ده؟ ميجيش على جبروتك يعني! خليكي أنتي كدا عمالة تطولي في الكلام لحد ما هتلاقيهم طبوا علينا دلوقتي. متقلقيش، هي مكنتش موافقة بس أنا هددتها بأخواتها. يخوفي منك أنتي لتكوني بوظتي الدنيا. قولتلك مقلقيش، المهم دلوقتي أنتي عملتي إيه مع درة. ابتسمت بخبث: دا أنا عرفت حاجات ياااامااا. عدى وقت ورجعوا نوح ومحمد وثريا من المستشفى. جريت ليلي عليهم: ماما عاملة إيه؟ بقت كويسة متخافيش. الحمد لله.

دلال: يعني هي بقت كويسة ورجعت زي الأول؟ محمد باستغراب: أه يا مرات عمي. طب الحمد لله، أحسن أنا كنت هموت من القلق عليها وكل شوية كنت أقول لنهي مش صح نهى. أه ماما كانت خايفة عليكي أوي يا تيتة. تجاهلهم نوح وسأل باستغراب: أمال فين غرام؟ درة: تلاقيها فوق. تمام، أنا طالع أطمن عليها. طلع نوح وساب قلب بيغلي من الحقد. خبط نوح على الباب ودخل. استغرب وقالها: مالك يا غرام اتخضيتي كدا ليه؟ قامت وقفت: نوح! أه نوح، في إيه؟

م مفيش… ماما عاملة إيه. سكتت شوية… هو أنا لو قولتلك حاجة هتصدقيني؟ أكيد، قولي. حكتله غرام اللي حصل بخوف على أخواتها. سابها نوح ونزل بغضب وهو بيتوعد لنهى ودلال.