رواية أحببتها في منامي الفصل الرابع 4 - بقلم اية سلمان

انس : حور 😳 حور : أنا حور سلامة الممرضة. دكتور حاتم بعتني لحضرتك عشان أتابع حالة المريض. انس : حور : يا أستاذ.. يا أستاذ حضرتك كويس؟ انس : هه. حور : هه إيه.. بقولك حضرتك كويس. انس : إنتي مش عارفاني؟ حور : هعرف حضرتك منين؟ أنا أول مرة أجي هنا.. لو سمحت فين المريض؟ انس : أنا. حور : نعم؟ انس فاق لنفسه : أقصد أنا. أنا هوديكي ليها. حور أخدت بالها من إنه مش لابس تيشيرت لفت وشها : حح حضرتك يعني.. انس : إيه؟ ف إيه؟

حور : التيشيرت. انس : تيشيرت إيه؟ أخد باله إنه مش لابس تيشيرت. انس : أنا آسف.. لحظة واحدة. طلع بسرعة لبس تيشيرت ونزل تاني. انس : إنتي لسه واقفة برة؟ اتفضلي ادخلي.. اتفضلي اقعدي. حور : هو فين المريض؟ انس : هو مش مريض.. دي والدتي. هي قعيدة وعندها القلب. أنا عايزك تاخدي بالك منها وتتابعيها. حور : متقلقش. انس : آنسة حور.. إحنا ما اتقابلناش قبل كده. حور : معتقدش يافندم. لأني لسه نازلة مصر من يومين اتنين بس. انس : ليه؟

إنتي كنتي فين قبل كده؟ حور : آسفة بس دي حاجة خاصة. انس بإحراج : احم.. آه.. آه تمام. طيب اتفضلي أخدك لأوضة والدتي. حور : تمام. أخدها انس ووداها لأوضة والدته وخبط. هناء : ادخل. انس : ست الكل. هناء : تعالي ياحبيبي. انس : عاملة إيه دلوقتي؟ هناء : بخير الحمد لله. انس : دي الآنسة حور الممرضة الجديدة.. ودي والدتي يآنسة حور. حور : إزيك حضرتك ياطنط. هناء : الحمد لله ياحبيبتي. تعالي اقعدي.. وإنت يآنس تقدر تروح أوضتك.

انس باصص لحور : _هناء : انس.. إنسسس. انس فاق : آيوا يامي. هناء : تقدر تروح أوضتك. انس : آه.. طيب عن إذنكم. هناء : إذنك معاك. خرج وقفل الباب. هناء : إنما إنتي حلوة قوي ياحور. حور اتكسفت : ربنا يخليكي ياطنط. 🤭 طيب ممكن نقيس الضغط عشان نطمن عليكي. هناء : آه طبعاً..... الا قوليلي ياحور إنتي منين؟ حور ارتبكت. هناء : مالك يابنتي وشك اتخطف كده ليه؟ قولي متخافيش. ف أي؟

حور : أنا أصلاً من الصعيد. بس حصل شوية ظروف كده فنقلت هنا. هناء : مع إنك بتتكلمي مصري عادي. حور : لا دا لأن كليتي كانت هنا. هناء : آه قولتيلي.. طيب إنتي ساكنة فين دلوقتي؟ حور : أنا قاعدة عند واحدة صاحبتي هنا لحد ما أشوف شقة إيجار. هناء : امم.. طيب متخليكي هنا.. أقصد يعني القصر هنا فيه أوض كتير. ممكن نخصص لك أوضة هنا ليكي. حور : شكراً ياطنط. ربنا يخليكي. بس مش هينفع. هناء : مش هينفع ليه؟

إنتي الممرضة بتاعتي. افرضي مثلاً تعبت بالليل ولا حاجة.. يعني؟ ولا إنتي خايفة لنخطفك؟ حور : لا ياطنط مش قصدي.. بس هنا يعني ابن حضرتك وأنا أصلاً أول مرة آجي هنا وكده. مينفعش. آسفة بس محبش أبقى عالة على حد. هناء : اخص عليكي عالة؟ طيب هقولك.. اعتبري إنك أجرتي الأوضة دي ونخصم إيجارها من مرتبك. حور بتفكير في نفسها : أنا لو فضلت هنا أكيد عصام ومسعد مش هيقدروا يلاقوني. حور : خلاص ياطنط أنا موافقة.

هناء : تمام ياحبيبتي.. أمينة.. أميييينه. ( أمينة الشغالة ي جماعة ) أمينة : نعم ياهانم؟ هناء : خدي الآنسة حور ووديها أوضة الضيوف اللي فوق. أمينة : تمام ياهانم. حور : متشكرة قوي لحضرتك. هناء : على إيه ياحبيبتي. روحي غيري هدومك وارتاحي. حور : بس أنا مجبتش لبس معايا. هناء : مفيش مشكلة.. أمينة هاتي لها الطقم اللي بسمة كانت ناسياه. لحد ما تجيب لبسها. حور : هي مين بسمة دي؟

هناء : دي الممرضة اللي كانت هنا. روحي مع أمينة وارتاحي شوية. حور : تمام. مشيت حور مع أمينة وراحت أوضتها. حور : تمام قوي كده. شكراً ليكي. أمينة : العفو. حور أخدت اللبس ودخلت. أخدت شاور وغيرت هدومها وخرجت من الحمام وفجأة.. حور : ااااااااااهي. تري إيه اللي حصل؟